التخطي إلى المحتوى

كلمات أغنية أغلى من الياقوت أحمد مكي 2018 نقدمها لكم مكتوبة وكاملة على موقع محتوى، طرح الفنان المصرى الكبير “أحمد مكي” آخر وأحدث أعماله الفنية والغنائية حتى الآن أغنية حملت عنوان “أغلى من الياقوت”، وذلك عبر قناته الرسمية على “اليوتيوب”، حققت نسب مشاهدة عالية منذ إصدارها فى ساعاتها الأولى، قام بكتابة كلماتها بنفسه، وهى من ألحان وتوزيع “شادى السعيد”، نترككم مع كلمات الأغنية.

كلمات أغنية أغلى من الياقوت

  • غناء: أحمد مكي.
  • كلمات الأغنية: أحمد مكي.
  • ألحان الأغنية: شادى السعيد.
  • توزيع الموسيقى: شادى السعيد.

يوم ميلادك يوم ما للدنيا إنت جيت أول علاقتى بيك صوتك ما بينى و بينك حيط

سمعت صوتك إستغربت إتلخبطت إتشديت قلبى إتنفض ما بين ضلوعى و من الفرحة بكيت

أول ما شفتك الدنيا لفت بيا ربى حبنى و وهب ليا من عنده هدية

سرحت فيك ساعات فيك منى كتير حاجات يا رب تاخد منى بس الحلو فى الصفات

و فى وسط زحمة فرحتى فجأة هجم سكات مخلوط صور أبيض فى أسود من إللى عشته و من إللى فات

يمكن عشان الضلمة فى طفولتى كانت أكتر من نور عيل صغير قال بسم الله وقام يعدى فى بجور

مش شايف شط أو ميناء لآخر البصر مافيش أمل كان نفسى فى حد يعلمنى و ينصحنى و يبقالى المثل

ربك حمانى و إتولانى برحمته مافيش جدل بعد ما كل سكة إتسدت و إسودت و الباب قفل

يا رب يا كريم إهدينى و قوينى، و وفقنى لسكة تربيته على الشىء السليم

عارف إنى مش مثالى بس طمعان فى كرمك تخلى حاله أحسن من حالى

و انا أوعدك يا رب هحاول أبقى أحسن أب، و أديه إللى ما شفته فى نهر طفولتى إلى نضب

كل يوم بيعدى و أشوفك فيه بتكبر يتفاجىء إن صفاتى بتظهر فيك أكتر و أكتر

إبتسامتى و ضحكتى و المشى و حتى تكشيرتى حتى نومتك رجل فوق رجل دى نسخة من نومتى

قبل وجودك الدنيا ماكنتش فارقة معايا قلبى ده كان خلاص قلب حجر دى مش كناية

جلدى تخن من قسوة الدنيا و مر الحكاية بقيت زعلان على الشخص إلى شايفه فى المراية

لحد ما إنت جيت غيرتنى و كنت الهداية فتحت بإيدك كل أبواب الرحمة جوايا

لما بحضنك و أحس دقة قلبى جنب قلبك مية فى المية ما حبتش فى الدنيا قبلك

لما بحضر أول مرة ليك فى أى حاجة قلبى بيرفرف و أحس بألف حاجة و حاجة

إحساس غريب جزء منى إتحول إنسان بيزعل و بيفرح و بيزرع جوايا الحنان

خايف عليك من الدنيا يا إبنى مالهاش أمان، و بدعى ربنا يحميك و يصونك هو الرحمن

كتبت رسالة ليك عشان لو قدرى وقته حان، و مش مكتوب ليا أكون جنبك لآخر الإمتحان

عاوزك تكون صاحب عزيمة فولاذ حديد مهما الدنيا تحبطك صمم خليك عنيد

خليك واثق فى نفسك عن حلمك إياك تحيد مهما إسود الليل و طال هيطلع فجر جديد

عاوزك لربك شاكر و جهد الناس تقدر، و إوعى تظلم مهما كنت قادر ربك أقدر

إوعى تفضح عيب إنسان لو ربك ستر كما تدين تدان ما تضمنشى القدر

لو قلت كلمة حق و الناس قامت عليك كأنهم قالولك مبروك تسلم إيديك

عشان الكلب الميت ضربه مش مطلوب لكن لو كان شجر مثمر بيتحدف بالطوب

لو يوم ذنوبك تقلت إرجع لربك توب ربك لو حبك هيحبب فيك كل القلوب

ساعات بسرح و بسأل نفسى و الدماغ تفكر يا ترى حتبقى فعلا ضهرى لما أكبر

لما العجز يبدأ ينهش فيا و يجور عليا فى عز إحساسى بضعفى هيكون قلبك عليا

لما اللسان يتقل و الكلام يصبح بطيىء، و أعيد نفس الكلام أكتر من مرة أرجوك تطيق

يا ما طلبت منى أعيد حكى الحدوتة كتير، و فى كل مرة أعيدك قلبى كان بيطير

لما تلاقينى قدمت و مش مواكب عقل جيلك ما تركنيش لجهلى علمنى من غير ما أجيلك

خليك عنيا نورلى طريقى لمنتهاه، و إفتكر إنى من علمك معنى الحياة

لما أبطل اقدر أمشى لوحدى خطوتين لما أكون أضعف إنى أشرب من غير معين

لما تموت الذاكرة و بالعافية أعرف إنت مين وجودك جنبى كفاية لحد ما يجينى اليقين

كلمتين هقولهم عندى أغلى من الياقوت كنت معاك يوم ولادتك عايزك جنبى يوم ما أموت.

مشوار أحمد مكي الفني

أحمد مكي هو مؤلف ومغنى راب وممثل مصرى من أصل جزائرى، يعد واحدا من ألمع النجوم التى ظهرت فى الوطن العربى خلال الخمسة عشر عام الماضية، بدأ مشواره الفنى عقب التخرج من معهد “السينما” مباشرة عن طريق إخراج فيلم “الحاسة السابعة” بطولة “أحمد فاروق الفيشاوى”، ولكنه لم يلقى أى نجاح فى الوسط الفنى.

قدم دور ثانوى فى فيلم “ابن عز” بطولة الراحل “علاء ولى الدين”، إشتهر فى مجال الراب بعد تقديمه لأغنية اسمها “فيسبوكى”، أعلن عن أحدث أغنية له بعنوان “أغلى من الياقوت”.

مشوار أحمد مكي الفنى

مسلسلات وأفلام أحمد مكي

قاد بطولة عدد من الأفلام والمسلسلات المصرية، جسد من خلالهم عدد من الشخصيات المختلفة من بينهم شخصية “إتش دبور وحزلئوم”، وإشتهر بتقديم عدد من المصطلحات الجديدة مثل “Cool وBeautiful”، من أروع أفلامه ومسلسلاته:

  • فيلم طير إنت.
  • فيلم لا تراجع ولا إستسلام.
  • مسلسل الكبير أوى الجزء الأول والثانى والثالث والرابع والخامس.

أغاني أحمد مكي

حقق شهرة عالية وإنتشارا واسعا فى مجال أغانى الراب، وخاصة خلال السنوات القليلة الماضية، حصل من خلالها على إعجاب الجمهور، ولاقت ملايين المشاهدات على موقع “اليوتيوب”، من أفضلهم أغنية اسمها:

  • قطر الحياة.
  • دور بنفسك جوا نفسك.
  • الحلم ديو مع “دنيا سمير غانم”.
  • وقفة ناصية زمان.
  • آخرة الشقاوة ديو مع “محمود الليثى”.
  • أغلى من الياقوت.

تفاصيل أغنية أغلى من الياقوت

طرح “أحمد مكي” أغنية جديدة خلال الساعات القليلة الماضية بعنوان “أغلى من الياقوت”، والتى لاقت إعجاب الجمهور، وحققت أكثر من إثنان مليون مشاهد كامل على “اليوتيوب” فى خلال 24 ساعة فقط، وكان “مكي” قد صرح أن كلمات هذه الأغنية جاءت بسبب ابنه، وقال أنه تذكر ما مر به من صعوبات طوال حياته فقام بكتابة وصية لابنه ليعلمه كل شئ فى الدنيا.

تفاصيل أغنية أغلى من الياقوت

أغنية أغلى من الياقوت على اليوتيوب

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *