التخطي إلى المحتوى
حدوتة قبل النوم باللهجة المصرية
حدوتة قبل النوم باللهجة المصرية

حدوتة قبل النوم باللهجة المصرية يقدم لكم موقع محتوى اليوم قصة لولو بائعة الآيس كريم باللهجة والأسلوب المصري العامي المبسط ليسهل عليك حفظها ويصبح من اليسير فهمها من ناحية الأطفال.

قصص و حواديت قبل النوم

كان يا ما كان ، كان في بنوته صغيره اسمها لول، كانت لولو شطورة وذكية جدا، وكمان كانت في منتهى الجمال والرقه والأدب، وعشان كده كان في بنات كتير جدا بيغيروا منها ومش بيحبوا لها الخير لأنها كانت عسوله ورقيقه، وزي ما كان في ناس بتغير منها كان في ناس أكتر وأكتر بيحبوها وبيحبوا أدبها واخلاقها.

لولو كانت عايشه في مكان هادي وبسيطه في قرية صغيرة، ولما كبرت شوية قررت انها تشتغل وتساعد أهلها فقعدت تفكر هتشتغل ايه؟ هتشتغل ايه؟ لحد لما وصلت لفكرة جميلة ولذيذة، قررت لولو انها تشتغل في تصنيع الآيس كريم وتبيعه للناس اهل القرية، وفعلاً الناس حبوا الآيس كريم بتاعها وبقوا يشتروا منها كتير اوي.

حدوتة لولو بائعة الآيس كريم

حدوتة لولو بائعة الآيس كريم

وفي مره وهي واقفه تبيع الايس كريم بتاعها مر عليها الملك وكان راجل شرير ومفتري وبيحب يتخانق مع الناس، فوقف جنب الكشك الصغير بتاعها وهو في نيته انه يهده ويخربه، بس وقف فكر الاول انه يدوق الآيس كريم بتاعها فطلب منها واحد.

لولو ماكنتش تعرف ان ده الملك فعملت له كوباة يس كريم، اخدها الملك ومشي ياكلها لحد لما وصل للقصر، ولما لاقى طعمها لذيذ جدا، قال للحرس بتوع: هاتوا لي البنت بتاعت الايس كريم تعمل لي انا لوحدي هنا في القصر.

الحراس جابوا لولو وطلبوا منها زي ما الملك أمرهم، بس هي اعترضت جداً ودخل قالت للملك: أنا بعمل اليس كريم عشان افرح به الناس مش بس عشان الفلوس ولا عشانك لوحدك.

قصص قصيرة بالعامية المصرية

قصص قصيرة بالعامية المصرية

الملك زعل وغضب اوي وأمر الحراس انهم يحبسوا البنوته الطيبه لولو في زنزانه لحد ما توافق تعمل للملك آيس كريم لوحده الناس لما لاقوا لولو غابت كذا يوم راحوا يدوروا عليها في كل مكان بس محدش منهم يعرف انها مسجونة عند الملك.

وبعد كام يوم قررت خدامة القصر انها تعرف الناس بالموضوع لما صعبت عليها لولو، ولما عرفت الناس اجتمعوا كلهم وقرروا انهم يهجموا على قصر الملك ويخرجوا لولو، اجتمع كل القرية حت الناس اللي كانوا بيغيروا منها وهجموا على الملك الشرير وخلصوا لولو والقرية من شره وعاشوا كلهم في سلام وأمان مع لولو والآيس كريم الجميل.

اترك تعليق

  Subscribe  
نبّهني عن