كلمات البوم ابناء البطة السوداء كايروكي

طرحت فرقة الغناء المصرية “كايروكي”آخر وأحدث ألبوم غنائي كامل خاص بها خلال الساعات القليلة الماضية حمل عنوان “أبناء البطة السوداء”، وذلك عبر قناتها الرسمية على موقع “اليوتيوب”، حقق فى ساعاته الأولى نسب نجاح عالية، نترككم مع كلمات الألبوم.

كلمات البوم ابناء البطة السوداء

نستعرض لكم اليوم على موقع محتوى كلمات ألبوم “أبناء البطة السوداء”مكتوب كامل، والذى يتضمن عدد 8 أغاني كاملة، وهم “بنخاف وكان لك معايا ويا أبيض يا أسود وهاتلنا بالباقي لبان ويلا نغني وأنا السيجارة وما عاد صغيرا وأنا الصوت”، نتمنى أن ينال إعجابكم.

كلمات أغنية بنخاف كاملة

• ألبوم الأغنية: أبناء البطة السوداء.
• كلمات الأغنية: محمد شافعي عبد المنعم.

بنخاف لنقرب نتغرب ونخاف لنجرب نتهرب من بعض كتير، بنخاف نتكلم نتألم وكلامنا يأثر ويعلم بنخاف لنسرح فنبلم من غير تفسير

بنخاف لنحب منتحبش بنخاف جراحنا متتلمش بنخاف نهتم فنتهمش ونخاف لنغير

بنخاف نتجمع نتفرق أول ما بنفرح بنقلق بنخاف نتجر ونتعلق نعشق ونميل

اها بنخاف من الضلمة ومن اللمة من فن الكلمات السامة بنخاف من روحنا ومن ثم بنخاف من الغير بنخاف من اي غريب يجي

بالتالي نخاف من الاشخاص بنخاف من الخوف تدريجي فنخاف وخلاص.

بنخاف من الدايرة المقفولة ونخاف من الصوت ومن الصورة بنخاف من الحزن وخداع البدايات الاولى

بنخاف من البعد المسافات ومن الكلمات المعسولة بنخاف من معنى الخوف ذاته نهايات الخوف او بداياته من لون الخوف لو ليه لون

تفاصيله وشكله وعلاماته بنخاف من الخوف قبل النوم لسنين قدام وسنين فاتوا

بنخاف من الايام ونخاف من اي صراع سببه خلاف لما نخاف نتشاف ونخاف.

شاهد المزيد من اغاني كايروكي: كلمات اغنية سارة كايروكي

كلمات أغنية كان لك معايا

• ألبوم الأغنية: أبناء البطة السوداء.
• كلمات الأغنية: أمير عيد.

اللي يقولك احنا نتفائل ده بكرا احلى اوعى في يوم تسلم كمل بس انت السكة بسيطة سهلة

انت جامد انت تقدر دنيا حلوة عبي غنوة اعمل فلوس اعمل Views

احلم وطرمخ على الكابوس بيبعولك الهوا بيحطوا السم في الدوا

انت وحيد هما السوا نجوم بعيد في السما باصين عليك من فوق

جعانين شهرة فلوس وضوء يدولك مليون امارة وانت تأخد بالذوق

يديلك مليون امارة وحلول كل المشاكل يرمولك طعم في صنارة تأكل تتشد تتأكل

فوق اغنية او اعلان التوجه ياصاحبي عام ويفوت ستين عام والعمر يجري اوام

يفضلوا يقولوا بكرة احلى طب يا اخي احلى ليه زعلان.

كان لك معآيا أجمل حكاية في العُمر كله سنين ومرت زي الثواني ف حُبك إنت، وإنت كُنت اقدر أحب تاني أحبك انت

الأمل في بقهم زي اللبانة كل حاجة اشتغالة والحقيقة بقت رزالة

عاوزينك دايما سجين وعقلك هو الزنزانة زيهم زي الدبانة شغالين زن

صحوك من احلى نومة فوق يلا احلم اوعاك تفكر او تهتم متزودهاش اتلم

مخليك متفائل وبلاش غم حياتك البائسة بالنسبالهم غذاء بيأكلوا في احلامك الجريئة

المتحمسة انت لقمة اتاكل وانت ساكت للمعرفة عشان اللقمة

عشان تنجح لازم تبقى ساقط فنك يبقى هابط صوتك يبقى خافت او مش مسموع.

مهما ترسم على الحيطان ألف باب لسة الحيطان حيطان والرسمة باب كداب

مهما تفرش طريق اخره لامع بالاضواء، يفيد بايه النور لما يكون سراب يكتبوا على قبرك كان راجل طيب عاش ومات من سكات.

كلمات أغنية يا أبيض يا أسود

• ألبوم الأغنية: أبناء البطة السوداء.
• كلمات الأغنية: أمير عيد.

اسألة عايشة معايا مكملة والأجابة متأجلة سلسلة وكل حلقة للتانية

مسلمة بلف في دايرة ومهما بقيت برجع هنا بصيت في مرايتي لقيتها سودا ومضلمة

النفسية بعافية تعبانة مدشملة حطيت رأسي في سجادتي حكيت لربي على اللي جوايا انا

شايل من زمان انا في قلبي ألف سؤال اسألة كتير والضمير بيأكل ويأنب

زي الحمير حافظ طريقي ومغمي عنيا وقعت في بير بنده وصدى صوتي مغطي عليا

صوت بيقول ممنوع وصوت بيقول امشي ورا النية

يا ابيض يا اسود قصة حياتي كل حكاياتي مع اني عادي عايشها في النص رمادي

القلب مات مع ان فات صرختي صوتها سكات يأس كسرة وإحباط طناش واستعباط

بعاد عن رب العباد شيطان راكبني زي الجواد درنج روح هناك اروح هناك تطلع سراب

بجري في سباق وانا فيه متساق والسواق بيدوس بغباء قطيع والكل بيقول ماء

زهقت يا ناس من النفاق والمجتمع الكداب جريت على اكبر دولاب

عملت دماغ ودتني هناك واللي زاد واللي غطا اتلطيت في الدنيا لطة

القطر فات وانا في المحطة وكل يوم تتعاد اللقطة السكر حراق وشطة والدماغ طلعت اونطة

اللي يغويك يتحكم فيك وبغلطة بتجيله جلطة

يا أبيض يا أسود قصة حياتي وكل حكاياتي مع اني عادي عادي اعيشها في النص رمادي.

شاهد أيضًا: كلمات اغنية كان لك معايا كايروكي

كلمات أغنية هاتلنا بالباقي لبان

• ألبوم الأغنية: أبناء البطة السوداء.
• كلمات الأغنية: عطوة.

لو بكرا نهاية العالم هنزل افول عربيتي واخدها واعدي عليكي ننزل نتفسح

مش عارف هنروح فين هنسوق زي المجانين وهنركن في الممنوع ونمشي حافين

ندخل على السوبر ماركت نسرق تفاحة ونهرب نتريق على اللي يعدي وممكن نشرب

ونجيب بفلوسنا سجاير اللي بطعم النعناع ونقوله واحنا بندفع

هاتلنا بالباقي لبان هناكلها ونعمل صوت هاتلنا بالباقي لبان علشان نعمل بلالين هاتلنا بالباقي لبان انا عايز اكون فرحان

لو بكرا نهاية العالم هشتري موتوسيكل سباق وهنمشي مش هنفرمل هنكسر العداد

هنسجل فيديو انا وانتي هنقول ايه مش عارفين ممكن نحكي فوايد اللعب مع الدلافين

نقف قدام السينما واحكيلك فيلم انا شوفته بطله من اوله مات ونجيب بفلوسنا سجاير

ونقول واحنا بندفع هاتلنا بالباقي لبان ناكلها ونعمل صوت نعمل بلالين ونعيش فرحانين.

كلمات أغنية يلا نغني كاملة

• ألبوم الأغنية: أبناء البطة السوداء.
• كلمات الأغنية: أمير عيد.

اخرتها ايه مبقتش قادر على السكوت كرهت الأمل ولا هو عايش ولا بيموت

سألت نفسي كل الاسألة البديهية انت مين انت ليه جاي الدنيا ديا

بتغني للشهرة فلوس ونجومية ولا صاحب قضية مصدق فعلاً في اغانيه

الاجابات كلها عكس عكاس اجابة من دماغي والتانية بالاحساس والتالتة متوسطنة على الميزان بالمسطرة

كل الافكار جوايا راقدة متكدرة مخنوق والطريق مسدود لازم توطي رأسك علشان تفوت

لو مش مصدق بص لفوق على النجمة البعيدة نورها زي قلته مايبنش الحقيقة

لكن احنا الشخص واحنا وراها نتحرق نور سماها كل يوم يعدي نروح نموت فداها

يلا نغني اللي جوانا غنوة ساكتة من غير كلام احنا بس اللي نفهم معناها غنوة تجمعنا ولو في الخيال.

ببص في المرايا وخايف عيني تيجي في عيني مكسوف من نفسي بهرب منها مهما بتناديني

انا بغني ليكم ولا بغني عليكم احمي نفسي انا ولا احميكم مش عاوز ابقى نجم من النجوم وازين العتمة وسط الغيوم

مش عاوز اعيش كدبة كل يوم او حلم جميل خايف منه اقوم انا عاوز اكون او لا اكون يا اعيش حر يا اعيش مدفون

آه زهقت من المواربة والفكرة شاردة جوايا حرب باردة وافكار كتير معاندة
مزنوق في خانة اليك

مش لاقي منها فايدة الفكرة لسة صامدة مهما العمر يطول

جوانا عالم وحياة ممنوع يا ناس تتعاش جوانا فكرة في مكانها بس مقولنهاش

جوانا منطق عايز يبدأ كدبة كبيرة دايما تسبق تقولك غيرك اشطر متحاولش

يلا نغني اللي جوانا غنوة ساكتة من غير كلام غنوة تجمعنا في الخيال.

اقرأ أيضًا: كلمات اغنية انا الصوت كايروكي

كلمات أغنية أنا السيجارة كاملة

• ألبوم الأغنية: أبناء البطة السوداء.
• كلمات الأغنية: أمير عيد.

انا السيجارة والدنيا الغدارة الناس كانت في ايديها وعمالة تشد، انا الامارة انها دوارة شفايفها حلوة بس بتعض تديني بوسة وتنفخني اوام

بقيت انا طاير في الهوا دخان لا طايل سما ولا طايل ارض دنيا غرورة وغدرها فرط لبستلي عروسة وفي جمالها انا دوبت خدتني اروصة ورمتني عقب

اديتها السم في الدوا ادتني نار قلبي انكوى العيب فيا وفي النية خدت الشيطان جنبيه

اديته وداني واداني الدنيا وللاخرة نساني خداعة مش دايمة لحد لو انت جبل بكرا تنهد

لو بالجمال يا ناس مكنش دبل الورد خلي رأس مالك الزهد ده الدنيا بتمص وتشفط زي السيجارة

الدنيا الغدارة مسكاني في ايديها وعمالة تشد

انا الامارة انها دوارة شفايفها حلوة بس بتعض انا السيجارة والدنيا الغداره.

كلمات أغنية ما عاد صغيرا

• ألبوم الأغنية: أبناء البطة السوداء.
• كلمات الأغنية: أحمد خالد توفيق.
• ألحان الأغنية: شريف هواري.

قد شاب صغيرك يا أمي ما عاد بريئًا يا أمي، ولكم قد هادن وتراخى، ولكم قد نافق وتنازل، ولكم داهن

صدأ الأعوام يغلفني، وغبار الرحلة يعميني أبخرة التبغ مع الحسرة تتسرب من صدري الفاني

حقًا قد واجهت الدنيا حقًا قد حاربت الدنيا هزمتني لم أفهم هذا

ومضيت أغني ألحاني سحقتني الدنيا لكني لم أعلن هذا

كي أكمل هذي الأغنية لا يوجد عمر يكفيني أنواء الليل تحاصرني، وتضيق

قد شاخ صغيرك يا أمي ما عاد صغيرًا يا أمي قد غادر مهدك كي يعرف

لكني حقًا لم أعرف ابتعت فراء الحملان جربت مسوح الرهبان، ولبست دروع الفرسان

لكني آقسم يا أمي لم أخدع إلا مرآتي حتى في ثوب الشيطان لم أدرك معنى لحياتي، ولعمري هذي مأساتي

حقًا قد واجهت الدنيا حقًا قد حاربت الدنيا هزمتني لم أفهم هذا

ومضيت أغني ألحاني سحقتني الدنيا لكني لم أعلن هذا

كي أكمل هذي الأغنية لا يوجد عمر يكفيني أنواء الليل تحاصرني، وتضيق

سيموت صغيرك يا أمي أحلام شبابي أضنته، وقروح الماضي أدمته أجتاز مدينة إحباطي إكليل العار على رأسي

إني أحيا حقًا أحيا

كي أكمل هذي الأغنية لا يوجد عمر يكفيني أنواء الليل تحاصرني، وتضيق.

اقرأ أيضًا: كلمات اغنية هاتلنا بالباقي لبان كايروكي

كلمات أغنية أنا الصوت كاملة

• ألبوم الأغنية: أبناء البطة السوداء.
• كلمات الأغنية: نور عبد الله.

انا الصوت اللي متبقي وخارم ودنكم بحقي انا اللي الدنيا بتهدد هرد واقولها طقي

انا النغمة النشاذ يا خلق انا اللي تابعكوا مني الفرق انا اللي جريمتي في قيمتي ومشكلتي اني قولت الحق

انا المبهج انا المزعج انا اللي صعب يتبنج وانا اللي لما بيهنج مابعرفهوش، وعمري مره في الزنزانة في الزنزانة في المريخ ومابحسبلوش

انا عمري اللي ماختمهوش بموتي شهيد انا ماعشهوش

انا حساباتي مختلفة يا ناس على رزقها خايفة سيبوني انا العبيط اللي يفكر هعدل الدفة

سيبوني الحلم بيه هصفى وبيه هدفى وبيه طول عمري بسكتفى

لما تسعوا حسي بهاتي سيبوني مع نفسي انا العاقل وانا عكسي

انا المبهج انا المزعج انا اللي صعب يتبنج وانا اللي لما بيهنج مابعرفهوش.

أعضاء فرقة كايروكي

تتألف فرقة “كايروكي”فى الوقت الحالى من خمسة أعضاء، يتقن كلا منهما العزف على بعض الآلات الموسيقية مثل آلة “جيتار وجيتار كهربائي ودرامز وأورغ وبيانو” ، والأعضاء هم:

• أمير عيد.
• تامر هاشم.
• شريف هواري.
• آدم الألفي.
• شريف مصطفى.

نشأة فرقة كايروكي

فرقة “كايروكي”هي واحدة من أشهر فرق الروك والغناء المصرية المتواجدة فى الوطن العربى فى الوقت الحالى، حققت في السنوات القليلة الماضية نسبة شهرة مذهلة على مستوى العالم بأكمله.

بدأ تأسيسها للمرة الأولى عام 2003، كانت تغني باللهجة الإنجليزية تحت مسمى “The Black Star” ، ولكنها اتجهت بعد ذلك للغناء باللغة المصرية، تتكون كلمة “كايروكي”من مقطعين، هما “Karaoke و Cairo” .

اقرأ أيضًا: كلمات اغنية طير بينا يا عم كايروكي

نبذة عن فرقة كايروكي

حققت شهرة عالية وانتشارا واسعا على مستوى الشرق الأوسط عقب قيام ثورة “الخامس والعشرين من يناير المصرية”لعام 2011، حيث قامت بإصدار أول أغنية وطنية لها بعنوان “صوت الحرية”.

تم إذاعتها للمرة الأولى يوم تنحى الرئيس المصرى السابق “محمد حسني مبارك”، إعتبرها الشباب بمثابة الأغنية الرسمية للثورة، وقاموا بتردديها فى “ميدان التحرير” .

أطلقت أول ألبوم غنائي كامل خاص بها فى نفس العام بعنوان “مطلوب زعيم”، وتضمن عدد من الأغاني الوطنية التى تتحدث عن الثورة، أصدرت ثانى ألبوم لها عام 2012 بعنوان “وأنا قاعد مع نفسي”.

حققت من خلاله نسب نجاح هائلة فى وقت قصير، حصلت فيه على جائزة “الميما”كأفضل فريق موسيقى على مستوى الشرق الأوسط “MEMA Middle East Music Awards” للمرة الأولى عام 2013، ثم حصلت عليها للمرة الثانية على التوالى عام 2016.

أعلنت عن آخر ألبوم لها خلال الـ24 ساعة الماضية بعنوان “أبناء البطة السوداء” ، تضمن عدد 8 أغاني كاملة، هم “بنخاف وكان لك معايا ويا أبيض يا أسود وهاتلنا بالباقي لبان ويلا نغني وأنا السيجارة وما عاد صغيرا وأنا الصوت”، نال إعجاب جمهورها العريق منذ الساعات الأولى من نشره على “اليوتيوب”.

ألبومات فرقة كايروكي

فى رصيدها الفنى ستة ألبومات غنائية كاملة، قامت بطرحهم فى الأسواق بين عامي 2011 و2019، حققت جميعا نسب مبيعات ونجاح ساحقة، وهم:

• مطلوب زعيم.
• وأنا قاعد مع نفسي.
• السكة شمال.
• ناس وناس.
• نقطة بيضا.
• أبناء البطة السوداء.

أغاني فرقة كايروكي

أصدرت العديد من الأغاني السينجل الرائعة والناجحة منذ عام 2011 الماضى وحتى الآن، حققت معظمها ملايين المشاهدات عبر قناتها الرسمية على موقع “اليوتيوب”، من بينهم أغنية اسمها:

• إثبت مكانك.
• حبيبي يا مطلع عيني.
• يا الميدان ديو مع “عايدة الأيوبي”.
• الشمس.
• فين أنا.
• مات الكلام.
• القلب إشتكي.
• سلام يا مان.
• ناس بترقص وناس بتموت.

اقرأ أيضًا: كلمات اغنية ما عاد صغيرا كايروكي

تفاصيل أبناء البطة السوداء

بعد غياب ما يقرب من عامين كاملين، طرحت فرقة الغناء المصرية “كايروكي”أحدث ألبوم لها بعنوان “أبناء البطة السوداء”، قامت بإصداره يوم الجمعة الماضى عبر قناتها الرسمية على موقع “اليوتيوب”.

حقق فى ساعاته الأولى أكثر من 3 ونصف مليون مشاهد كامل، وتخطت أغنية “كان لك معايا”أكثر من مليون مشاهد، تضمن الألبوم 8 أغاني مختلفة ومتنوعة بين مشاعر الخوف والغضب والغير راغبين فى الحب مرة آخرى والذين يشعرون بالفشل، وهم:

• بنخاف.
• كان لك معايا.
• يا أبيض يا أسود.
• هاتلنا بالباقي لبان.
• يلا نغني.
• أنا السيجارة.
• ما عاد صغيرا.
• أنا الصوت.

أصداء ألبوم أبناء البطة السوداء

أثار ألبوم “أبناء البطة السوداء”جدلا كبيرا خلال الساعات القليلة الماضية عبر موقع “تويتر”بين مؤيد ومعارض له، حيث جاءت بعض التعليقات التى تشيد بأغاني الألبوم مثل “شئ حلو إنك تلاقي صوت لسه بيعبر عنك فى الوقت ده بالذات، شكرا كايروكي”، وعلى الجانب الآخر جاءت بعض التعليقات التي انتقدت أغاني الألبوم، من بينهم تعليق “سمعت الألبوم قفلته ورجعت أسمع نقطة بيضا تانى”.