التخطي إلى المحتوى

حصريا كلمات ألبوم كل حياتي عمرو دياب 2018 نقدمه لكم مكتوب وكامل على موقع محتوى، طرح الفنان المصرى الكبير “عمرو دياب” ألبومه الجديد بعنوان “كل حياتي” منذ قليل عبر “فوادفون”، تضمن عدد 13 أغنية كاملة، هم “يا ساحر ويتعلموا وكنت فى بالى وأنت مغرور وباين حبيت وده لو إتساب وهدد وكل حياتى وملاك الحسن وقالك ندم وباين حبيت (رؤية عمرو دياب) ويا هناه وتعالى”، نترككم مع كلمات الألبوم.

كلمات ألبوم كل حياتي كامل

إليكم كلمات ألبوم “كل حياتى” مكتوب كامل، نتمنى أن ينال إعجابكم، وفى إنتظار كافة تعليقاتكم.

كلمات أغنية يا ساحر كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: تركى آل الشيخ.
  • ألحان الأغنية: عمرو مصطفى.
  • توزيع الموسيقى: نادر حمدى.

يا ساحر عينيك قمر طالع طالل علينا، يا مزغلل عيون أنا بالذات حرام عليك

ومعلقنى بيك من أول مرة أتلاقينا، وسهرت الليالى الله الله لا يوريك

وكتير ده عليا ما تهدى شوية هتعمل ايه بعدين خليك فى الهادى العادى قصادى مش للدرجادى

أنا شوفتك، ومشفتش حواليا سألت أعيش مع مين، وفى ثانية لقيت اللى يعوضنى، وحققلى مرادى

ليلة ليلة ليلة ما حبيت، ليلة ليلة ليلة ما حبيت

فى ساعات ضحكة تشوفها تستلم تشدك ليها، وعيون بتقابلها تطمن، وأنا قلبى أرتاح

هى دى السعادة اللى بحلم فين ألاقيها هعتبر اللى قبلك نسيته، وعدى وراح

وترن عليا ما تهدى شوية هتعمل ايه بعدين خليك فى الهادى العادى قصادى مش للدرجادى

أنا شوفتك، ومشفتش حواليا سألت أعيش مع مين، وفى ثانية لقيت اللى يعوضنى، وحققلى مرادى

ليلة ليلة ليلة ما حبيت، ليلة ليلة ليلة ما حبيت

يا ساحر عينيك قمر طالع طالل علينا، يا مزغلل عيون أنا بالذات حرام عليك

ومعلقنى بيك من أول مرة أتلاقينا، وسهرت الليالى الله الله لا يوريك

يا ساحر عينيك قمر طالع طالل علينا، يا مزغلل عيون أنا بالذات حرام عليك

ومعلقنى بيك من أول مرة أتلاقينا، وسهرت الليالى الله الله لا يوريك.

كلمات أغنية يتعلموا كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: تامر حسين.
  • ألحان الأغنية: عمرو مصطفى.
  • توزيع الموسيقى: أسامة الهندى.

يتعلموا يتعلموا من الرقة دي يتعلموا شوف هما فين وحبيبي فين مشافوش كده ولا يحلموا

اللي عنده ضحكة زي ديا، واللي لون عيونه مش عادية ييجي هنا جنبي ييجي ليا احكيله اللي شفته أنا بعنيا

اللي عنده ضحكة زي ديا، واللي لون عيونه مش عادية ييجي هنا جنبي ييجي ليا احكيله اللي شفته أنا بعنيا

أموت أموت في الضحكة دي أموت أموت في النظرة دي الله الله الله عيني عليه

أموت أموت في الضحكة دي أموت أموت في النظرة دي الله الله الله عيني عليه

يتعلموا ويقلدوا ده مش بعيد يتعقدوا جماله بيزيد كل يوم عن حضني عمري ما هبعده

يتعلموا ويقلدوا ده مش بعيد يتعقدوا جماله بيزيد كل يوم عن حضني عمري ما هبعده

اللي عدى عدى عدى عدى الجمال ده شفته مرة واحدة عيني عيني عيني عيني باردة عاللي خلي قلبي ناره تهدى

اللي عدى عدى عدى عدى الجمال ده شفته مرة واحدة عيني عيني عيني عيني باردة عاللي خلي قلبي ناره تهدي

أموت أموت في الضحكة دي أموت أموت في النظرة دي الله الله الله عيني عليه.

كلمات أغنية كنت فى بالى كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: نادر عبد الله.
  • ألحان الأغنية: وليد جويد.
  • توزيع الموسيقى: أسامة الهندي.

لسة انت كنت في بالي حالاً ليه ما مفيش من بعدي عايش، ولا مش عارف تعيش

ده أنا من كتير سبتك وحاسس إنك انت ما سبتنيش ما يهمنيش مين اللي سايب فينا مين

وحدة النتيجة أنا وانت طالعين خسرانين، وأنا مش بخير زيك وبعدك تاني حيجي الخير منين

فكرة إنك راحت مني مش قابلها شوف نهاية أنا وانت غير دي نستقبلها

ده انت لو حتقول نسيت، واسمعها منك برضوا حأعتبرك كأنك مش قايلها

فكرة إنك راحت مني مش قابلها شوف نهاية أنا وانت غير دي نستقبلها

ده انت لو حتقول نسيت، واسمعها منك برضوا حأعتبرك كأنك مش قايلها

في ناس كتيرة بتتهمني في حبي ليك أنا عندي بهمل نفسي وبهتم فيك.

كلمات أغنية أنت مغرور كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: أيمن بهجت قمر.
  • ألحان الأغنية: محمد يحيى.
  • توزيع الموسيقى: أسامة الهندى.

ليك نفس تضحك، وتسلم ليك نفس عادى بتتعامل، والله ده عيب، دانا عشت جنبك بتألم، وبقول مفيش إنسان كامل بس أنت غريب

ليك نفس تضحك، وتسلم ليك نفس عادى بتتعامل، والله ده عيب، دانا عشت جنبك بتألم، وبقول مفيش إنسان كامل بس أنت غريب

أنت مغرور، أنت معدوم الشعور، أنت زى الزينة ديكور، واللى عاشرك معذور

مغرور أيوا مغرور أيوا معدوم الشعور، أيوا زى الزينة ديكور، واللى عاشرك معذور

أنت مغرور، أنت معدوم الشعور، أنت زى الزينة ديكور، واللى عاشرك معذور

مغرور أيوا مغرور أيوا معدوم الشعور، أيوا زى الزينة ديكور، واللى عاشرك معذور مغرور

مش زيك أنا مش بتلون لا هحن، ولا هعمل خاطر دانا باب مقفول البعد أوقات بيهون، وتعبت من القرب يا ساتر كده مش معقول

مش زيك أنا مش بتلون لا هحن، ولا هعمل خاطر دانا باب مقفول البعد أوقات بيهون، وتعبت من القرب يا ساتر كده مش معقول

أنت مغرور، أنت معدوم الشعور، أنت زى الزينة ديكور، واللى عاشرك معذور

مغرور أيوا مغرور أيوا معدوم الشعور، أيوا زى الزينة ديكور، واللى عاشرك معذور مغرور

أنت مغرور، أنت معدوم الشعور، أنت زى الزينة ديكور، واللى عاشرك معذور

مغرور أيوا مغرور أيوا معدوم الشعور، أيوا زى الزينة ديكور، واللى عاشرك معذور مغرور.

كلمات أغنية باين حبيت كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: تامر حسين.
  • ألحان الأغنية: عمرو مصطفى.
  • توزيع الموسيقى فى النسخة الأولى: مارشميلو.
  • توزيع الموسيقى فى النسخة الثانية: أسامة الهندى.

