التخطي إلى المحتوى

تفسير رؤية الملائكة فى الحلم عبر موقع محتوى ،بعد أن سبق وتناولنا تفسير رؤية القرآن الكريم فى المنام وإيضا رؤية الصلاة فى الحلم وكذلك رؤية الصحابة ،ورؤية أشرف الخلق سيدنا محمد صلى الله عليه وسلم ،كما أنه قد تم تفسير رؤية الجن والشياطين فى الحلم.

وقد وجب فى التفسير البحث عن الدلالات المتعلقة برؤية الملائكة فى الحلم ،وتعتبر تلك الدلاله من النادر أن ترى فى الحلم وذلك لكثرة أنشغال نفس الرائى بالشهوات وملذات الدنيا ،ومن خلال هذا المقال سيتم ذكر التفسير المتعلق برؤية كل ملاك بأسمه.

ميكائيل وجبريل عليهما السلام

بشكل عام تعد رؤية الملائكة فى الحلم من الدلالات المحمودة والتى تبشر بالخير ونيل المطالب تحقيقها ،أما عن رؤية الشخص فى نومه كأن سيدنا جبريل عليه السلام وميكائيل يقوم الرائى بمجادلتهم والتكلم ومخالفتهم فى أمر ما فذلك ينذر إلى أرتكاب الرائى للمعاصى والذنوب ،وتكون تلك رساله للرائى بسرعه التوبه والأستغفار.

أما رؤية سيدنا جبريل عليه السلام فى الحلم وكأنه مهموم أو حزين فهى تنذر الرائى بغضب الله عز وجل عليه ،وتنذر بالهم والمصائب التى تقع على الرائى خلال الفترة المقبله ،أما رؤية أخذ الملائكة من أكل وطعام الرائى فى المنام فهى دلاله على الخير والبركة فى البيت والصلاح فى أمر وحال الرائى.

ورؤية سيدنا ميكائيل فى الحلم دلاله على تحقيق الرائى لإهدافه وذلك إذا كان الرائى عبدا صالحا ،وعلى العكس إذا كان الرائى شخص فاسد وطالح حيث تنذر بعقاب الله عز وجل على الرائى ،والله أعلم.

سيدنا إسرافيل فى الحلم

أما عن رؤية سيدنا إسرافيل عليه السلام ،فهى تنذر بقرب أجل الرائى وذلك إذا رأى فى نومه كأن سيدنا إسرافيل ينفخ فى الصور أو قد ينذر ذلك الحلم إلى وقوع مصيبة كبيرة فى أهل الرائى وبيته ،والله أعلم.

ملك الموت فى الحلم

تعد رؤية ملك الموت فى حلم الرائى دلاله على أن الرائى سيموت شهيدا ،أما رؤية غضب ملك الموت فى الحلم دلاله على موت الرائى على ذنب ومعصية ،فى حين أتجه بعض المفسرون والعلماء أن رؤية ملك الموت فى المنام قد تشير إلى طول عمر الرائى ،والله أعلم.

الكرام الكاتبين فى الحلم

أما عن رؤية الملكين الكرام الكاتبين فى الحلم فهى دلاله على الفرح والسعادة فى حال الرائى فى دنياه وآخرته ،وصلاح أحواله بإذن الله ،وتقوى الرائى وصلاح دينه ،والله أعلم.

الملائكة فى الحلم

بشكل عام تعد رؤية الملائكة فى المنام من الدلالات المحمودة والمبشرة بالخير ،وأى رساله قد وجهها الملائكة للرائى فى المنام على الرائى القيام بها وتنفيذها لإن الشياطين لا يمكنها التجسد فى إشكال الملائكة وكذلك فى هيئة الرسل والأنبياء فى الحلم.

