التخطي إلى المحتوى
كلمات البوم ليالينا رامي جمال 2018
ألبوم ليالينا

حصريا كلمات ألبوم ليالينا رامي جمال 2018 نقدمه لكم مكتوب وكامل على موقع محتوى، طرح الفنان المصرى الشاب “رامى جمال” آخر وأحدث ألبوماته الفنية والغنائية حتى الآن ألبوم حمل عنوان “ليالينا”، تضمن عدد سبعة عشر أغنية، هم “تعيشى ليا ومتكلمناش ولولا وربطتينى وجربت أنساك ومن كفاية ومش كتير وفوق ودى العيون وراح لحاله ومتظلمنيش وهخونك والنظرة الأولى وبحاول أنساكى وأنساها ليه وليالينا ومفيش منها”.

نبذة عن نشأة رامي جمال

رامى جمال هو مغنى وملحن مصرى معروف، يعد واحدا من أجمل وأروع الأصوات التى ظهرت وتواجدت فى وطننا العربى خلال السنوات القليلة الماضية، تمكن من تكوين نسبة شعبية عالية فى وقت قليل.

وهو من مواليد مدينة “المنصورة” بمحافظة الدقهلية المتواجدة فى “جمهورية مصر العربية”، اسمه كاملا “رامى جمال عبد الوهاب الفقى”، أحب الموسيقى منذ الصغر حبا شديدا، وبناءا على ذلك قرر الإلتحاق بكلية “التربية الموسيقية” جامعة “المنصورة”، وتخرج منها.

نبذة عن نشأة رامى جمال

حياة رامي جمال الشخصية

أعلن رامي جمال عن زواجه من المطربة المصرية الشابة “ناريمان” يوم 13 من شهر أكتوبر عام 2014، وذلك بعيدا عن أعين الإعلام، وأكد خلال بعض التصريحات أن حفل الزفاف تم فى منزل العروسة بحضور الأهل والأقارب فقط، وأضاف أنه لجأ إلى تلك الطريقة نظرا لطبيعة زوجته الخجولة، والجدير بالذكر أن “ناريمان” إبتعدت عن الغناء نهائيا بعد الزواج مباشرة.

مشوار رامي جمال الفني

بدأ رامي جمال مسيرته الفنية والمهنية عقب التخرج مباشرة من الجامعة، حيث إقتحم مجال التلحين، وقدم أول أعماله تلحين أغنية فيلم “فرح” بطولة كلا من “أحمد هارون ومى عز الدين”، والتى قدمها الفنان العظيم “أحمد فوزى”، ثم لحن أغنية “لياليك” لصاحبها “فضل شاكر”، وإستمر التعاون بينهم فى أكثر من أغنية ناجحة.

لحن العديد من الأغانى لألمع نجوم الوطن العربى مثل “محمد حماقى ومحمد فؤاد وتامر عاشور وشيرين عبد الوهاب وآمال ماهر وتامر حسنى وهشام عباس وأنغام وبهاء سلطان وهيفاء وهبى وفيروز أركان ومحمد نور ومصطفى قمر ونوال الزغبى ومى سلم ورامى عياش وحسام حبيب وسامو زين وياسمين نيازى ويارا وأحمد فهمى وإيساف”.

مشوار رامى جمال الفنى والمهنى

إتجاه رامي جمال إلى الغناء

قرر الإتجاه إلى الغناء بعد ذلك، حقق شهرة عالية وإنتشارا واسعا على مستوى الشرق الأوسط عقب تلحينه وغناؤه لأغنية “يا بلادى”، والتى أذيعت للمرة الأولى على القنوات الفضائية أثناء قيام ثورة الخامس والعشرين من يناير عام 2011، أطلق أول ألبوم غنائى كامل خاص به فى نفس العام حمل اسم “مليش دعوة بحد”، حقق من خلاله نسب مبيعات هائلة.

أعلن عن ألبوم مشترك مع كلا من “محمد حماقى وخالد عز وتامر على”، أصدر ألبوم جديد منذ ساعات قليلة عبر قناته الرسمية على موقع “اليوتيوب” حمل عنوان “ليالينا”، تضمن عدد سبعة عشر أغنية كاملة، هم “تعيشى ليا ومتكلمناش ولولا وربطتينى وجربت أنساك ومش كفاية ومن كتير وفوق ودى العيون وراح لحاله ومتظلمنيش وهخونك والنظرة الأولى وبحاول أنساكى وأنساها ليه وليالينا ومفيش منها”.

إتجاه رامى جمال إلى الغناء

أغاني رامي جمال

أصدر العديد من الأغانى السينجل الرائعة والناجحة التى حظيت بإهتمام وإعجاب وإستحسان جمهوره العريق، قام بتصوير بعضها فيديو كليب، ونشرها على حسابه الرسمى والشخصى على موقع الفيديوهات الشهير “اليوتيوب”، من بينهم أغنية حملت عنوان:

  • أوعدينى.
  • فترة مش سهلة.
  • حكاية روح.
  • ناديلى.
  • جيتلك.
  • قدامى.
  • يا قلبى.
  • مافضش بيا.
  • مش كداب.
  • يخليك ليا.
  • مات اللى فات.
  • إتفضل أمشى.
  • إزاى هنرجع.
  • فوقت متأخر.
  • قدامى أحلامى.
  • خاصمنا بعض.
  • هخاف من إيه.
  • قلبى ملك ليك.

ألبومات رامي جمال

فى رصيده الفنى خمسة ألبومات غنائية كاملة، تمكن من خلالهم من تحقيق نسب مبيعات عالية، نوعت فيهم بين اللون الحزين واللون الرومانسى، قام بتصوير بعض أغانيهم فيديو كليب، وهم:

  • مليش دعوة بحد.
  • فترة مش سهلة.
  • ملناش إلا بعض.
  • ليالينا.

تفاصيل ألبوم ليالينا

طرح النجم المصرى الشاب “رامى جمال” ألبومه الجديد والذى يحمل اسم “ليالينا” فى الأسواق وعلى قناته الرسمية على “اليوتيوب” خلال الـ48 ساعة الماضية، وذلك بعد الحملة الدعائية القوية والضخمة التى إمتلئت ميادين وشوارع القاهرة قبل الإعلان عنه مباشرة، وهو من إنتاج وتوزيع شركة “نجوم ريكوردز”، ويعتبر التعاون الثانى الذى يجمع بين “رامى جمال” والشركة بعد النجاح الهائل لألبوم “مالناش إلا بعض 2016”.

تضمن الألبوم سبعة عشر أغنية كاملة، والجدير بالذكر أنه أعلن عن أول أغانيه بعنوان “مفيش منها” منذ عدة أيام، وصورها فيديو كليب، حققت نسب مشاهدة عالية منذ إصدارها فى أيامها الأولى، تعاون فيه مع باقة من ألمع الشعراء والملحنين مثل “أيمن بهجت قمر ونادر عبد الله وبهاء الدين محمد وأمير طعيمة وتامر حسين وتوما”.

تفاصيل ألبوم ليالينا

أغانى ألبوم ليالينا

أحتوى الألبوم على سبعة عشر أغنية كاملة، نوع فيهم بين اللون الرومانسى والحزين، تم إصدارهم جميعا باللهجة المصرية وهم:

  • تعيشى ليا.
  • متكلمناش.
  • لولا.
  • ربطتينى.
  • جربت أنساك.
  • مش كفاية.
  • من كتير.
  • فوق.
  • دى العيون.
  • راح لحاله.
  • متظلمنيش.
  • هخونك.
  • النظرة الأولى.
  • بحاول أنساكى.
  • أنساها ليه.
  • ليالينا.
  • مفيش منها.

أغانى ألبوم ليالينا

كلمات ألبوم ليالينا كامل

نستعرض لكم من خلال التالي كلمات أغاني ألبوم ليالينا كاملة للنجم رامي جمال.

كلمات أغنية تعيشى ليا

  • كلمات الأغنية: نادر عبد الله.
  • ألحان الأغنية: تامر على حسين.
  • توزيع الموسيقى: ياسر ماجد.

تعيشي ليا وتسلميلي يا حب كان ميجيش في بالي الا انتي مين غيرك باقيلي يا فرحة كانت مكتوبالي

تعيشي ليا وتعيشيني، وسنين حياتي تحليهالي ده انا لو عليا بينك وبيني خودي مني عمري عيشيه بدالي

قبلك قضيت سنين من عمري دول مش محسوبين، واحنا اتقابلنا ليه متأخرين

قبلك حسيت زمان في الدنيا دي بقلة امان، ولو محبكيش هحب مين

وجودي جنبك عوض عليا كل اللي ضاع وانا مش لاقيكي رضا امي عني ودعاها ليا طول السنين دي قعدلي فيكي.

كلمات أغنية متكلمناش

  • كلمات الأغنية: أمير طعيمة.
  • ألحان الأغنية: مدين.
  • توزيع الموسيقى: أحمد عبد السلام.

متكلمناش ولا قولنا بلاش نبعد عن بعد وادينا بعدنا ومرتحناش

ودي غلطة مين محناش عارفين اللي انا متأكد منه خسرنا احنا الاتنين

احنا غلطنا لما صدقنا ان اكيد راحتنا في فراقنا، وادي الوقت عدى وسرقنا ومرجعناش

احنا غلطنا لما ضيغنا اجمل حاجة فينا بوداعنا كان جوانا صوت بيمنعنا ومسمعناش

في الوحدة بعيش حبه مسابنيش، وليالي حياتي قصادي بتتسحب بشويش

لا حياة ولا روح وبعيش مجروح لو يرجع بيا العمر لا يمكن اسيبه يروح.

كلمات أغنية لولا

  • كلمات الأغنية: تامر حسين.
  • ألحان الأغنية: مدين.
  • توزيع الموسيقى: أحمد عبد السلام.

اللقا مكتوب كل شيئ محسوب كل عاشق هيلاقي حبيبه اللي مستنيه

الهوا جنة للي يتمنى، واللي لسه مشافش نصيبه بكرة يفرح بيه

لولا لولا لولا عيونه نادونا ما بقينا احباب لولا لولا لولا عيونه نادونا والنصيب غلاب

للفرح جيات في القلوب هيبات يا ليالي أمانة تنسينا مر أيامنا

جنبي اغلى الناس ويا ليل وناس، والنجوم في السما شاوروا علينا غيرانين منا.

كلمات أغنية ربطتيني

  • كلمات الأغنية: خالد تاج الدين.
  • ألحان الأغنية: خالد عز.
  • توزيع الموسيقى: خالد عز.

ربطتيني عشقتيني خلاص انا دوبت و عشقتك انا دلوقتي مشكلتك يا تحليها يا تحليني

انا قلبي اللي كان قلبي بقى مسموش خلاص قلبي، وليه و انتي هنا جنبي بتوه و احتار

حقيقي مأثرة فيا وليه، وعملتي ايه فيا، ولا عارف في يوم ليا مصير و قرار

انا حكاية بلا نهاية خلاص هتروحي فين مني على بابك و مستني يا ادخل جنة يا تخليني.

كلمات أغنية جربت أنساك

جربت انساك مع غيرك مقدرتش اعيش من غيرك دة انا لما بقول في غيرك قولتها علشان مطلعش ضعيف

حواليا الناس ومعايا حاسين بهواك جوايا احتار الشوق ويايا اصلك ف حياتي مكنتش ضيف

في كل مكان بروحه بحس روحك فيه، وبفتكر اللي كان و ازعل بجد عليه

ياريت يقابلني حب جديد اسيبك بيه  بدل ما افضل كدة عايش ضحية بعد

عشان ارتاح لحد عايزلي وقت طويل غيابك عني صعب و خلى نفسي تشيل

تعبت من الحنين ومن السهر بالليل انام ازاي وانا وانت بعيد عن بعض

جربت أنساك مع غيرك ماقدرتش أعيش من غيرك ده أنا لما بقول في غيرك قولتها علشان مطلعش ضعيف.

كلمات أغنية مش كفاية

  • كلمات الأغنية: نادر عبد الله.
  • ألحان الأغنية: تامر عاشور.
  • توزيع الموسيقى: أحمد عبد السلام.

مش كفاية ألف احساس جوة مات معايا ألف جرح قديم بسببك فيا كان سايب بقايا لسة مستكفتش من وجعي و أذايا

مش كفاية جاي تصحي فيا ليه مواجع نسيتها، ولا مش عاجبك نهايتي اللي بايديك انتهيتها جاي تزود سطر ناقص في النهاية

مش كفاية هو بقى في عمر باقي تاخده مني ربنا يسامحك و على جرحك يعيني

شيلت ذنبي وذنبي في رقبتك لكني غصب عني كتير دعيتلك بالهداية

مش كفاية ألف ذكرى مرة سايبة أثرها فيا ده انت لو بتحن ليا تبقا حنيت للأذية ربنا لوحده اللي عالم بالنوايا

مش كفاية عز يعني عليك سنين بينك و بيني، ولا واحشينك يوميني ولا وحشك دمع عيني طب دة لو تعبك فراقي قول فدايا.

كلمات أغنية من كتير

  • كلمات الأغنية: أحمد عاطف.
  • ألحان الأغنية: محمد النادى.
  • توزيع الموسيقى: طارق عبد الجابر.

من كتير اعرفها كل ماجي اوصفها ألقى بردو مفيش كلام في الدنيا بيكفي

هو فيه في رقتها روحي مني خدتها لمسة واحدة منها وقت البرد بتدفي

الشمس تطلع لما تبتسم تتغنى غنوة و فرحة تترسم اه يانا من اللي معاها ببقى فيه

الله عليها دي حتة من القمر عينيها فيها يوم يومين سفر هي الملايكة عنها تفرق ايه

هي دي اللي حاسسها واللي عمري ناقصها هي اغلى الناس و غيرهم كلهم عندي

لما تيجي سيرتها بنسى نفسي ساعتها ببقى مش على بعضي بالي يجيب و بيودي.

كلمات أغنية فوق

  • كلمات الأغنية: أيمن بهجت قمر.
  • ألحان الأغنية: مدين.
  • توزيع الموسيقى: أحمد عبد السلام.

هات حد و اقسى عليه و جرب كل يوم تأذيه هيعدي مرة مرتين في التالتة لا بقى ليه دة كدة انتحار

اهون جهنم عندي لو في الجنة جنبك اعيش ملاقيش ولا تقدير لكل اللي اتعمل و مفيش رد اعتبار

فوق و خد بالك كدة اللي ما بينا عمال يموت فوق بتتقطع ما بينا خلاص كل الخيوط

فوق لنتحسر حاجات حلوة هتتكسر يا خوفي تحس متأخر و اقول اعذرني خدت قرار

الضربة توجع مرة عارف التانية تعمل ايه بتقسي و اما القسوة تدخل قلبي بتنسيه ليه كل دة

في ناس بتستحلى الوجع و دول مابيحسوش بيقولوا عاشوا في الحقيقة للاسف ماعاشوش، وانا مش كدة.

كلمات أغنية دى العيون

كنت مالي يابا بالهوى و عذاب لياليه اه لففوني الكون دوخوني يابا

سهروني يابا كنت يعني انا هعمل ايه  آه منها دي العيون قلبوا حالي يابا

كنت مالي يابا بالهوا وعذاب لياليه أه لففوني الكون دوخوني يابا

سهروني يابا كنت يعني أنا هعمل إيه  يابا يابا القمر زغلل عيوني وراح

يابا ليل الهوى من غير حبيب جراح يابا لو يوم يحس بحالي كنت ارتاح

يادي يادي الحنين اللي سايقني وراه راضي، ويا اعيش ف حضنه يا اما اموت براه

وادي و ادي اللي قلبي من المحبة جناه اه منها دي العيون قلبوا حالى يابا.

كلمات أغنية متظلمنيش

  • كلمات الأغنية: جمال الخولى.
  • ألحان الأغنية: رامى جمال.
  • توزيع الموسيقى: نور.

مش هيفرق في الوجع مين اللي ساب هي هي البعد في الآخر عذاب

ما اتفقناش ع اللقى لما إلتقينا، ولا اتفقنا يا حبيبي على الغياب

ماتظلمنيش ولا تظلم في يوم نفسك محدش فينا كان عامل حسابه يغيب

ولو سألوك مكملتوش بلاش تسكت، وقول عادي مفيش حاجة الحاجات دي نصيب

سنة البعد الوجع و الإشتياق، وإمتحان الحب ف الدنيا الفراق

للي لاموا في بعضهم اول ما راحوا غير اللي بعد ما راحوا فضلوا على اتفاق.

كلمات أغنية هخونك

  • كلمات الأغنية: بهاء الدين محمد.
  • ألحان الأغنية: هشام شوقى.
  • توزيع: نور.

لو بعدتي عني يوم بوعدك وحياة عيونك مش كلام فعلا هخونك و مش هيبقى عليا لوم

يعني لو مضايقة مني قولي قولي قولي و اوعي متقوليش حتى لو هتموتي مني خلي بالك خلي بالك متموتيش

اصل بردو الموت دة بعد هيخلينا بعيد عن بعض شوفتي بحبك اد ايه
لو بعدتي هيحصل ايه

لو بعدتي لو خصام حتى و انتي قاعدة جنبي نمت و إنتي مخاصمة قلبي اه هخونك في المنام

بعد عني دة مستحيل، وانتي حرة خلاص براحتك بس متقوليليش جرحتك لو لقيتي في يوم بديل

اصل بردو الموت دة بعد هيخلينا بعيد عن بعض شوفتي بحبك اد ايه لو بعدتي هيحصل ايه.

كلمات أغنية النظرة الأولى

  • كلمات الأغنية: أمير طعيمة.
  • ألحان الأغنية: أحمد العدل.
  • توزيع: توما.

كدة من النظرة الاولى خدني ضحكته مش معقولة سابني بسأل روحي و قلبي انا هعمل ايه

دوبني و علقني بعنيه من الدنيا بيسرقني كدة ليه بحر الشوق غرقني ويلي من اللي أنا فيه

الوضع صعب جدا قلبي سابني و راح معاه ما بنامش ليلي فعلا بستنى لحظة لقاه

انا حالي حال، وبقيت افكر فيه عمال على بطال

رمى رمشه و راح ماشي يا سلام قولتله يا جميل ماشي و تمام

انا اصلي مبنساشي انا مبعديش دلوقت هيتمنى اناديه، وانا هصبر و استنى معاليه دة مسيره هيشتاقلي و في حضني يعيش.

كلمات أغنية بحاول أنساكي

  • كلمات الأغنية: أحمد المالكى.
  • ألحان الأغنية: محمد وزيرى.
  • توزيع الموسيقى: أحمد أمين.

وحياة الوحدة اللي انا فيها، و الحزن العايش جوايا، و الناس اللي اتظلموا معايا، وانا ياما بحاول انساكي

وحياة الفرحة اللي ناسيها، و الهم اللي استولى عليا، و الذكرى اللي بتوجع فيا هتلف الدنيا و هلقاكي

وحياة ايامنا اللي أنا مش قادر انساها، وحياة الدنيا اللي انا من بعدك براها

هتجيني و قلبي قافل بابه، و تعيشي ف يوم نفس عذابه، وحياة الدمعة اللي بتنزل من كل الناس اللي اتسابوا

انا لسة حكايتك بحكيها، و بقولها لقلبي اللي اذاني

علشان لو حن في يوم تاني يفتكر ازاي انتي مشيتي

أيام الوحدة هعديها، و الفرحة هترجع من تاني

و مسيرك تيجي في يوم ليا، وتقولي ياريتك ما نسيتي.

كلمات أغنية أنساها ليه

  • كلمات الأغنية: بهاء الدين محمد.
  • ألحان الأغنية: رامى جمال.
  • توزيع الموسيقى: نور.

ودى تقولي ما تنساها، ودى تقولى فاكرها ليه، ودى تقولى دى مش راجعة ده ماضى وانت عايش فيه

ودى تقولى دى لو فاكراك كانت حنت في يوم لهواك فاكرها ازاى تعالى من اللى فات وارجع

فضلت اسمع وبعد ما خلصوا اللى قالوه ماقولتش غير انساها ليه

ودى نيتها انساها عشان يفضى في قلبى مكان، ودى غيرانة من الاخلإص عشان مجروحة من النسيان

ودى مستغربة قلبى عشان ما شافتش يوم اخلاص، ودي عايزانى انسى عشان تجرى تقول نسيكى خلاص.

كلمات أغنية ليالينا

ليالينا ليالينا فرحة ف كل يوم معاك يا حبيبي الدنيا بتحلالي بلقاك بلاقيها دنيا مليانة حكايات

ليالينا يا حبيبي حلمي لسة ببتديه حب عمري عيشت انا ادور عليه

و اللي جاي حبيبي اجمل م اللي فات سنين سنين سنين في العمر جاية

هعيش و احس بيك و تحس بيا كفاية اشوف عينيك قدام عنيا و زيي قولي مين

حبيبي يا اللي بيك نسيت جروحي حبيبي ياللي فيك بلاقي روحي حياتي بين ايديك اخر طموحي و زيك انت فين

دة انا ياما دا أنا ياما كنت بحلم ابقى ليك دة انا قلبي لف الدنيا دي عليك و ليالي من حياتي عيشتها

دي ليالي كنت زي طفل تايه في الحياة نفسه يلقى حضن و يكمل معاه إنت حاجة كان منايا اوصلها.

كلمات أغنية مفيش منها

شعرها ناعم كالليل الكحل اللي مزهزه عينها عجباني الغمازة اللي على الخد اللي بيزينها

بتخلي قلبي القاسي لما يشوفها يحنلها، والحجر ده ينطق لما تعدي ويكلمها

شعرها ناعم كالليل الكحل اللي مزهزه عينها عجباني الغمازة اللي على الخد اللي بيزينها

بتخلي قلبي القاسي لما يشوفها يحنلها، والحجر ده ينطق لما تعدي ويكلمها

انا شوفت حلاوة الطلة مفيش منها في بلاد بره، ولا حتى اتنين في القارة ماهو دي عليها جمال

اكتر من السكر حلى ماهو دي اللي عليها اتسمى قمرة وجاية من الجنة، واكتر من كده يتقال

انا شوفت حلاوة الطلة مفيش منها في بلاد بره، ولا حتى اتنين في القارة ماهو دي عليها جمال

دي بالراحة وبصراحة للجنة جابت قلبي

شعرها ناعم كالليل الكحل اللي مزهزه عينها عجباني الغمازة اللي على الخد اللي بيزينها

بتخلي قلبي القاسي لما يشوفها يحنلها، والحجر ده ينطق لما تعدي ويكلمها

قلبها ابيض والطيبة الحلوة دي احلى مافيها في كلامها براءة وضحكة جميلة باينة في عينيها

احساسها العالي في عيون قلبي ملكة مخليها، ودي لما بتلمس الحاجة بإديها بتحليها

قلبها ابيض والطيبة الحلوة دي احلى مافيها في كلامها براءة وضحكة جميلة باينة في عينيها

احساسها العالي في عيون قلبي ملكة مخليها، ودي لما بتلمس الحاجة بإديها بتحليها

شعرها ناعم كالليل الكحل اللي مزهزه عينها عجباني الغمازة اللي على الخد اللي بيزينها

بتخلي قلبي القاسي لما يشوفها يحنلها، والحجر ده ينطق لما تعدي ويكلمها.

يمكنكوا الإستماع إلى ألبوم “ليالينا” أو تحميله من خلال موقع “آى تونز”.

اترك تعليق

  Subscribe  
نبّهني عن