كلمات اغنية اخرة الشقاوة احمد مكي 2018

كلمات أغنية آخرة الشقاوة أحمد مكي 2018 نقدمها لكم مكتوبة وكاملة على موقع محتوى، طرح مغنى الراب المصرى الشاب “أحمد مكى” أحدث وآخر أعماله الفنية والغنائية حتى الآن أغنية سينجل حملت عنوان “آخرة الشقاوة”، وذلك عبر قناته الرسمية والشخصية على موقع الفيديوهات الشهير “اليوتيوب”، تعاون فيها مع المطرب الشعبى “محمود الليثى”، وهى من كلمات “محمد البوغة” وألحان وتوزيع “شادى السعيد”.

مشوار أحمد مكي الفني

أحمد مكى هو ممثل ومغنى راب ومخرج مصرى من أصل جزائرى، يعد واحدا من ألمع النجوم الشابة والصاعدة حديثا فى وطننا العربى خلال الخمسة عشر عاما الماضية، بدأ مشواره الفنى عن طريق إخراج فيلم “الحاسة السابعة”، ولكنه لم يلقى أى نجاحا، ظهر بعد ذلك بدور صغير فى فيلم “إبن عز” بطولة الراحل “علاء ولى الدين”.

مشوار أحمد مكى الفنى

حقق شهرة عالية عقب ظهوره فى فيلم “مرجان أحمد مرجان” بدور “دبور”، قاد بطولة المسلسل الكوميدى “الكبير أوى” فى أجزاؤه الخمسة بالتعاون مع الفنانة “دنيا سمير غانم”، أعلن عن أغنية راب جديدة اسمها “آخرة الشقاوة” بالإشتراك مع المطرب الشعبى “محمود الليثى”، قام بإخرج مسلسل “لحظات حرجة” عام 2007.

أغاني أحمد مكي

حقق شهرة عالية ونجاحا عاليا على مستوى العالم بأكمله فى أغانى الراب، قام بإصدار عدد كبير منها، نالت إعجاب الجمهور العربى بوجه عام والشباب بوجه خاص، قام بتصوير بعضها فيديو كليب، من بينهم أغنية اسمها:

  • واقفة ناصية زمان.
  • منطقتى.
  • قطر الحياة.
  • آخرة الشقاوة ديو مع “محمود الليثى”.
  • فيس بوكى.
  • 25 يناير ديو مع “محمد محسن”.
  • شكرا يا ماما.

أفلام أحمد مكي

قاد بطولة عدد من الأفلام السينمائية، قدم من خلالها عدد من الشخصيات المختلفة مثل شخصية “هيثم دبور وحزلئوم”، من أشهرهم فيلم:

  • إتش دبور.
  • طير أنت.
  • سيما على بابا.
  • سمير أبو النيل.
  • لا تراجع ولا إستسلام.

أصداء أغنية آخرة الشقاوة

طرح “أحمد مكى” أحدث أغنية راب له منذ ساعات قليلة عبر قناته الرسمية على موقع “اليوتيوب”، أطلق عليها اسم “آخرة الشقاوة”، تعاون فيها مع النجم الشعبى “محمود الليثى”، حقق من خلالها نسب مشاهدة عالية، تخطت فى أقل من 24 ساعة فقط أكثر من مليون و 300 ألف مشاهد كامل.

نجاح مذهل لأغنية آخرة الشقاوة

كلمات أغنية آخرة الشقاوة كاملة

  • غناء: أحمد مكى ومحمود الليثى.
  • كلمات الأغنية: أحمد مكى ومحمد البوغة.
  • ألحان الأغنية: شادى السعيد.
  • توزيع الموسيقى: شادى السعيد.

إسمى قرن الغزال بس إسم الشهرة مطواة بدى لصاحبى هيبة الناس تهابه يكون له سطوة

جسمى قد كفك مصنوع فولاذ و عاج تعض عضمى بسنانك يجيلك إرتجاج

أوكابى ألمانى على سلاحى منقوشة خوجة سن سلاحى موس و حامى يفوت فى اللحمة النية نوجة

ثلاث نجوم وهلال وهلال فوق جسمى زينة مطيع لصاحبى ومخلص إللى يعوزه يلا بينا

ياما هوشت وحوش يا ما شوهت وشوش ياما فتحت كروش لناس باتت راقدة فى نعوش

لو عرقبت رجل بزاوية صح لواحد ما تشيلوش لما بظهر فجأة الناس تجبن تجرى و لو جيوش

صوت فتح سلاحى بيجيب لصاحبى جنان قتل عور و زفر سن سلاحى و مش ندمان

قلبه و إحساسه ماتوا و نظرة عينه ديب سعران إنسان من برة بس من جوة إتقلب شيطان

عيني علي صاحب فجر قدرناه و لا طمر سوق فيها يا بونتي اكتر ماشي يا عم الدكر

إحنا علي وضعنا لو عيشنا و ملحنا مبقوش لادين عليك يا أبا و استنقصتنا الدنيا سلف و دين و مسيرك تنقرص

و تقول يا صاحبي فينك يا شقي أقول كان فيه و خلص

رحال و كعبى داير لفيت الدنيا لف من إيد مالك لمالك بأتنقل من كف لكف

صحيح البحر واحد بس السمك أنواع مريت على الجبان و البق و العترة الشجاع

فيه اللى كان بيعمل بيا نمرة و يرقص فى الأفراح في الى قدرونى صح و شافوا فيا أقوى سلاح

كل فترة أعيشها بتبقى شكل صاحبى أحداث و ناس جديدة، و كل واجبى صاحبى أحمى

و صاحبى الحالى واعر تاجر مخدرات فتوة و كفه سابق مش هامه أى حوارات

بديت معاه من الصفر مكانش يسيبنى لحظة ماكانش يجيله نوم إلا أما أكون تحت المخدة

واحدة واحدة صيته ذاع واخدها بالدراع أفيونته تحت لسانه و شايه تقيل و بالنعناع

لما تقوم خناقة و يبدأ يتعصب و يغل يأمن إنى في جيبه و يأمن ع الأبتريل

عور بيا يا ما قتل 3 مرات أخرهم جارد جثة برا بار من البارات

الناس بقت تخافه و تهابه و تعمله حساب، و إللى بيعترض طريقه بتبقى عيشته هباب

عمل لنفسه ضهر و بعلاقات ثبت وجوده، و زود حجم دولابه تاجر هيروين و فودو

عيني علي صاحب فجر قدرناه و لا طمر سوق فيها يا بونتي اكتر ماشي يا عم الدكر

إحنا علي وضعنا لو عيشنا و ملحنا مبقوش لادين عليك يا أبا و استنقصتنا الدنيا سلف و دين و مسيرك تنقرص

و تقول يا صاحبي فينك يا شقي أقول كان فيه و خلص

صاحبى كبر و إتوحش لعب معاه القرش جاب مرسيدس ساعة دهب نشاط تانى ع الوش فى تحته جيش رجالة بأمره ينفذوا التمام

و فى طبنجة 9 مللى و فى آلى دفع أرقام خلاص إستغنى عنى مابقتش قد المقام

بقيت أعره لو ظهرت معاه خلاص مات الكلام فحطنى فى صندوق جزم قديم رماه فوق الدولاب

أكتر من 3 سنين مرمى رمى الكلاب جنبى فى الصندوق ورق مضروب و ذكريات

حشيش قديم نشف و صورة لإبنه إللى مات من خبرتى بالناس حافظ حبة أمثال

أكترهم مؤمن بيه دوام الحال من المحال طغيان صاحبى و نفوذه خلت العين عليه، و الكوك لحس دماغه و الغرور عماله عنيه

شبه إحتكر السوق فولاد الكار قالبين عليه حتى الحكومة هاجت ماجت قررت حاطين عليه

كام واحد من رجالته عاملين معاه الجلاشة باعوا سره للحكومة فتعمل عليه كماشة

إختاروا يوم كان كانز فيه في البيت تقريبا تمن طن هيروين و كوكايين شكل الكمية حاجة تجن

البوليس هجم كبس ع البيت بالليل الساعة تسعة مطر من ضرب نار أغلبهم للهروب بيسعى

بس صاحبى قلبه ميت شد لاين و قام يدافع بالعروسة التسعة مللى قام يهاجم تانه راجع

حد فضى خزنة المسدس من وراه حتى الآلى إختفى ده بفعل فاعل يا ولداه

صاحبى هرش و إستوعب إنه إتباع و ع المشاع هيعيش لو سلم نفسه هيموت لو عمل شجاع

محسش بالأمان عمل زى زمان دب إيده فى جيبه يجيبنى فإفتكر كل إلى كان

أخيرا إفتكرنى و جابنى من فوق الدولاب فرحت إنه بيلجأ لى تانى و هنرجع صحاب

أول ما مسكنى إستغرب شكلى أصلى مردوم بالتراب باظت لحظة فرحتى من قوة رزعة كسر الباب

بوليس كتير دخل بسلاحه الكل كان مكشم صاحبى فتح سلاحى ما إتفتحش أصله تلم

عمرى ما أقدر أنسى نظرة عينه ليا كان مبلم شكله فكر إنى خنته عينيه ليا بتتكلم

خد طلقة وسط دماغه وراها رصاص كتير وقع غرقان فى دمه و أنا إترميت بطير

وقعت جنبه شفته بيطلع آخر زفير صاحبى إلى كان فرعون أدى شكل المصير

و فجأة فى وسط زحمة الأوضة إللى كانت شديدة فيه إيد جت كمرتنى شكلى داخل قصة جديدة

أخرة الشقاوة يا موت يا عيش و حلاوة

عيني علي صاحب فجر قدرناه و لا طمر سوق فيها يا بونتي اكتر ماشي يا عم الدكر

إحنا علي وضعنا لو عيشنا و ملحنا مبقوش لادين عليك يا أبا و استنقصتنا الدنيا سلف و دين و مسيرك تنقرص

و تقول يا صاحبي فينك يا شقي أقول كان فيه و خلص.

يمكنكوا تحميل أغنية “آخرة الشقاوة” أو الإستماع إليها من خلال تطبيق “أنغامى” أو موقع “آى تونز”.

  • منذ 4 سنوات
  • كلمات اغاني

تعليقات (0)

    لم يتم إضافة تعليقات لهذا المقال.