ورؤية الملائكة تحمل الطعام والفاكهه فى الحلم دلاله على موت الرائى شهيدا فى سبيل الله عز وجل ،أما رؤية حمل أخذ الملائكةة للسلاح من الرائى دلاله على جاه ونفوذ أو سلطة أو منصب يزول من الرائى ،ورؤية خوف الرائى من الملائكة دلاله على أحوال أقتصادية سيئة أو وقوع للحرب ،وخضوع الملائكة للرائى فى نومه دلاله على وصول الرائى لهدفه وتحقيقه.

أما رؤية الشخص فى نومه كأنه صار ملاكا فذلك يشير إلى ذل وهوان يتعرض له ،أما رؤية طير الرائى مع الملائكة دلاله على الشهادة ،أما رؤية النظر للملائكة فهى دلاله على وقع مصيبة شديدة للرائى خلال الفترة المقبله ،والله أعلم.

وهنا نصل لخاتمة تفسير رؤية الملائكة فى الحلم ،ونرحب بتعليقات القراء أسفل المقال.

التعليقات

  1. حضرتك انا والدي متوفي بقاله ٧سنين تقريبا
    حلمت ان هو وجوز خالتي، جوز خالتي ف حقيقه ميت برضو راكبين معايا مترو انا وامي، بس جوز خالتي جاي شكله اسمر ومش حلو بس بيضحك وفرحان، وابويا كان جاي جسمه كدا مليان طول بعرض يعني حلو بصحته كدا بس حزين جدا جدا وان امي واقفه بيني وبينه مش عاوزاني ادخل ف حضنه واعيط علي شان مش ازعله اكتر ما هو زعلان قام قاعد هو وجوز خالتي ف مترو وانا قاعده انا و امي قصادهم بس ابويا كان بيكلمي وانا ارد عليه مش غير صوت او محادثه زي ما حد يتحدث ف حقيقه مع نفسه ف عقل باله وبيقولي عملوا فيكي اي يا حببتي بعدي، انا فضلت اقوله بهدلوني يابا اوي بس مش غير صوت مسموع بقول كدا من جوايا قمت قعدت ف نصف المترو وفضلت اعيط كتير اووي مش عارفه ابويا وجوز خالتي راح فين بعدها وبعدين امي قومتني قالت ليه روحي هاتي ينسون اشربه من بره انا خرجت اجيب ينسون عقبال ما جيت كان مترو كل الابواب قفلت معاد باب واحد فضل مفتوح فركبت تاني قولت الحمد لله يارب ليه نصيب اركب
    ارجو الرد؟؟
    هل ابويا كدا ف حاجه تعباه او مزعلاه ليه دايما بيجيلي شكله حلو ولبسه حلو بس بيبص ليه بحزن ??

    1. ادعي له بالرحمه والمغفره عزيزتي وتصدقي عنه وحاولي التصليح من حالك والسير على خطا نصائحه لك.
      اما عنك يبشر البكاء بتخلصك من مشاكل في حياتك والله اعلم.

      1. اصلح من حالي ازاي
        ان ي يعني بعمل حاجه مش كويسه ف حياتي
        والله كل فتره بعيد حسابتي وربنا يتقبل استغفرنا
        انا فعلا علي طول بعيط كمن من بعد موت ابويا انا جالي مرض كدا بس مش ليه علاج
        شكرا حببتي جواكي الله كل خير
        طب الحلم مش بيقول اي حاجه عن منزلته عند الله

        1. لا تقلقي عزيزتي منزلته جميله ان شاء الله ولكن حزنه هو من حالك بسبب حالتك او حزنك الدائم او شيء غير صحيح تقومي به
          حاولي تهدئة نفسك والدعاء لنفسك بالخير دائماً.

          1. بجد يعني الحلم بيقول ان منزلته حلوه بجد انا كل احلامي بيه بيكون شكله البسه حلو بس بيبقي حزين
            ربنا يجبر خاطرك يارب
            ان شاء الله هحاول اصحح من اخطائي
            طب المترو والابواب الا اتقفلت معاد باب واحد دا مش ليه تفسير ??

          2. وخاطرك عزيزتي 🙂
            لا أعلم كيف سأوصل لكِ ما اعنيه ولكن الباب الواحد هذا تعبير عن فرصة في حياتك ستنتهزيها من بين فرص ضاعت عليك وستنالين منها الخير والله أعلم.

  2. حضرتك صحبتي جدها لسه ميت
    حلمت ان جدها بيتخانق مع اختها علي شان ياخد منها ابنها صغير هو ابنها عنده تقريبا سنه ونصف كدا واختها فضلت تشد فيه وجدها المتوفي يشد لحد ما اختها ضربت جدها اخدت منه ابنها بس بعد عذاب وفضلت تنهج ارجو الرد

  3. حضرتك انا عزباء انا حلمت ان امي بتدخلني شقه ف حلم و الشقه دا شقه جوازي بس جميله اووي مدهونة لبني تقريبا واسعه وعفشها تحفه وبتقولي ان ابوكي هو الا سبهالك حتي سابلك جوه تحت بطنيه كيس لب فتحت الكيس لقيته لب ابيض ولب سوبر الاصفر وفضلت اقول ربنا يخليك ليا يا بابا يا حبيبي
    مع العلم ان والدي متوفي بقاله فتره

  4. حضرتك انا اختي متطلقه
    انا عزباء
    اختي حلمت ليه حلم غريب حلمت اني بعمل عمليه زي عمليات الوحشه بتاعت البنات الا بيفقدوا عذريتهم انا مش عارفه اسمها اي، وبعملها في مكان زي شقه تحت السلم كدا شقه من شقق القديمه كانت عبايتي مبلوله من العمليه هي قلعت عبايتها السمراء ولبستهاني في الحلم وفضلت تعيط علي شاني
    ممكن رد؟؟ ضروري علي شان بجد قلقانه ??

          1. حضرتك انا اختي متطلقه
            انا عزباء
            اختي حلمت ليه حلم غريب حلمت اني بعمل عمليه زي عمليات الوحشه بتاعت البنات الا بيفقدوا عذريتهم انا مش عارفه اسمها اي، وبعملها في مكان زي شقه تحت السلم كدا شقه من شقق القديمه كانت عبايتي مبلوله من العمليه هي قلعت عبايتها السمراء ولبستهاني في الحلم وفضلت تعيط علي شاني
            ممكن رد؟؟ ضروري علي شان بجد قلقانه ??
            اهو حضرتك قولتي خوف وقلق
            قصدك خوف وقلق خاص لاختي ولا خوف وقلق عليه

          2. خوف وقلك من اختك عزيزتي لا تقلقي ليس هناك داعي للخوف او القلق وف يالحلم بشاره ايضا بستر وتخلص من المشاكل والهموم في حياتك والله اعلم.

  5. حضرتك
    انا ااخت صحبتي متجوزه دايما بتحلم ان هي لابسه جزمه بس كل فرده لون مختلف

    حلمت برضو اخت صحبتي ال متجوزه دا ان ابنها الكبير ابنه عنده تقريبا ٦سنين كدا بيغرق دايما او بيتوه ويضيع منها بس يابتطلعه من الغرق او بتلاقيه
    ارجو الرد علي الحلمين

  6. حضرتك واحده صحبتي جدها لسه ميت من شهر تقريبا
    حلمت ان في واحد في حلم شبه جدها، جاي وبيسال علي جدها علي شان يديله بلوفرلين واحد كلحي وتاني زيتي، قالت ليه انه مات قام قال ليها خلاص اديهم لابوكي
    صحيت علي كدا؟؟؟؟

  7. حضرتك انا عزباء
    حلمت اني صلعاء (قرعه) راسي مش فيها ولا شعره محلوقه زي راس الرجاله، واني لابسه ملحفاه (زي اسلامي) لونها اسود وعماله اجري انا وواحده صحبتي مسيحييه معايا ف جامعه علي شان نروح بيتنا قامت قالت ليه شكلك وحش اوي غطي راسك دا
    قمت طلعت الملحفاه علي راسي ولقيت علي راسي زي منديل ابيض او قماشه بيضاء مغطية راسي مش عارفه جت منين قامت قالت ليه ايوا كدا احلي وفضلنا نجري لحد ما قربنا من شارعنا كنا لابسين كعب عالي مش عارفين نمشي منه
    #ملحوظه انا كنت لابسه ملحفاه من ٧ سنين وقلعتها
    صحبتي مسيحيه دا ساكنه معايا ف نفس منطقه

    1. يشير حلمك الى مشاكل في حياتك وصعوبات ولكنك ستواجهيها ان شاء الله وتحققي ما تتمنيه في النهاية وتنالي الخير والستر والله أعلم.
      استعيني بالله وراجعي امورك الدينية واتكلي على الله دائماً واستغفري بنية السلامة.

      1. حببتي تسلمي يارب
        يعني ممكن يكون حلمي اشاره من الله علي شان ارجع البس ملحفه اصلي دايما بحس بالذنب ??
        طب موضوع اني كنت صلعاء دا خير ولا اي
        اصل شعر زينه للمراه فهماني ??

        1. هو كما قلت لك عزيزتي ستر من الله
          اما عن الملحفة ان كنت مقتنعه بلبسها 100% البسيها اما ان كنت غير مقتنعه فلا تلبسيها واحتشمي في لبسك قدر ما تستطيعي.
          اما عن الصلح فهو مشكلة في حياتك ولكن سيسترك الله والله أعلم.

  8. انا عزباء
    حلمت اني ماشيه انا وواحده صحبتي مسيحية هي في خقيقه معايا ف جامعه
    اني اشتريت لاب توب انا وهي بس هي خطبيها هو الا اشتراه ليها وانا اشتريت بتاعي لنفسي بس مش كان معانا ف الحلم انا بس ذكرت اسمه ايهاب ف الحلم وفضلت اقول لنفسي انا كدا معايا لاب توبين يعني اتنين
    ف الحقيقه انا عندي لاب توب اصلا
    كنت ف الحلم بقول علي جديد والا معايا وبقول لابتوبين
    هل هذا ليه تفسير؟؟

  9. حضرتك انا خاطب ومسيحي
    حلمت ان ف مطره كتير اوي اوي اوي اوي وف تلج وبقول لواحد من قرايبي ده تلج بمسكه ف ايدي هو يقولي لا ده حاجه تاني ف الارض انا اقوله لا ده تلج
    هل هذا ليه تفسير؟؟

  10. انا عزباء
    حلمت اني رجعت ايام المدرسه بتاعتي ف اعدادي بس معايا نفس اصحاب جامعه ان عندنا امتحان بس كان امتحان واحد لنفس ماده بس كانت كام نموذج كانت ماده علوم ومكتوب علي ظهر الورقه ارقام اصحابي كل ما يختاروا ورقه يلاقوها اكمل واختر وانا اخترت ورقه طلعت فيها اسئله علل وحاجات اصعب رغم اني كنت عارفه الاجابه بس كنت عاوزه امتحان سهل زيهم فضلت اعيط وجريت علي مدرسه كان اسمها هاله طلبت منها تساعدني باني اختار ورقه تانيه تكون شبه ورقتك صحابي قالت لا انتي كتبتي عليهاا اسمك، روحت لميس تانيه اسمها ولاء قامت ساعدتني وقطعت ورقه الا معايا قالت ليه اختاري ورقه جديده جت اختار قمت مختاره اختبار تاني اصعب من الا كان معايا فضلت اعيط ف الحلم علي شان كان ف نيتتي اني اختار الورقه الا مكتوب ف ظهرها ٧٠ مش ١٢٠تقريبا قولت لا انا مش هستعين بحد وهقوم من غير ما حد ياخد باله واختار ورقه ٧٠ جت اخودها لقيت مكتوب عليها بالاحمر ان الا هيختارها هياخذ صفر ف ظهر ورقه فضلت مع الا معايا بس طول الحلم بعيط وقعدت احل فيها مش فاكره بقي صحيت بعد ما خلصت حل ولا لسه
    ارجو رد
    اسفه علي تطويل

  11. انا عزباء
    حلمت حضرتك ان بنت خالي هي حاليا لسه ف تعليم ف ثانوي بس اتخطبت من شهرين حلمت ان جي يوم فرحها فجاءة ان ابوها هيقعدها من تعليم بس امي كانت تعبانه مش راحت الفرح قام خالي طلعها من قاعه علي بيتنا علي شان تسلم علي امي بس انا زغطت اول ما شوفتها كانت لابسه فستان لبني ف اسود بس تحفه اوووووي وفضلت اعيط ف حضن امي انا عماله اقول ف الحلم سبحان الله الا بيحصل دا حلمت بيه والله حلمت بيه بقول كدا ف الحلم
    مع العلم ان فعلا حلمت بكدا ف حقيقه ان عند اهل امي فرح وامي مش راحت وكدا؟؟
    ارجو الرد الزغاريط دا اي؟؟؟؟ عادي

  12. حضرتك
    انا عزباء وف جامعه ولسه مخلصه امتحانات من اسبوع تقريبا بقالي كام يوم احلم
    اول يوم حلمت اني ف اللجنه بس مش شبه لجنتي ف الحقيقه وعندي امتحان وكل اصحابي سلموا ورقه الاجابه بتاعت ماده جغرافيا الا انا فضلت معايا لحد ما اللجنه خلصت ببص لقيت
    ورقه الامتحان معايا لسه ومعايا كتاب قمت فتحت الكتاب بتاع ماده وقعدت اصحح الا مش عارفه وامسح واكتب بس بخط مش مفهوم لحد ما جي دكتور تاني علي شان يمتحنا ماده تانيه فحكيت ليه ان ورقه امتحان ماده الاولي لسه معايا قمت مسحت كل الا كتبته من الكتاب بالغش وفضلت اعيط علي شان يساعدني وياخدها تصحح مع الورق فعلا خدها وحط عليها رقم كنترول
    صحيت علي كدا

    تاني يوم حلمت
    اني فضلت طول الليل اذاكر برضو علي شان عندي امتحان بس امي راحت عليها نومه ف حلمت ومش صحتني انا صحيت من نوم لقيت الساعه 11. 34 في الحلم وانا امتحاني ١١. ٥ الحادي عشر ونصف قولت مش هلحق البس واروح قمت لبست فعلا بس روحت بعد الامتحان ما خلص وصحابي خارجين منه دخلت لراجل بتاع كونترول قولت ليه اني اتاخرت علي شان امي تعبانه وراحت عليها نومه مش صحتني وانا مذاكره فضلت اعيط قالي لا خلاص قولت ليه يعني هسقط قالي لا يا هتمتحنيها ف اخر السنه يا اما السنه الا وراها اخر سنه ف جامعه فعلا السنه جايه اخر سنه قالي براحت اختاري وقت امتحانها قعدت ف الارض وفضلت اعيط كتير اووي قام صحابي خدوني وفضلوا يهدوني قمت خدت ورقه الاسئله بتاعت الامتحان اما اشوفه عامل اي لقيت الامتحان كبير اوي والاسئله محتاجه وقت قولت حتي لو كنت جيت من نصف الوقت مش كنت هلحق احل
    رغم اني ف كل الامتحانات ببقي عارفه الاجابه بس بفضل اعيط كتير اوووي علي اي سبب بيضايقني
    ارجو الرد

  13. حضرتك انا عزباء ومسيحية بس مخطوبه
    حلمت اني عند عمتي تحت احنا ف حقيقه ف بيت عيله وكنت لابسه ف الحلم قميص نوم لونه ابيض وعليه روب طويل وكان ف بنتين قرايبي ف الحلم لتبيين قمصان نوم بس مش مظبوطين عليهم زي قميصي هما ف حقيقه عزباء مش مخطوبين بس كانوا ف الحلم زي كدا هيتجوزا او متجوزين وف الحلم عمتي التانيه ف مطبخ مع امي بتعمل اكل و جابت ليه هديه كبيره اووي وغاليه بس انا فتحتها كانت تقريبا زي شاشه كبيره حاجه زي كدا وامي قالت ليها ان الهديه غاليه اووي قام بن عمتي قال لا مش اوي دا ١٠.٠٠٠ عشره الالاف جنيه بمناسبه تقريبا جوازي حاجه زي كدا
    هل هذا ليه تفسير؟؟

  14. حضرتك انا عزباء
    حلمت اني قولت لامي هروح اشتري موز، قمت روحت السوق وطلعت منه علي بيت طليق اختي حاليا بس مش شبه بيتهم ف حقيقه هو بيت شبه بيت خالتي بس ف حلم كان بيت طليق اختي، دخلت وقابلت حماه اختي سابقا بس مش برضو شبه ف حقيقه وبقولها ان اختي عاوزه ترجع بس امي مش راضيه قالي خلاص حاولي تقنعوها وخرجت من الاوضه لقيت عندهم ناس كتيره لابسه اسود ف اسود بس لا في صويت ولا اي حاجه تدل ان فيه ميت ولقيت طليق اختي متوضي ورايح يصلي وكان قصير اوي عكس الحقيقه هو ف حقيقه طويل وزعلان وبيقولي كدا خدتوا مني بسنت الا هي اختي وزعلان و بيعيط عليها وقالي ان اهله بيزنوا عليه يتجوز بنت خالته وانا رافض لسه مستني اختك ونزلت لقيت امي وخالي تحت البيت قابلين الدنيا عليه علي شان اتاخرت وجوز اختي سابقا نزل معايا علي شان يوصلني لما لاقي خالو وماما طلع تاني كان معايا كيس اسود بس مش عارفه كان فعلا ف موز ولا لا؟؟
    لما روحت اختي زعقت ليه علي شان انا روحت ليهم؟؟
    صحيت علي كدا؟؟
    هل هذا ليه تفسير؟؟
    هو ف حقيقه بيحاول كتير علي شان يرجع اختي ليه واختي كمان بعد ما كانت رافضه ترجعله وافقت بس امي الا رافضه خوفا منه واهله بسبب مشاكل كتير حصلت سابقا

  15. حضرتك انا عزباء وحلمت حلم اخر لطليق اختي
    ان هو جيه هو واخته البيت واحنا نايمين علي شان يعمل ف اختي حاجات وحشه علي شان تبقي حامل وامي ترضي ترجعها ليه قامت امي صحيت ومنعته يدخل الاوضه عند اختي وفضل هو وامي يتعاركوا وفضل يضرب امي علي راسها بالفازه وحاجات كتيره يضرب بيها امي وانا كنت نايمه صحيت علي شان احوش امي منه وامي كانت حاطه ف مكان كدا بس هو ف حلم مكان دا بتاعتنا حاطه فيه عفشي الا هو جهازي ف حقيقه واطقم صيني وازاز كتير قام طليق اختي فضل يكسر فيهم علي شان يحرق قلب امي وينتقم منها ف حجتي وكدا بس ماكنش فيه كسر ازاز علي الارض بس كان موجود طقم اطباق مكسور جزء منه دا الا فاكره وانا فضلت اعيط واقول لاختي طب انا ذنبي اي ف كدا انه يكسر عفشي وحاجتي
    صحيت علي كدا
    هل هذا ليه تفسير؟؟

      1. يعني كسر الاطقم الصيني بسببه مش فيه اي حاجه وحشه؟؟
        فعلا الامر دا بيقلقني جدا، بس انا بقالي فتره موضوع مش ف بالي وحلمت بيه حلمين وراء بعض؟؟

        1. لا عزيزتي ان شاء الله لن يصيبك شيء ولا تبشري على نفسك.
          تكرار الاحلام بنفس الشخص وظروف مشابهه حديث نفس لانشغالكم بالامر فقط.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *