أشعار وقصائد عمرو حسن عن الحب والفراق

منال حجازي

عمرو حسن من أشهر الشعراء الذين انتشروا في الآونة الأخيرة والذي حاذ على إعجاب الكثير من شباب جيله والأجيال المختلفة، كما أنه عرف بشكل كبير على موقع التواصل الاجتماعي فيسبوك والذي يعد من أكبر وأهم المواقع وأكثر انتشاراً وترويجاً للمواضيع الغريبة والغير مألوفة، وايضاً محط اهتمام جميع الشباب والبنات وحتى كبار السن.

اجمل ما قال عمرو

 لو عاوز شيء بشده اعمل حواليه قوسين خلى عيونك تحاوطه لو حتى يروح لفين خليك فاهم يا صاحبي الحلو بييجي مرة ومفيش في الدنيا فرصة…

 مكنش على بالها ان انت تطلع وهم سألوها قالت شهم استحملت أهلها مكنش بيهمها بس انت جبت آخرها رخصتها لغيرها ؟

قصائد عن الحب

اللي بيحبك يصونك يبقي نور ساكن عيونك اللي بيحبك يهاودك لما يظهر فيك جنونك يبقي فرحك لما تحزن لما كل الناس تخونك اللي بيحبك يضمك .

نشأة عمرو حسن

عمرو حسن من مواليد الإسكندرية حي العصافرة، ولد عام أغسطس 1987، وحصل على بكالوريوس التجارة من جامعة قناة السويس عام 2010، ولكنه بدأ حياته الفنية وكتاباته في الشعر في عام 2004، كما أنه أهتم بلعب الكرة والقراءة وأحب سماع المزيكا حباً شديداً.

كلمات عمرو حسن

ولد عمرو حسن في أسرة بسيطة وفي ظروف معيشية صعبة جداً، وكان والده يعمل بالترجمة، ولكنه تركها بعدما حدث التطور الهائل في مجال الترجمة، وأنتقل حسن للعيش بالإسماعيلية ولكنه تركها بعد فترة معينة وأنتقل للعيش بفي القاهرة،

أعمال عمرو حسن

وله العديد من الدواوين منها على ناصية الشاعر، العزلة نص الونس، الفراشات، مصر الجديدة، ديوان ناس كافيه، سيلفي، من هنا للشعر وغيرها من الدواوين.

كما أنه حصل على العديد من الجوائز منها جائزة ساقية الصاوي التشجيعية (كأفضل شاعر 2010) عن ديوانه (العزلة نص الونس)، جائزة مجلة الثقافة الجديدة (أفضل شاعر 2010 )، جائزة المركزية عام 2008

أفضل شاعر ذهبية الجامعات 2009، وأيضا درع جامعة حلوان 2009، وحصل على جائزة أحمد فؤاد نجم في دورتها الثالثة عن ديوان (باندا) لعام 2016 كأفضل ديوان في شعر العامية، كما حصل على جائزة معهد جوتة الألماني.

كلمات عمرو حسن

وقال في حواره في برنامج (صباحك مصري) أن ديوانه باندا كان يعبر عن حالة العزلة والوحدة التي يعشيها هذا الحيوان كما أنه أوضح أنها كانت الحالة المؤثرة عليه في ذلك الوقت أيضا.

أوضح حسن أن كتاباته الأدبية ما هي إلا حصالة التجارب الحياتية التي يمر بها طوال الوقت والأحداث الحياتية المستمرة والظروف العامة المحيطة

كما أنه كان يطمح بأن يكون شاعراً وسط الناس البسيطة، ويفضل دائماً أن يعبر عن حياة الشباب وظروفهم ومشاكلهم، مما جعله الشاعر الأقرب لهم والأول في وسط جيله من الشعراء.

كما أنه صدر مؤخراً خبر بأنه تستعد دار تشكيل للنشر والتوزيع لإصدار ديوانه الجديد بعنوان (مثلاً) وذلك للمشاركة في معرض القاهرة الدولي للكتاب في الفترة المقبلة من هذا العام ( 2017 ).

كلمات عمرو حسن

كما أنه أقام العديد من الحفلات منها ساقية الصاوي بالقاهرة ،حفلتان بقصر ثقافة الأنفوشي بالإسكندرية، وأيضا شاطئ نادي المعلمين.

وبالرغم من صغر سنه إلا إنه تابعه عدد كبير جداً من الشباب والذين يحرصون على حضور حفلاته لسماع قصائده والتي علقت في أذهان الكثير منهم، ومنها قصيدة الفريندزون، وحشتني، وقصيدة أنا أبويا واحشني جداً ومبتحكيش وهيبتا، وقصيدة مكتبهاش نزار، وجوابي الأخير والحرب العالمية الثالثة، والقاهرة والبونتو وغيرها.

تعرف علي: عبارات تهنئة عيد ميلاد اخي 2024 (تهنئة اخويا بعيد الميلاد )

قصائد عمرو حسن

قصائد عمرو حسن

مابتحبكش

بتتعب ليه وتزرع أرض مش أرضك
وليه سهران
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض !
مابتحبكش والله
وكل اللي اتعمل بينكم حكاية وقت مش اكتر
كلامك كله كان عادي
ووردك مرمي ف الشارع من الشباك
بتضحكلك وتبقى معاك
وتحلفلك تكون وياك

مابتحبكش
بتبني ف ايه ؟
بتنكر ليه كلام واضح كضي الشمس
بقالك قد ايه مشتاق
لواحده كان لقاها فراق
وكنت معاها طفل كبير
حكيت للكل عنها بدون ماتتكلم
وكنت تشوفها فتسلم
وكنت تشم بارفانها فتعرف دارها ومكانها
وتعرف كل الوانها بلمسة ايد
ادي العيل ف وصف العيد
لا نفع الشاي ولا الحكايات
ولا الاحلام ولا البدايات
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك

قصيدة جوابي ده الأخير ليكي

جوابي ده الأخير ليكي
يامعاليكي
ياست الحسن
ياسبب الحزن والعلة
ياشجرة حسبتها ضله وطلعت نار
بداية القول : مساء الفل ع الأزهار على خدودك
مابنجرّحش
ومابنسمحش حد يقول كلام عنك
لذلك ثم أما بعد ،
أنا الطفل اللي كان ف عنيكي متشعبط
يشوفك روحه تتلخبط
وقلبه ابن الحرام يضعف ويستعبط
كإنك زار وانا الدرويش
كإنك غار وانا الحرافيش
كإنك كنتي قرش حشيش
دخل رئتيني وملاني
كإنك دار وانا اللي ماليش
سوا الدار اللي لمّاني
بغض الجرح مين خان مين
ومين قصّر مع التاني
وغض الطرفْ عن اسمك
وطعم خروجه ف لساني
أنا مليّت من القصة ومن لعبة خلاص لسه

قصيدة هيبتا

نبدأ منين؟
من صدفة في الشارع
أو شارع الصدفة
أو أي شيء مدهش بيتم بين اتنين
من التقاء العين
أو من حاجات تانية
تبدأ من الدنيا
على اعتبارها كمين
بين إحنا والتانيين
ويبدأ التدوين
من أول السيرة

الصدفة تجمعنا
زي اللي خارج من كافيه بالليل
يخبط في كتف مهندسة بترول
أو عاملة في مصنع
تسقط ما بينهم أغنيات صدفة
لا يوطوا يجنوها ولا يسيبوها تكُف
–تكبر هنا شجرة مجهولة المصدر وشكلها مختلف –
تنمو بفعل الوقت
وتصير مخازن للطيور والقش
البذرة صدفة والفروع علاقات
بالتالي يا حضرات
لا تُهملوا الخطوات أو تمشوا مش شايفين
هتدوسوا على علاقات وبواقي بني آدمين
فتوخوا بعض الحذر
أو امعنوا في النظر
جايز تشوفوا اتنين واقع ما بينهم شيء
هيكون لبكرة طريق
يشبه طريق بكرة
واتأملوا الحكايات
اتأملوا الحكايات
في الدنيا ياما حاجات أكبر من الرؤية
فبنمشي مانشوفهاش
شجرة هنا بتكبر بين حد جه وماراحش
وحد راح وماجاش،،

أشعار عمرو حسن الشهيرة

كتب عمرو حسن العديد من الأشعار والدواوين والاغاني واليوم سنقدم لكم بعض من مقتطفات اشعار الشاعر الكبير عمرو حسن :

من كُتر الكتابة عنّها / باخت
فيه حاجات زيادة مَدْحها لعنة
يا رب هَبنا قهوة تشبه حُزننا
واوهبنا شخص أصمّ يسمعنا
وادينا قلب نبوحله مايخونناش
وادينا حضن نروحله ، فيساعنا ”

صدرك شوارع ذكريات تايهين
والحزن شاعر له هدوءه وحكمته
سألوا الكمان يأهل ترى بتحب مين ؟
ضاق –المكان –مافضلش غيرها ف رنِّته
اتنين ف حرب وخرجوا الاتنين مقتولين
وحضنها هربت منه ،، رجعت حضنته !
مين اللي سلِّم للشتا المفتاح
طعم الحاجات الدافية ف الليل والمطر
زُهدك ف كل الهربانين من جنّتك
البنت كانت حبِّتك ياعبيط
حبِّتها ليه ساعة ما كانت كرهتك !؟
وازاي بتعمل من سجايرك بالونات
بتسيبها تطلع للسما دخان
البنت مشيّت وانت مُتّ عشان
دخّنت نفسك ف الصحاب سرطان
وعطشت من شُرب السما ف البحر
والبحر من كتر الغرق عطشان
فبلاش تفكّر كل ماء يرويك
وبلاش تفكّر كل حضن شاريك
فكّرت يومياً ف كل الناس
ونسيت تفكّر ف اللي فكّر فيك
في الليل مساحة اسمها ”الأرشيف ”
كل الاغاني والصور والذكريات

افضل ما كتب عمرو حسن

كل الحاجات بتطُل من ذكرى الحاجات
ف الليل وكل المرتاحين نايمين
هتمر جنبك لحظة تسوى ساعات
أنا كتفي ممكن تلمسه يشوّك غياب
أنا قلبي ممكن تعصره ينزل بنات
لكن لسوء الحظ أو حُسنه
مابقتش عارف أنسى دي بالذات
وكإنها كوردات ”عمر خيرت ”
ريحة الشوارع وقت فجرية
كل البنات هي وهي البنات كلهم
وانت اللي بتروحلهم مابيطلعوش هي !
طب ايه ياعم الشتا ؟؟؟؟
أنا تحت عيني اتهرى من كتر ماحنّيت
فكرّت فيها ضحكت .. ضحكت فجأة بكيت
ليه الشوارع كلهم قاصدين
يفكروني باللي مش فاضلين ؟
والقهوة كرسي الاعتراف بالذنب
تشرب تقول كل اللي سابك مين
ليه الشتا والبحر اتنين صحاب أنتيم
طب ليه ف كل البلكونات حكايات
فتّحت عيني جدي غمّض مات
وكبرت بيتنا لم عفشه وهجّ
والدي ماحاجش بس شوفته ”ياحاج ”
وايديه ف خدي ختم نسر كبير
أمي اللي شيلت ف حضنها جناحات
وبقيت ف طيبة كل حضن باطير
وصحابي دفتر خدت صفحة ف مطلعه
منهم تلاتة ”توأمين وضمير ”
شكراً لإن الشتا / عرّانا مافضحناش
شكراً لإن الذكريات مماتتش
أكبر دليل عندك أنا
أنا لسه اهو مانستش
شكراً لـ بلّة طين ف ديل التوب
شكراً لمطرة تبلّنا ننشف
تعرف ياعم الشتا ولا بلاش تعرف
في مثل هذا الوقت ف كل عام بيفوت

التعليقات

  1. حلو التعبير ده جدا
    الصدفة تجمعنا
    زي اللي خارج من كافيه بالليل
    يخبط في كتف مهندسة بترول
    أو عاملة في مصنع
    تسقط ما بينهم أغنيات صدفة
    لا يوطوا يجنوها ولا يسيبوها تكُف

  2. الجملتين دول لخصوا كلام كتير عن الاهمال في العلاقات العاطفية
    لا تُهملوا الخطوات أو تمشوا مش شايفين
    هتدوسوا على علاقات وبواقي بني آدمين

  3. الله يا عمرو دايما مبدع
    مابتحبكش
    بتبني ف ايه ؟
    بتنكر ليه كلام واضح كضي الشمس
    بقالك قد ايه مشتاق
    لواحده كان لقاها فراق
    وكنت معاها طفل كبير
    حكيت للكل عنها بدون ماتتكلم
    وكنت تشوفها فتسلم
    وكنت تشم بارفانها فتعرف دارها ومكانها
    وتعرف كل الوانها بلمسة ايد
    ادي العيل ف وصف العيد
    لا نفع الشاي ولا الحكايات
    ولا الاحلام ولا البدايات
    ولا الحواديت ولا السلامات
    ولا الحرُمات
    ولا حتى الكلام بينكم
    ف اول لحظة تختلفوا تهين ضلك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *