التخطي إلى المحتوى
كلمات البوم ايام تامر عاشور
ألبوم أيام

كلمات ألبوم أيام تامر عاشور نقدمها لكم مكتوب وكامل على موقع محتوى، طرح الفنان المصرى الكبير “تامر عاشور” آخر وأحدث ألبوماته الفنية والغنائية حتى الآن ألبوم حمل عنوان “أيام”، وذلك عبر قناته الرسمية على موقع الفيديوهات الشهير “اليوتيوب”، حقق فى ساعاته الأولى نسب نجاح عالية على مواقع السوشيال ميديا، نترككم مع كلمات الألبوم.

كلمات ألبوم أيام كامل

نستعرض لكم اليوم على موقع “محتوى” كلمات أغاني ألبوم “أيام” للفنان القدير “تامر عاشور” مكتوب وكامل، والجدير بالذكر أنه تضمن 12 أغنية كاملة، هم “أيام وحبيبي أنت حبيبي وماشوفناش خير ومن غير ما أحيكلك وقولوله سماح وده حكاية ومتختلفيش وفى بالي وبقالي زمان وسلام ومرة وخلصانة”، نتمنى أن ينال إعجابكم.

كلمات أغنية أيام كاملة

  • ألبوم الأغنية: أيام.
  • كلمات الأغنية: تامر حسين.
  • ألحان الأغنية: تامر على.
  • توزيع الموسيقى: النابلسي.

غيابه طال وقال في يوم هيرجع تاني مجاش ليه وراح بعيد وسابني مكاني لا بنساه ولا معاه ودي المعاناة

أيام لسه فاكرهاله أيام أنا مش ناسيهاله، وبقول كانت أيام أيام ليه عدوا قوام

أيام لسه فاكرهاله أيام أنا مش ناسيهاله، وبقول كانت أيام أيام ليه عدوا قوام

قالولي فاكر إيه قالولي فاكر ليه كلامي يوصف إيه، والناس ولا حاسه

أنا بروح ف كل مكان زمان رحناله، وانادي ليه واقول ياريت لو اجي في باله لا بنساه ولا معاه ودي المعاناة

أيام لسه فاكرهاله أيام أنا مش ناسيهاله، وبقول كانت أيام أيام ليه عدوا قوام

أيام لسه فاكرهاله أيام أنا مش ناسيهاله، وبقول كانت أيام أيام ليه عدوا قوام.

كلمات أغنية حبيبي أنت حبيبي كاملة

  • ألبوم الأغنية: أيام.
  • كلمات الأغنية: محمد عاطف.
  • ألحان الأغنية: مدين.
  • توزيع الموسيقى: النابلسي.

في ايه في عيونك دول مش عند باقية الناس من اول لحظة قابلتك راحلك قلبي وسلم ليك

ولقيتني معاك على طول وبعيش اجمل إحساس، وحياتي بقالها معاني جديده وضحكت دنيتي بيك

حبيبي أنت حبيبي مالي عينايا وغالي ياما روحي وبالي قالوا فيك حكايات

حبيبي انت حبيبي احلى من احلامي قمري نور أيامي أملي من البدايات

حبيبي انت حبيبي مالي عينايا وغالي ياما روحي وبالي قالوا فيك حكايات

مقدرش دقيقة انساك على سيرتك بصحى وانام

انت بتوحشني بجد ودايماً بسأل روحي سؤال انا ليه لما ابقى معاك الوقت بيجري قوام

ولقاك فرحته معرفش اوصفها بأي كلام يتقال.

كلمات أغنية ماشوفناش خير

  • ألبوم الأغنية: أيام.
  • كلمات الأغنية: عمرو يحيى.
  • ألحان الأغنية: تامر عاشور.
  • توزيع الموسيقى: النابلسي.

ماشوفناش من وراهم خير ماشوفناش غير تعب وأذية سوء تقدير

ماشوفناش من وراهم خير و مش معقول نقول تفاصيل ده سر كبير

مشوفناش من وراهم خير وفرح قليل وحزن كتير

حبايب أيامنا سابونا بعد ما حبينا باعونا حبايب أيامنا عشنا معاهم شوفنا عجايب
حبايب مش فاضل ليهم حاجة تبقينا عليهم لا عمر بيستنى واحنا خلاص مش حمل حبايب

معملوش للي بينا حساب، ومسابوش باب يخلي ما بينا لوم وعتاب هنتحايل عليهم ليه

مسيرنا في يوم هنعرف مين خلاص باع مين وحقنا مهما فاتوا سنين لا يمكن يوم نسامح فيه

حبايب أيامنا سابونا بعد ما حبينا باعونا حبايب أيامنا عشنا معاهم شوفنا عجايب

حبايب مش فاضل ليهم حاجة تبقينا عليهم لا عمر بيستنى واحنا خلاص مش حمل حبايب.

كلمات أغنية من غير ما أحكيلك

  • ألبوم الأغنية: أيام.
  • كلمات الأغنية: جمال الخولي.
  • ألحان الأغنية: محمد النادى.
  • توزيع الموسيقى: النابلسي.

من غير ما أحكيلك عن بكرة ولا أجيبلك سيرة عن الماضي أنا عمري ما عشت إلا في قربك، واسألي في عينيكي على ميلادي

أنا قصة انكتبت على إيدك من أول سطر مش عارف عني غير اللي إنتي عني عرفتيه

بدأت وأنا جنبك أيامي الحلوين في العمر ماحلمتش بيكي لكن هحلم بعديكي بمين

من قبل ما أقابلك على فكرة من قبل ما اشوفك واحشاني أنا كنت بحبك من الأول، وقابلتك حبيتك تاني

أنا قصة انكتبت على إيدك من أول سطر مش عارف عني غير اللي إنتي عني عرفتيه.

كلمات أغنية قولوله سماح

  • ألبوم الأغنية: أيام.
  • كلمات الأغنية: أحمد المالكي.
  • ألحان الأغنية: مصطفى العسال.
  • توزيع الموسيقى: إلهامي دهيمة وآدهم دهيمة.

وليه ممنوع أبين خوفي قدامه واداري دموع هبان أجمد واكابر ليه وهكسب إيه

هيمشي خلاص ومش راجع بقاله كتير بيتحمل قسايا عليه

بموت جوايا وببكي على حالي، واحزاني اللي جيالي خلاص ضيعته من إيدي

ووقت القسوة كان مالي، ونازلة دموعي سألاني هيتعوض بمين تاني هموت لو راح

ولا سامع ولا راضي، وأقوله هموت يقول عادي، وبيحسسني بذنوبي، وبيفكرني بالماضي

ولو يديني فرصه كمان هيرجع قلبي زي زمان قولوله سماح

بقاله كتير بيسحتمل ومش قادر وجرحه كبير لأول مره أحس بخوف وعيني تشوف

حبيبي بيمشي مش راجع بقاله كتير مقابل شري بالمعروف.

كلمات أغنية ده حكاية كاملة

  • ألبوم الأغنية: أيام.
  • كلمات الأغنية: أمير طعيمة.
  • ألحان الأغنية: محمد النادى.
  • توزيع الموسيقى: النابلسي.

مش حكاية شوق بيفوق أي شوق وخلاص بص ع التفاصيل تلاقيه غير باقية الناس ده اللي زيه يا قلبي يتّاقل بالماس

في الحياه دي قلوب بتدوب ليها ألف بديل فيه قلوب تانيين نادرين مالها تاني مثيل ده اللي زيه يا قلبي ده اللي زيه قليل

لا لا لا لا ده حكاية ويادوب بضحكابة خلاني أعشق هواه لا لا لا لا ده حكايه وعيونه دي كفايه حليت في عيني الحياة

مش حكاية شوق لجمال بيداويلي جروح فيه جمال بيروح وجمال يبقى جاي من الروح مش هسيبه يا قلبي لو لفين هيروح

اللي قبلنا قالوا يا قلبي الجمال أنواع خد جمال الدنيا لوحده قد أيه طماع روح يا قلبي وعوض اللي منك ضاع.

كلمات أغنية متختلفيش كاملة

  • ألبوم الأغنية: أيام.
  • كلمات الأغنية: عمرو يحيى.
  • ألحان الأغنية: تامر عاشور.
  • توزيع الموسيقى: آسر عاشور.

متختلفيش عن اللي زمان كانت قبلك وسهل هيجي من بعدك ما كنتي تحبي على قدك وكنتي تسيبي قلبي يعيش

ماتختلفيش هوانا خلاص مالوش معنى نصيبنا ببعضنا جمعنا. راحتنا هتيجي بوداعنا وبالمعروف خلاص نبعد ماتتعبنيش

انا اتمنيت اكون جنبك وقدرتك طلعتي غير ما فكرتك وخفت تضيعي وخسرتك

في قلبي وبالي طول وقتي وعلى بالك انا مبجيش وياما اديت وفادني بايه بقى حناني

مشاعري ليكي قتلاني وفاكرك وانتي نسياني مفيش داعي اكملك نسيت انك مبتحسيش

ماتختلفيش كسرتيلي قلبي جوايا وغلبتيني بكفاية عليتي عليا ولولايا لكل اللي انتي فيه دلوقتي ماوصلتيش.

كلمات أغنية فى بالي كاملة

  • ألبوم الأغنية: أيام.
  • كلمات الأغنية: نادر عبد الله.
  • ألحان الأغنية: تامر عاشور.
  • توزيع الموسيقى: أماديو.

لما لقيتك في بالي بيني و بينك قلقت، والاحساس دة اما جالي انا مع نفسي اتضايقت

ده من الواضح عليا هفتكرك كل وقت طب لما انا عندي نية ارجع طب ليه فارقت

يمكن جيتلك عشان مبقاش ينفع مجيش ما انا لو سبتك كمان يمكن ابطل اعيش

مستنيني من زمان فمتعملش اتفاجئت يمكن رجعني ليك طولة تفكيري فيك

او خوف وانا مش معاك او خوف من الناس عليك يمكن وانا مش لاقيك من العيشة و الناس زهقت

في الأيام الأخيرة من ناحيتك اتخطفت جوايا تفاصيل كتيرة بيها قدامك اعترفت

كام ليل قضيته صاحي فيه من الوحدة اتوجعت ما انا من كل النواحي خسران بعدك و ضعت.

كلمات أغنية بقالي زمان كاملة

  • ألبوم الأغنية: أيام.
  • كلمات الأغنية: أحمد المالكي.
  • ألحان الأغنية: محمد خلف.
  • توزيع الموسيقى: النابلسي.

حلوة الدنيا بيك حبيبي سيبني اتهنى بيك، وأعيش عمري الجاي ليك مكاني جنبك في الحياة

بحلم من سنين، وأقول نصي التاني فين، و دلوقتي عرفت مين هسيب نفسي تروح معاه

بقالي زمان بقول هلقاك حلمت كتير و أديني معاك بقالي زمان بقول هلقاك حلمت كتير و أديني معاك

عارف يعني إيه تلاقي حب حلمت بيه بقى في حضنك ومداريه ده إحساس و مايتنسيش

ياه شوف النصيب ده كان ليه ترتيب غريب جمع بنا و مش هغيب، ولا لغيرك يوم هعيش.

كلمات أغنية سلام كاملة

  • ألبوم الأغنية: أيام.
  • كلمات الأغنية: محمد رفاعي.
  • ألحان الأغنية: محمد يحيى.
  • توزيع الموسيقى: النابلسي.

نفسي أفكر مرة بعقلي مشيت ورا قلبي معاك كتير إتحملت اكتر من طاقتي حبيبي أشوف وشك بخير

سلام مع السلامة اللي بينا ده كله راح أنا خدت معايا قلبي شيلت فيه كل الجراح

زي ما دخلتك حياتي وكنت يوم غلطة حياتي أنا همحيك من ذكرياتي ولا هبكي على اللي راح

مش هرجعلك ولا هسمعلك عمري ما هنسى عملت إيه أنت تموت من غيري يا كدبك فوق من الوهم اللي انت فيه

سلام مع السلامة اللي بينا ده كله راح أنا خدت معايا قلبي شيلت فيه كل الجراح

زي ما دخلتك حياتي وكنت يوم غلطة حياتي أنا همحيك من ذكرياتي ولا هبكي على اللي راح.

كلمات أغنية مرة كاملة

  • ألبوم الأغنية: أيام.
  • كلمات الأغنية: تامر حسين.
  • ألحان الأغنية: شادى حسن.
  • توزيع الموسيقى: أحمد وجيه.

مرة شوفتك وهي المرة انا قلبي قال إن شا الله تبقالي وابقى طول حياتي معاك

يعني من المستحيل تمنعني عن حب عمري اسمعني ده لو انسى روحي انت مش هنساك

مين ده اللي يسيبك بسهولة سلم و خلاص حبيتك من المرة الأولى ونسيت الناس

مين ده اللي يسيبك بسهولة سلم و خلاص حبيتك من المرة الأولى ونسيت الناس

هاتلي حد في جمالك هاتلي ده سنين عشان تثبتلي ان القمر ده نلقى زيه اتنين

جيتلي لغبطني ولقيتني بقول ياريتني كنا اتقابلنا من سنين وسنين

مين ده اللي يسيبك بسهولة سلم و خلاص حبيتك من المرة الأولى ونسيت الناس

يلا مستني ايه ماتيلا فرحة عيونك هلا، وعينيك قالتلي اللي بحلم بيه

قولها خليك جريء واعملها صوتك ده هيجملها ريح حبيبك انت مكسوف ليه.

كلمات أغنية خلصانة كاملة

  • ألبوم الأغنية: أيام.
  • كلمات الأغنية: هشام صادق.
  • ألحان الأغنية: مدين.
  • توزيع الموسيقى: النابلسي.

حبيبي تعبت من بعده وشكله مصر يتعبني ليه يكسرني ويخسرني وقابل ليه يعذبني

على ده الحال ليالي طوال بقرب هو يبعدني طب أعمل إيه حاولت أرضيه بحبه وهو بيسيبني

اه واضحة خلصانة الحكاية آه كل أول ليه نهاية نار الفراق هتسيب علامة بس يالا مع السلامة والفراق ده لعله خير

كتير شاهدين عملت أنا إيه، وحاولت ازاي أكون وياه شافوه بيروح سايبلي جروح، و واخد عمري كله معاه

على قلبي وعلى عيني أسيبه ومستحيل أنساه فيه عاقل مين هينسى سنين، وأيام محفورين جواه.

نبذة عن حياة تامر عاشور

تامر عاشور هو مغني وملحن مصرى معروف، يعتبر واحدا من أجمل وأروع الأصوات المصرية المتواجدة فى الوطن العربى فى الوقت الحالى، من مواليد محافظة “دمياط” يوم 2 يناير عام 1984، اسمه كاملا “تامر عاشور أحمد دبة”.

نبذة عن حياة تامر عاشور

درس فى كلية “التربية الموسيقية”، ولكنه لم يستمر فيها طويلا، حصل على درجة “البكالوريوس” من معهد “الدراسات المتطورة” المتواجد فى منطقة “الهرم”، تتكون عائلته من ستة أفراد “أب وأم وأربعة أشقاء”، أتقن العزف على بعض الآلات الموسيقية المعروفة مثل آلة “الجيتار والبيانو”.

بداية مشوار تامر عاشور الفني

لم يكتشفه أحد من المنتجين حتى عام 2004، لذلك قرر أن ينتج عدد من الأغاني السينجل بنفسه، فقام بإصدار بعض الأغاني الناجحة مثل أغنية “تسلم وإفترقنا وكل يوم ومبقاش ونفسي أقولك وفى ليالي عذابي معاك”، حقق من خلالهم نسب نجاح عالية، أطلق أول ألبوم غنائي كامل خاص به عام 2006 بعنوان “صعب”، وقام بضم كل هذه الأغاني إليه.

بداية مشوار تامر عاشور الفنى

شهرة ونجاح تامر عاشور

مع نجاح هذه الأغاني بدأت تتنافس عليه شركات الإنتاج من أجل الحصول على توقيع رسمى منه، ولكنه إتجه للتعاون مع شركة “روتانا” للصوتيات والمرئيات فى نهاية عام 2008، والتى قامت بإنتاج ثانى ألبوم له فى نفس العام بعنوان “حد يحب”، حقق من خلاله نسب مبيعات عالية على مستوى الشرق الأوسط، ودخل فى قائمة الأكثر تحميلا من على الإنترنت فى ذلك الوقت.

إحتل المرتبة الأولى فى قائمة الأكثر مبيعات فى سوق الكاسيت عقب إصداره لألبومه الثالث بعنوان “ليا نظرة”، نجح فى مجال التلحين، وتعاون مع باقة من كبار مطربى الوطن العربى مثل “محمد فؤاد وسوما وشاهيناز وإليسا وأنغام وفضل شاكر”، بالإضافة إلى الفنان الراحل “عامر منيب”، حصل على العديد من الجوائز والتكريمات منذ ظهوره على الشاشات للمرة الأولى وحتى الآن.

شهرة ونجاح تامر عاشور

طرح أخر ألبوم غنائي كامل خاص به خلال الساعات القليلة الماضية بعنوان “أيام”، تضمن عدد 12 أغنية كاملة، هم “أيام وحبيبي أنت حبيبي وماشوفناش خير ومن غير ما أحيكلك وقولوله سماح وده حكاية ومتختلفيش وفى بالي وبقالي زمان وسلام ومرة وخلصانة”.

ألبومات تامر عاشور

فى رصيده الفنى ستة ألبومات غنائية كاملة، قام بطرحهم فى الأسواق بين عامي 2006 و 2019، حققت جميعا نسب مبيعات ساحقة على مستوى الوطن العربى بأكلمه، وهم:

  1. صعب.
  2. حد يحب.
  3. ليا نظرة.
  4. عشت معاك حكايات.
  5. خيالي.
  6. أيام.

تامر عاشور الألبومات

أغاني تامر عاشور

أصدر العديد من الأغاني الرائعة والناجحة طوال مشواره الفنى والغنائي حتى الآن، تميزت معظمها بالطابع الحزين، حقق من خلالها ملايين المشاهدات عبر قناته الرسمية على موقع “اليوتيوب”، من بينهم أغنية اسمها:

  • أجمل حلم.
  • محظوظ.
  • وقت الوداع.
  • تتر بداية ونهاية مسلسل “إبن موت”.
  • دنيا إيه.
  • كل شئ راح.
  • معلش.
  • هو أنا بستسلم.
  • كلموها عني.

تامر عاشور الأغاني

تفاصيل ألبوم أيام

طرح الفنان القدير “تامر عاشور” ألبوم جديد خلال الساعات القليلة الماضية عبر قناته الرسمية على موقع الفيديوهات الشهير “اليوتيوب” حمل اسم “أيام”، وذلك بعد أن إستغرق فى تحضيره ما يقرب من عام كامل، قام بإصداره للمرة الأولى تزامنا مع مناسبة “عيد الأم”، والتى توافق يوم 21 من شهر مارس.

طالب الجمهور بالتفاعل معه منذ اللحظات الأولى على هاشتاج “أيام تامر عاشور”، وفى خلال عدة ساعات قليلة، إحتل المركز الأول على تويتر، تعاون فيه مع باقة من كبار الشعراء والملحنين والموزعين مثل “تامر حسين وأحمد المالكي وأمير طعيمة ومدين ومصطفى العسال والنابلسي”، بالإضافة إلى قيامه بتلحين ثلاثة أغاني بنفسه، تضمن عدد 12 أغنية كاملة، وهم:

  • أيام.
  • حبيبي أنت حبيبي.
  • ماشوفناش خير.
  • من غير ما أحيكلك.
  • قولوله سماح.
  • ده حكاية.
  • متختلفيش.
  • فى بالي.
  • بقالي زمان.
  • سلام.
  • مرة.
  • خلصانة.

تفاصيل ألبوم أيام

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *