التخطي إلى المحتوى
كلمات اغنية العقد احمد ناصر الجوكر 2018
أغنية العقد

كلمات أغنية العقد أحمد ناصر الجوكر 2018 نقدمها لكم مكتوبة وكاملة على موقع محتوى، طرح مغني الراب المصرى الشاب “أحمد ناصر” والملقب بلقب “الجوكر” آخر وأحدث أعماله الفنية والغنائية حتى الآن أغنية سينجل حملت عنوان “العقد”، قام بإصدارها للمرة الأولى عبر قناته الرسمية والشخصية على موقع “اليوتيوب”، حققت نسب مشاهدة عالية منذ الإعلان عنها فى ساعاتها الأولى، نترككم مع كلمات الأغنية.

كلمات أغنية العقد كاملة

  • غناء: أحمد ناصر الجوكر.

أكيد كان ليها حلول، وأكيد مننا في طرف مسؤول كان سهل النهاية تبقى نقطة بداية لو سعينا لحل وسط معقول

في طرف استنزف اهتمامه، وطرف مشافش إلا نفسه قدامه

طرف كان بيخسر والسكة مش بتقصر يوميا بيدفع تمن إدمانه

كنتي كل حاجه عكسي وبتشدني قبلت عشانك أتهد وشخص تاني يتبني

اتغيرت على أمل تتغير يوم لما تحبني قال يعني الريح هتبقى نسمة لو الشجر ينحني

عشت معاكي فرحة معشتش من آخرها انتي كل ذكرى ببتسم لو افتكرها

في حاجات وانا بحكي عنك الوجع يقولي أنكرها يسألني الحنين وتحكي ايه محيلتكش غيرها

الهجر مر اللوم طول الليل صعوبة النوم تقل الحمل بطء اليوم وسع الفجوة ضيق الكون

مكالمة صلح في انتظارها تقلت الثواني كل إتصال جريت عليه وطلع من حد تاني

عاملة مش مضمونة من اللحظة الأولى عشان أسعى إنك تفضلي موجودة

وأضحي من غير ما أسأل ده في مقابل ايه انتي عايزة حد تكسريه مش تتسندي عليه

أكيد جبت آخري لسبب مفيش إحساس من العدم اخترت معشش في ندم مادام كده كده في ألم

ماهو مش معنى إني قبلت تفتري مش منطق تبيعي وأشتري

نَفَسي بيطول لو أتغري لكن جريني في طريق يتجري

أكيد جبت آخري لسبب مفيش إحساس من العدم اخترت معشش في ندم مادام كده كده في ألم

ماهو مش معنى إني قبلت تفتري مش منطق تبيعي وأشتري

نَفَسي بيطول لو أتغري لكن جريني في طريق يتجري

رب قشة ضاق لها الصدر اتساعا ً فهوى كل شىء كحبات العقد تباعا ً

من ساعتها بكابر وبكبت المشاعر مضغوط من غير ضغوط عشان بعافر

عشان صلب أبان كإن الصعب هان كإن لوح التلج انا مفيش جواه بركان

انتي فضلتي تزيدي الحمل لآخر نفس فيا، 85واللي أجبرتيني إني أرسم شرخ في الخلفية

سبتيني وسط وادي الموت ماسك في كوم حجارة، ورافع عملتين الرشوة لقائد العبارة

لو حياتك وقفت كان الوضع اتغير لكن سرعة شفاكي خليتني أبان صغير

مش قالوا نور اليوم بيدخل من شروخ الأمس آدي الشروخ في كل سنتي فين الشمس

أكيد جبت آخري لسبب مفيش إحساس من العدم اخترت معشش في ندم مادام كده كده في ألم

ماهو مش معنى إني قبلت تفتري مش منطق تبيعي وأشتري

نَفَسي بيطول لو أتغري لكن جريني في طريق يتجري

في الأول والآخر ده نصيبنا ارتحنا وتعبنا فرحنا وزعلنا بعدنا ورجعنا اشتقنا وزهقنا كان نفسي تبوش مشاكلنا

من الأول قولتلك حياتي صعبة قولتي ميل حكيتلك ع الحمل اللي شايله قولتي معاك هشيل

كنت فاكر إني لقيت الضهر وإني لقيت شريك، ومصدقتش إنه طعم وأنا بتشد من المحيط

فجأة النفس يضيق فبنراجع نفسنا يادوب غمضنا لحظة إزاي وصلنا هنا

يادوب عدينا غلطة معدناش كل ده يادوب طاطينا مرة إزاي اتداسنا كده

فانا بلومك من غضب انا فيه كنت شايف عندك أكتر عشانا تعمليه

كنت شايف استهتارك باللي بيننا بيزيد كنت شايف ورد بيدبل ورافضة تسقيه.

نبذة عن حياة الجوكر

أحمد ناصر والمعروف باسم “الجوكر” هو مغني راب مصرى معروف، يعد واحدا من أشهر الأوجه الصاعدة حديثا فى وطننا العربى فى مجال الغناء خلال السنوات القليلة الماضية، ولد يوم 21 من شهر ديسمبر عام 1992، تمكن من تكوين قاعدة جماهيرية كبيرة على مستوى الشرق الأوسط مقارنة بعدد من المطربين الذين ظهروا معه فى نفس التوقيت.

نبذة عن حياة الجوكر

بداية مشوار الجوكر الفني

برزت موهبته منذ السنوات الأولى من عمره، عرف عنه حبه الشديد للقرأة وكتابة الشعر منذ الصغر، قرأ فى العديد من المجالات، وخاصة فى مجال الأدب، إتجه إلى كتابة الشعر، وقدم أول قصيدة خاصة به بعنوان “سيدتى”، تمكن من خلالها من تحقيق الفوز بالمركز الأول فى مسابقة “صغار الأدباء”، والتى أقيمت عام 2007، قام بتأسيس مدونة أطلق عليها اسم “قصاصات الأفكار”، وتهدف إلى محاربة “الفكر الإلحادي بالمنطق”.

إتجاه الجوكر إلى الراب

أدرك “أحمد ناصر” أن مجال الشعر لم يعد يهتم به الشباب كثيرا فى مصر فى الوقت الحالى، بدأ مشواره نحو الراب عن طريق طلب أحد أصدقاؤه منه كتابة كلمات أغنية وغناءها، أعلن عن أول أغنية خاصة به بعنوان “كامل الدسم”، أختار لنفسه اسم “الجوكر” حتى يكون ورقة مختلفة فى المجتمع الشرقى فى مجال الراب، أصدر أغنية جديدة خلال الساعات القليلة الماضية بعنوان “العقد”.

أغاني أحمد ناصر

أصدر باقة من أغاني الراب الناجحة والشهيرة، والتى لاقت إعجاب جمهوره العريق على مستوى الوطن العربى، حققت معظمهما ملايين المشاهدات على موقع “اليوتيوب”، من بينهم أغنية اسمها:

  • ديكتاتور.
  • ديمو.
  • راح مرجعش.
  • سلمي.
  • محاكمة القرن.
  • شفيق ليه.
  • إنفصام حاد.
  • الرقصه الأخيرة.
  • سكان الليل.
  • ابن سوق.
  • السلمه الاخيرة.
  • الواقع.
  • نفس الحاجة.
  • امشوا.
  • تسعيناتي.
  • اسكت.
    الاوضة بروداكشن.
  • انزلوا.
  • مناسك الألم.
  • فاصلة.
  • قاع الايقاع.
  • في إختلافنا رحمة.
  • اختار مكانك.
  • نفس الحال.
  • خد فشار.
  • العقد.

أحمد ناصر الأغاني

اترك تعليق

  Subscribe  
نبّهني عن