وأنت معايا ميشغلنيش الناس فرق الإحساس أجمل بكتير

وأنت معايا بشوفك أحلى الناس دي حقيقة خلاص مفيهاش تغيير

باين حبيت أيوة أنا حبيت حبيت الدنيا اللي بتضحكلي معاك على طول

باين حبيت أيوة أنا حبيت، وبشوف في عينيك الفرحة اللي تخليني باقول

أتأكدت أن أنا مقدرش أعيش غير وأنا وياك، وهقولك إيه

ده مفيش ثانية تعدي ما توحشنيش، وارتحت معاك طب اسمي ده إيه

باين حبيت أيوة أنا حبيت حبيت الدنيا اللي بتضحكلي معاك على طول

باين حبيت أيوة أنا حبيت، وبشوف في عينيك الفرحة اللي تخليني باقول.

كلمات أغنية ده لو إتساب كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: أيمن بهجت قمر.
  • ألحان الأغنية: محمد يحيى.
  • توزيع الموسيقى: أسامة الهندى.

دة لو اتساب لا دة انا يجيلي تعب اعصاب دة لو إاساب ليلة ليلتين أنا اعيش في عذاب

طب و اعمل ايه في دقيقتين دا بيقتلني و ياخد العين ليلي يا عين لا كدة جنان لا دة مش اعجاب

طب و أعمل إيه ده لو اتساب لا ده أنا يجيلي تعب أعصاب ده لو اتساب ليلة ليلتين أنا أعيش في عذاب

طب و اعمل ايه في دقيقتين دة بيقتلني وياخد العين ليلي ياعين لا كدا جنان لا دا مش إعجاب

أنا عمر ما حد خطفني كدة ده اخدني حبة حبه في حاجات مش ممكن تستخبي ما بين اتنين احبة

أنا عمر محد خطفني كدا دة أخدني حبة حبه فيه حاجات مش ممكن تستخبي مابين إتنين أحبة

في دلع متشال لحبيبي وحنية من غير حساب طب و أعمل إيه ده لو اتساب لا ده أنا يجيلي تعب أعصاب

ده لو اتساب ليلة ليلتين أنا أعيش في عذاب طب و اعمل ايه

الليلة فوق عدي قمر من كتر الشوق شدني ليه كل ما اقرب منه بروق طب واعمل ايه

مين مسؤول ع اللي حصلي ما حد يقول دة كدة كتير دة الفرح باينله على وصول

انا عمر ما حد خطفني كدة ده اخدني حبة حبه في حاجات مش ممكن تستخبي ما بين اتنين احبة

أنا عمر محد خطفني كدا دة أخدني حبة حبه فيه حاجات مش ممكن تستخبي مابين إتنين أحبة

في دلع متشال لحبيبي وحنية من غير حساب طب و أعمل إيه دة لو اتساب لا دة انا يجيلي تعب اعصاب

دة لو اتساب ليلة ليلتين انا اعيش في عذاب طب و اعمل ايه

في دقيقتين دا بيقتلني و ياخد العين ليلي يا عين لا كدة جنان لا دة مش اعجاب.

كلمات أغنية هدد كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: تركى آل الشيخ.
  • ألحان الأغنية: أحمد الهرمى.
  • توزيع الموسيقى: أسامة الهندى.

هدد ببعادك طب وانا هبعد، ولا هسال فيك انا خليك عندك مش عندي ضيع حبنا

يعني لو كنت هتقدر هقدر و هتخسر اكتر ده انا ياما اتحملت عشانك، وانت ولا هنا

هدد ببعادك طب وانا هبعد، ولا هسال فيك انا خليك عندك مش عندي ضيع حبنا

يعني لو كنت هتقدر هقدر و هتخسر اكتر ده انا ياما اتحملت عشانك، وانت ولا هنا

خلاص اعتبره وعد محناش نافعين لبعض، ولا الكلام يطلع اوام وبيتنسى

لو سهل عليك تقول كلام ملهوش حلول انا سهل اسيب اللي يسيب قلبي بقى سهل

خلاص اعتبره وعد محناش نافعين لبعض، ولا الكلام يطلع اوام وبيتنسى

لو سهل عليك تقول كلام ملهوش حلول انا سهل اسيب اللي يسيب قلبي بقى بقساة

هدد ببعادك طب وانا هبعد، ولا هسال فيك انا خليك عندك مش عندي ضيع حبنا

اسمع للناس وهسيبك بكره الايام هتجيبك لكن يا خساره ساعتها مين هيحس بيك

هو اللي يبيع بالساهل ينفع وياه نتساهل فعلا لا انا اللي استاهل لما امنت ليك

اسمع للناس وهسيبك بكره الايام هتجيبك لكن يا خساره ساعتها مين هيحس بيك

هو اللي يبيع بالساهل ينفع وياه نتساهل فعلا لا انا اللي استاهل لما امنت ليك

على ايه اجرح كرامتي علشان تصحى غيرتي بس النهارده لا يمكن ارضي اعيش كده

ليه فاكر مهما تعمل انا اتحمل واكمل انا مش ملاك اصبر معاك بالشكل ده

على ايه اجرح كرامتي علشان تصحى غيرتي بس النهارده لا يمكن ارضي اعيش كده

ليه فاكر مهما تعمل انا اتحمل واكمل انا مش ملاك فات صبرى معاك بالشكل ده

هدد ببعادك طب وانا هبعد، ولا هسال فيك انا خليك عندك مش عندي ضيع حبنا

ده انا ياما اتحملت عشانك، وانت ولا هنا هدد ببعادك طب وانا هبعد، ولا هسال فيك انا

خليك عندك مش عندي ضيع حبنا يعني لو كنت هتقدر هقدر و هتخسر اكتر ده انا ياما اتحملت عشانك، وانت ولا هنا.

كلمات أغنية كل حياتي كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: تركى آل الشيخ.
  • ألحان الأغنية: محمد رحيم.
  • توزيع الموسيقى: نادر حمدى.

يا كل حياتى، وآمالى، ويا أجمل سنين فاتت، وحبى وكل أشواقى، وكل لحظة معاك كانت

أنا منك، وكلى ليك حياتى ليك، ورهن إيديك ب شوف العمر فيك أنت، وأشوف الدنيا دى فى عينيك

تصحى فيا أنا الإحساس على جناح الخيال أطير، وأشوفك أنت كل الناس، ومن نفسى عليك أغير

بتسرق كل أوقاتى، وتشغل ياما تفكير، وخلتنى أعيش الحب فى دنيا ما عاشها يوم غيرى

بشوف العمر فيك أنت، وأشوف الدنيا دى فى عينيك

فى دنيا حبك الحلوة تنادينى، وتهمس همس، ونكتب للفرح غنوة، ونغزلها بخيوط الشمس

أنا وأنت لوحدينا نعيش أجمل فصول العمر، وكل الدنيا حوالينا تعوضنا سنين الصبر

تصحى فيا أنا الإحساس على جناح الخيال أطير، وأشوفك أنت كل الناس، ومن نفسى عليك أغير

بتسرق كل أوقاتى، وتشغل ياما تفكيرى، وخلتنى أعيش الحب فى دنيا ما عاشها يوم غيرى

بشوف العمر فيك أنت، وأشوف الدنيا دى فى عينيك

تصحى فيا أنا الإحساس على جناح الخيال أطير، وأشوفك أنت كل الناس، ومن نفسى عليك أغير

بتسرق كل أوقاتى، وتشغل ياما تفكيرى، وخلتنى أعيش الحب فى دنيا ما عاشها يوم غيرى

أشوف العمر فيك أنت، وأشوف الدنيا دى فى عينيك.

كلمات أغنية ملاك الحسن كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: تركى آل الشيخ.
  • ألحان الأغنية: عمرو مصطفى.
  • توزيع الموسيقى: نديم الشاعرى.

يا ملاك الحسن، والفتنة يا جمال الضحكة دى، يتقال عليك حكايات

يا البرأة يا ملاك الحسن هزى الأرض هز، وأسحرى كل العيون ياللى كلك كبرياء، وهيبة بسم الله، وعز

دنيتى بقى ليها لون ياللى صحيتى الجنون، حلى أيام السهر دانتى أجمل ما يكون

يا إبتسامات القمر أنتى زيك مين يا مواعيد المطر، ولهفة العاشقين

دنيتى بقى ليها لون ياللى صحيتى الجنون، حلى أيام السهر دانتى أجمل ما يكون

يا إبتسامة القمر أنتى زيك مين ياما وعيت المطر، ولهفة العاشقين

يا ملاك الحسن، والفتنة يا جمال الضحكة دى، يتقال عليك حكايات

يا البرأة يا ملاك الحسن هزى الأرض هز، وأسحرى كل العيون ياللى كلك كبرياء، وهيبة بسم الله، وعز

من جمالك أتخلق معنى الجمال، وتتوصف بيكى الحلاوة حاجة من فوق الخيال

حسن طاغى فيه هداوة يا أرق من النسيم، وأحلى من كل الصور أنتى والله العظيم غير كل البشر.

كلمات أغنية قالك ندم كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: صابر كمال.
  • ألحان الأغنية: عمرو دياب.
  • توزيع الموسيقى: نادر حمدى.

قالك نِدم عيب الكلام دة خلاص قِدم دة أنا اللي قولتة على يوم بعادنا لو جة في خيالك تتصدم

مثّل يا طيب ولوم في طبعي وأغلط وعيّب ملكش عندي غير كلمة واحدة بس أقولها إزاي دي طيب

قال إيه راجع ندمان، وفاكرنى زى زمان قال بعد ما عاش حياته بيقولى كان ياما كان

قالك بَعدني قول كان في توهة دة وهم خدني غمالي قلبي وضحك عليا، ولما عقلي فتّح نجدني

نفسك ضامنها خلاص دي حاجة بينك وبينها الدنيا عندك أغلط وجرّب وأي حسبة خرّجني منها

قال إيه راجع ندمان، وفاكرنى زى زمان قال بعد ما عاش حياته بيقولى كان ياما كان.

كلمات أغنية يا هناه كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: نادر عبد الله.
  • ألحان الأغنية: محمد النادى.
  • توزيع الموسيقى: طارق مدكور.

افهم بقى يا اللي في بالي عمال اسرح بليالي لو قلبك يكتبهالي واللي اتمنيته انوله

يا هناه اللي هترضي عليه ويا بخته اللي تعيش ليه تلاقيك شاف الايام ورد وقت ما عينيك بصوله

يا هناه اللي هترضي عليه ده انت بكلمه تخليه غير باقي الناس وعايش احساس حب علي اصوله

يا هناه اللي انت بتبقي معاه والناس جنبك شايفاه، واحن كلام يتقال وياه

انا لو ليا نصيب فيك وعد عليا لانسيك كل الايام اللي انت مكنتش فيها حبيبي

انا لو زي الباقيين ولا اغلي الغاليين انا طول ما انا ليك ميهمش ايه عندك ترتيبي

يا هناه اللي انت بتبقي معاه والناس جنبك شايفاه، واحن كلام يتقال وياه

يا هناه اللي انت بتبقي معاه والناس جنبك شايفاه، واحن كلام يتقال وياه.

كلمات أغنية تعالي كاملة

  • غناء: عمرو دياب.
  • ألبوم الأغنية: كل حياتى 2018.
  • إنتاج شركة: ناى.
  • كلمات الأغنية: تامر حسين.
  • ألحان الأغنية: عمرو مصطفى.

فرحتى مش سيعانى دقات قلبى تزيد دقات قلبى تزيد

دايما بتفجأينى حلوة كده على طول من اللى أنا شايفه بعينى كل ما اقابلك اقول

تعالى تعالى حبيبتى تعالى تعالى متسبنيش تعالى تعالى فى حضنى تعالى تعالى يالا نعيش

ببقى فى عالم تانى، وانتى جنبى اكيد فرحتى مش سيعانى دقات قلبى تزيد

تعالى تعالى حبيبتى تعالى تعالى متسبنيش تعالى تعالى فى حضنى تعالى تعالى يالا نعيش تعالى يالا نعيش

تعالى تعالى حبيبتى تعالى تعالى متسبنيش تعالى تعالى فى حضنى تعالى تعالى يالا نعيش

تعالى تعالى حبيبتى تعالى تعالى متسبنيش تعالى تعالى فى حضنى تعالى تعالى يالا نعيش.

نبذة عن نشأة عمرو دياب

عمرو دياب هو مغنى وممثل مصرى معروف، يعد واحدا من أجمل الأصوات المتواجدة على الساحة الفنية والغنائية فى الوقت الحالى، وأقدمهم على الإطلاق، من مواليد محافظة “بورسعيد” يوم 11 أكتوبر عام 1961، عمل والده فى شركة “بناء للسفن”، يعود أصله إلى قرية “سنهوت” التابعة لمدينة “منيا القمح” بمحافظة “الشرقية”.

نبذة عن نشأة عمرو دياب

حياة عمرو دياب الشخصية

أعلن عن زواجه للمرة الأولى من الممثلة المصرية الكبيرة “شيرين رضا”، رزق منها بإبنته الأولى “نور”، ولكن لم يستمر زواجهما طويلا، وإنفصل عنها بعد ذلك، وتزوج للمرة الثانية على التوالى من سيدة سعودية الأصل تدعى “زينة عاشور”، أنجب منها توأم هما “عبد الله وكنزى”، ثم رزق فى نهاية عام 2002 بإبنته الأخيرة “جنى”.

بداية مشوار عمرو دياب الفني

برزت موهبته منذ السنوات الأولى من عمره، حيث تميز بقوة صوته وإحساسه الرائع، حصل على تشجيع كبير من قبل والده للمشاركة فى فى إحدى المهرجانات التى أقميت فى “بورسعيد” عام 1967، قدم من خلاله النشيد الوطنى “بلادى بلادى”، تمكن من الحصول على إعجاب كافة الحضور، ونال “قيثارة” من قبل المحافظ، إضطر العودة إلى “سنهوت” نتيجة الحروب المقامة فى مدن القناة فى ذلك الوقت.

بداية مشوار عمرو دياب الفنى

مسيرة عمرو دياب المهنية

قرر السفر إلى “القاهرة” عام 1982 من أجل الإلتحاق “بالمعهد العالى للموسيقى العربية”، وبعد مرور عام واحد من إنضمامه للمعهد أصدر أول أغنية سينجل خاصة به بعنوان “الزمن” ، وهى من كلمات “هانى زكى” وموسيقى “هانى شنودة”، أطلق أول ألبوم غنائى كامل خاص به فى نفس العام بعنوان “يا طريق”، ظهر بدور صغير فى فيلم “السجينتان” عقب تخرجه من المعهد مباشرة.

قاد بطولة فيلم “العفاريت” مع الراحلة “مديحة كامل”، قدم فيه عدد من أغانى ألبوم “ميال وشوقنا”، يعتبر أول مغنى مصرى يدخل آلة “الساكسفون” فى أغانيه من خلال ألبوم “حبيبى”، والذى تم طرحه فى الأسواق للمرة الأولى عام 1991.

أطلق آخر ألبوم له حتى الآن بعنوان “كل حياتى”، أحتوى على 13 أغنية كاملة، هم “يا ساحر ويتعلموا وكنت فى بالى وأنت مغرور وباين حبيت وده لو إتساب وهدد وكل حياتى وملاك الحسن وقالك ندم وباين حبيت (رؤية عمرو دياب) ويا هناه وتعالى”.

مسيرة عمرو دياب المهنية

ألبومات عمرو دياب

فى رصيده الفنى 31 ألبوم غنائى كامل، قام بطرحهم بين عامى 1983 و 2018، تعاون فيهم مع أربعة شركت للإنتاج والتوزيع، هم “صوت الدلتا وعالم الفن وروتانا وناى”، من أشهرهم ألبوم بعنوان:

  • راجعين.
  • عودونى.
  • تملى معاك.
  • الليلادى.
  • ليلى نهارى.
  • كمل كلامك.
  • وياه.
  • أحلى وأحلى.
  • معدى الناس.
  • كل حياتى 2018.

أغاني عمرو دياب

أصدر العديد من الأغانى السينجل الناجحة والرائعة، والتى لاقت إعجاب جمهوره العريق فى مختلف أنحاء العالم، ترجمت معظمهما إلى عدد كبير من لغات العالم مثل “الفرنسية والأسبانية والتركية”، من بينهم أغنية اسمها:

  • بحبك نفسى أقولهالك.
  • سلمتلك.
  • يا ناسى وعدك.
  • أنا دلوقتى.
  • دوام الحال.
  • مش كل واحد.
  • عايش معاك.
  • مكنتش ناوى.
  • مصر قالت.

عمرو دياب الأغانى

جوائز عمرو دياب

نجح فى الحصول على العديد من الجوائز المحلية والعالمية طوال تاريخه الفنى والغنائى حتى الآن، من بينهم جائزة:

  • اليوتيوب الذهبية عام 2015.
  • الدير جيست كأفضل مطرب وألبوم لعام 2013.
  • الشرف للموسيقى العالمية فى “برلين” لعام 2012.
  • ورلد ميوزك أورد لمدة سبعة مرات كاملة.
  • دخل موسوعة “جينيس” لعام 2016.
  • تصدر قائمة فوربس العالمية لاهم 100 شخصية وأفضل 10مطربين عرب لعام 2017.
  • ثالث أحسن مطرب فى العالم لعام 2014.

تفاصيل ألبوم كل حياتي

طرح “الهضبة” أحدث ألبوم غنائى له حتى الآن حمل عنوان “كل حياتى”، وذلك على شركة “فودافون” منذ قليل، تعاون فيه مع باقة من ألمع الشعراء والملحنين والموزعين على مستوى الوطن العربى بأكمله مثل “تركى آل الشيخ وأيمن بهجت قمر ونادر عبد الله وعمرو مصطفى وتامر حسين وأسامة الهندى”.

وقد تعاون فيه للمرة الأولى مع الموزع والدى جى العالمى “مارشميلو” فى أغنية “باين حبيت”، والجدير بالذكر أنه قام بإصدارها مرتين داخل الألبوم، واحدة من توزيع “مارشميلو” والآخرى من توزيع “أسامة الهندى”.

تفاصيل ألبوم كل حياتى

أغاني ألبوم كل حياتي

ألبوم كل حياتى هو الألبوم رقم 31 فى تاريخ “عمرو دياب” الغنائى، تعاون فيه مع شركة “ناى” للإنتاج والتوزيع الفنى، تضمن عدد 13 أغنية كاملة، هم:

  • يا ساحر.
  • يتعلموا.
  • كنت فى بالى.
  • أنت مغرور.
  • باين حبيت.
  • ده لو إتساب.
  • هدد.
  • كل حياتى.
  • ملاك الحسن.
  • قالك ندم.
  • باين حبيت (رؤية عمرو دياب).
  • يا هناه.
  • تعالى.

آخر أخبار عمرو دياب

غادر “الهضبة” القاهرة صباح اليوم الأحد الموافق 30 من شهر سبتمبر الجارى فى رحلة تستغرق عدة أيام إلى مدينة “نيويورك” بالولايات المتحدة الأمريكية برفقة الممثلة المصرية الشابة “دينا الشربينى”، وقالت بعض المصادر المتواجدة فى المطار أن “عمرو دياب” إنتظر فى صالة المطار وقت بسيط حتى موعد قيام الطائرة فى وسط ترحيب كبير من قبل العالمين هناك.

آخر أخبار عمرو دياب

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *