قصة قصيرة للأطفال الصغار باللهجة المصرية

تحوز القصص العامية على اعجاب الكثيرين لسهولة اسلوبها ويُسر سردها، وهو ما حرصنا على تقديمه لكم اليوم عبر موقع محتوى في قصة الخروف السمين، قصة قصيرة للأطفال الصغار باللهجة المصرية.

قصة الخروف التخين

لولو خروف بيحب الأكل، ولما بيقعد على السفرة بياكل بإيديه الاتنين يدخل اللقمة ورا التانيه بسرعه وكأنه داخل سباق، وكمان مش بياكل من طبقه اللي قدامه بس، لأ ده بياخد لقمة من هنا ولقمه من هنا.

أصحاب لولو مؤدبين حاولوا ينصحوه كتير جداً بان اللي بيعمله وهو بياكل ده غلط وعيب، وكان لولو بيسمع كلامهم طول ما هما موجودين معاه وأول ما بيخرجوا للمزرعة بيرجع تاني لعاداته السيئة جدا في الأكل، يرجع يبلع الأكل من غير مضغ وياكل بسرعة لحد ما يخلص أكله واكل اصحابه.

وفي يوم من الأيام جه وقت الأكل واتجمعت كل حيوانات المزرعة وبينهم الخروف لولو، بس المفاجأة ان لولو في اليوم رفض الأكل، وطبعاً الكل استغرب من حاجة زي كده.

قصص اطفال للنوم

لولو رفض انه ياكل لأنه شاف صاحب المزرعة ماسك البقرة التخينة السمينة جداً وخارج بره المزرعة، ولما سأل لولو الفرخه كيكي صاحبته عن اللي بيحصل، قالت له بصوت واطي: صاحب المزرعة واخد البقرة صاحبتنا للسوق لانها بقيت تخينه جداً ومابتعرفش تتحرك كويس.

فكر لولو شوية في حاله وسألها: هو أنا ممكن في يوم صاحب المزرعة يعمل معايا كده؟

قالت له كيكي: ايوه طبعاً لو تخنت اوي هيبيعك.

خاف لولو وسألها: طب اعمل ايه عشان ماياخدنيش السوق؟

تعرف علي: حواديت قبل النوم قصيرة للأطفال الصغار مكتوبة 2024

قصص اطفال قصيرة ومفيدة

جاوبته الفرخه بابتسامه: بطل أكل شوية، لأن صاحب المزرعة مش بيحب الحيوانات اللي بتاكل كتير وتتخن ويبقى لها بطن كبيرة لأنها مش بتبقى نشيطة ولا بتعرف تشتغل.

وخلال ايام قليلة اتغير لولو بشكل كبير، قلل اكله خالص وبقى رفيع مش قادر يتحرك من الجوع والضعف والمرض، وبالصدفه قابلته الفرخه كيكي واتفاجأت به وقالت له: ايه الل انت عملته في نفسك ده! لو صاحب المزرعة شافك وانت ضعيف كده ومش بتشتغل بجد ونشاط زي زمايلك هياخدك السوق ويبيعك.

سألها لولو بصوت حزين: طب اعمل ايه انا اتحيرت، لو أكلت كتير هتخن وهيبيعني، ولو أكلت قليل هضعف وبرضوا هيبيعني.. انصحيني اعمل ايه.

قصة الخروف لولو السمين

قالت له الفرخة كيكي بهدوء: اعمل زي ما انا بعمل، ماتاكلش الا لما تجوع، ولو أكلت ماتشبعش اوي، يعني لا تاكل كتير ولا قليل، وفي وقت فراغك ألعب رياضه مع أصحابك.

عمل لولو بنصيحة الفرخة كيكي وبقيت معدته بتهضم الأكل بسهولة، وجسمه بقي سليم وقوي ونشيط، وصاحب المزرعة حافظ عليه وما اخدهوش السوق.