كلمات اغنية الصحاب زاب ثروت وحمزة نمرة

أ / اسراء السيد جبر

طرح مغنى الراب الأردني “زاب ثروت”آخر وأحدث ألبوماته الفنية والغنائية حتى الآن منذ ساعات قليلة حمل عنوان “المدينة”، تضمن عدد ثماني أغاني كاملة، من بينهم أغنية حملت عنوان “الصحاب”، وذلك بالإشتراك مع النجم “حمزة نمرة”، تعاون فيها مع باقة من أروع النجوم فى مجال التأليف والتوزيع والتلحين.

كلمات اغنية الصحاب كاملة

إليكم كلمات اغنية الصحاب :

  • غناء: زاب ثروت وحمزة نمرة.
  • ألبوم الأغنية: المدينة.

زمان بس مش زمان ألف ليلة وليلة زمان وقت الطفولة الحلوة وايامنا الجميلة

كان عمري عشرة اتناشر مش اكتر من كدة عرفت كريم صديقي اللي من ايام الصبا

اخوات مش اصحاب يمكن تقول علينا يفرقنا بس الشكل والاختلاف اللي في اسامينا

نفس حب الكورة فينا ولعبها اللي بالساعات هتلم فرقة هلم فرقة ونلعب علي التيشرتات

ياما في مدخل العمارة سهرنا علشان الوقت اتأخر، والصبح للأتاري اليوم في ثانية كان يتبخر

في الشتا كنا نتقابل بعد خروج المدرسة تكمل العصابة بينا وننزل تاني علي العشا

في اللي منا هادي عاقل واللي صوته عالي هيصة ، واللي ملهش في المشاكل واللي خناقاته عويصة

واللي من صحابنا بعدوا عشان سجارة جديدة غير لفوا مهما لفوا تاهوا رجعوا لان ملكش غير

كشك عبده كان مجمع جمبه من الحبايب ألف كنا كتير وما حد غايب واللي يغيب اكيد في ظرف

في الفرح دايما جماعة ومينقصش منا واحد في العزا تلقانا صف كتف في كتف وضهر واحد

الزعل ما بينا نادر كلمة اسف كانت تدوب اي خصام مابينا كان وجمب اخويا اياك تهوب

ايوة عيلة بدون روابط الأسر والقرايب اختك اختي واهلك اهلي في وجودك او كنت غايب

صحاب اصلية فقرية دماغهم مشكلة رجولة ومية مية دول عشرة قديمة مكملة

لو فين اراضينا حاسين ببعضينا كبرت وشوش بس القلوب جدعان متغيروش

عايز احكيلكم ع السعادة والايام الحلوة بينا البوم عمرو في المعمورة قبل راس سدر ومارينا

العربية حمولة خمسة بس راكب فيها سبعة بنسافر الصبح بدري وبنرجع بالعافية في تسعة

الحكاوي قبل نومنا نفضل باليومين صاحيين الشاليه لو اوضة واحدة عادي يكفي اربعين

فرقت الجامعة بينا باختلاف مواعيدنا، واتخرجنا بسرعة منها بس كنا خلاص بعدنا

صوت الجيش عمال ينادي اللي داخل واللي أجل، واللي أخد الأعفا دغري ولمعاد الفيزا سجل

كبرت الدنيا علينا والمكالمة بالمعاد اصل فلان هاجر لكندا وفرق التوقيت بالساعات

هما اتنين تلاتة بقيوا في الوصال والاتصال، ونقول الدنيا تلاهي وكل واحد حاله حال

وفي يوم ابويا تعب كنت هموت من الخوف عليه القدر يعمي البصر طب هتصرف اعمل ايه

فكلمت اول نمرة من صحابي كنت فاكرها حس بيا واللي فيا من مكالمة وفي اولها ونص ساعة

وكان تلاتة من صحابي قصادي جم زادوا اكتر بعد ساعة ايوة دول صحابي اهم

ورجعنا تاني صف واحد كتف في كتف وضهر واحد كل اخواتي كانوا جنبي ومنقصش منا واحد

قام ابويا بعدها كانوا سندي وقتها، والحكاية دي حقيقة والله مألفتها

صحاب اصلية فقرية دماغهم مشكلة رجولة ومية مية دول عشرة قديمة مكملة.

شاهد المزيد من أغاني زاب ثروت:  كلمات اغنية الدنيا زاب ثروت وطارق الشيخ

أعمال زاب ثروت الفنية

وبعد التعرف على كلمات اغنية الصحاب يعد أحمد ثروت والمعروف في الوسط الفني باسم “زاب ثروت” هو مغنى راب وكاتب أغانى أردني مشهور، يعد واحدا من أروع وأجمل الأصوات الشابة والصاعدة حديثا فى وطننا العربى خلال السنوات القليلة الماضية، عاش معظم حياته فى مصر.

بدأ مشواره الفنى عام 2009، حيث أطلق أول أغنية سينجل خاصة به بعنوان “الصبح”، حصل على شهرة عالية عقب إنضمامه إلى فريق يسمى “الأسفلت”، ظهر من خلاله فى فيديو كليب أغنية اسمها “كاتب لبكره جواب”.

قدم عدد من الأغانى أثناء ثورة يناير 2011 من إنتاج وتوزيع شركة “إكسير ستوديو” مثل أغنية “صباحنا”، بالإضافة إلى “بحلم”بالاشتراك مع كلا من فرقة “كايروكى”والنجم “هانى عادل”، أصدر أول ألبوم كامل له من ساعات قليلة بعنوان “المدينة”، من أفضل أغانيه أغنية اسمها “الصحاب”مع “حمزة نمرة”، أعلن عن عدد من الأغانى السينجل مثل أغنية:

  • إحنا جيل وأنتو جيل.
  • قلب مات.
  • أنا بطل حياتى.
  • حرية.
  • الهندسة.
  • ناس.
  • مين السبب.

كلمات اغنية الصحاب

شاهد أيضًا  كلمات اغنية ملوك المدينة زاب ثروت

أبرز أعمال حمزة نمرة الغنائية

وفي سياق الحديث حول كلمات اغنية الصحاب يعد حمزة نمرة هو مطرب ومغنى وعازف بيانو وجيتار معروف، حقق شهرة واسعة على نطاق العالم عقب إصداره لأغنية اسمها “إنسان”، والتي قام بتصويرها فيديو كليب.

إشترك مع “زاب ثروت”فى أغنية جديدة اسمها “الصحاب”، أعلن عن آخر ألبوم له حتى الآن فى شهر مارس الماضى بعنوان “هطير من تانى 2018”.

أ / اسراء السيد جبر

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *