التخطي إلى المحتوى

حدوتة قبل النوم 2019

بسم الله الرحمن الرحيم والصلاة والسلام على أشرف المرسلين ، زوار موقع محتوى الأعزاء ، نقدم الى حضراتكم حدوتة قبل النوم 2019 بالعامية والفصحى والتي ستقضي على حيرة الأمهات الائي يقفن كل ليلة أمام اولادهن عاجزين عن تمكينهم من النوم بسبب خلو جعبتهن من أية حكايات ممتعة ، خصوصا ان كانت بالفصحى فالأولاد الصغار لن يفهموا الفصحى كما يفهمون العامية .

ولكن ايضا لكي نكون منصفين سنوفر حكايات قبل النوم باللغة العربية الفصحى بهدف أن تكون جميع الخيارات متوفرة لحضراتكم ، وبكل تأكيد يسرنا جدا بعد انتهاء حضراتكم من قراءة الحواديت والحكايات من ذكر تعلقياتكم وأرائكم في خانة التعليقات بالأسفل خصوصا ان كنتم تريدون حكاية معينة ليتم إضافتها الى المقال .

حدوتة قبل النوم للكبار بالعاميه

شاهد أيضا:

يحكي أن كان هناك مجموعة من الأغنام الصغيرة تعيش فى مرعي كبير فى آمان وسلام ومحبة، وكان يحرسها ثلاثة من الكلاب الوفية، ولذلك لم تشعر الأغنام الصغيرة يوماً بالخوف من الذئاب .

وكان الراعي رجلاً طيباً يحب أغنامة كثيراً ويعتني بها، يجلس كل يوم فى ظل شجرة ظليلة ويبدأ فى عزف أجمل الألحان والاغنام تلتف حولة فى دائرة واسعة وهكذا كانت الحياة الهادئة فى المرعي الجميل .

وفى يوم من الأيام إقترب ذئب شرير من المرعي وأخذ يراقب الأغنام الصغيرة والراعي ولكنة عندما وجد الكلاب الثلاثة لم يجرؤ علي الإقتراب من المرعي، ولكنة فجأة لمح الكلاب الثلاثة تتقاتل وتتشاجر فيما بينها وقد إشنغلت عن حراسة الأغنام، فضحك الذئب المحتال مسروراً وأخذ يفكر فى نفسه قائلا : ” الآن جائتنى فرصة الهجوم علي المرعي ” .

وفعلاً إقترب الذئب ببطئ من القطيع، فرأي نعجة صغيرة تقف وحيدة بين المروح فإنقض عليها علي الفور وأنشب مخالبة وأنيابة بها، أخذت النعجة تستغيث بأصدقائها، فسمع الكلاب صراخها فتوقفوا فوراً عن القتال وسارعوا إلى مكانها لإنقاذها، وعندما رآهم الذئب قادمين اضطر إلى ترك النعجة ووثب خارج المرعي مذعوراً .

العبرة من القصة : القوة فى التعاون والوحدة .. وبداية الهزيمة تأتي من الفرقة والقتال، قال الله تعالي : ” وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ” سورة المائدة .

حدوتة قبل النوم سندريلا

كان يا ما كان في قديم الزمان كانوا بيقولوا ان كان فيه بنت جميلة اسمها سندريلا عايشة في الغابة في قصر كبير وجميل مع باباها وماماتها بس بعد فترة ماماتها ماتت وباباها قرر يتجوز واحدة ت تانية غنية وكانت اتجوزت قبل كده وعندها بنتين وهما جيني وكاترين ، وبعد مدة توفى بابا سندريلا علشان يسيبها لوحدها مع مراته الشريرة والحقودة والأنانية واللي كانت مش بتحب سندريلا خالص علشان ديا كانت شايفة انها اجمل منها ومن بناتها وديه كانت الحقيقة .

وبعد فترة بقوا يعاملوا سندريلا زي الخدامة في القصر بتاع باباها ، وكانت سندريلا بنوتة جميلة وطيبة وبتحب كل الناس وكان كل الناس بيحبوها وحتى الحيوانات كمان كانت بتحبها ، وكان عندهعا اصحاب كتير جدا من البشر ومن الحيوانات كمان .

وفي يوم من الايام قرر ملك البلاد انه يعمل حفل كبير في القصر بتاعه علشان يخلي ابنه يختار من بنات المملكة واحدة تكمل معاه بقية حياته وتكون زوجة وحب ابدي ليه ، ولما الدعوات وصلت بيت بابا سندريلا قامت مرات باباها وبناها الاتنين جيني وكاترين بالإستعداد ولبسوا أحلى حاجة عندهم من فساتين ومجوهرات استخدموا أحلى العطور اللي عندهم ، أما سندريلا فكانت بتدور في فسايتن مامتها القديمة وبتحاول تلاقي حاجة كويسة تقدر تلبسها في الحفلة وكانت الحيوانات أصدقائها بيساعدوها بردو .

نزلت سندريلا بعد ما لبست فستان والدتها التي اصلحته هي وأصدقائها وأول ما مرات ابوها وبناته شافوها وهي جميلة وشيك اتغظوا منها جدا وبوظولها الفستان وبوظلوها تسريحة شعرها اللي كانت جميلة جدا وقرروا يحبسوها في البيت علشان ماتقدرش تروح الحفلة وتخطف منهم حب الأمير .

سندريلا قعدت تعيط كتير جدا لحد ما صعبت على صحابها الحيوانات ، وفجأة ظهرت لسندريلا جنية شبه مامتها جدا ، وعملتلها فستان جميل جدا أحلى من كل الفساتني اللي شافتها سندريلا قبل جدا وجابتلها كمان جزمة حلوة أوي مصنوعة من الكريستال ، وكمان ساعدتها على انها تقدر تسرح شعرها مرة تانية وجابتلها مجوهرات احلى واغلى بكتير من بتاعة كاترين وجيني ، وقبل ما تتحرك سندريلا الى الحفلة الجنية قالتلها لازم ترجعي قبل الساعة 12 لأن الساعة 12 بعد نص الليل  ووافقت سندريلا ووعدتها انها ترجع في الموعد المحدد .

ذهبت سندريلا الى الحفل لتبهر جميع الحضور وأولهم الأمير اللي أعجب بها وحاول التعرف عليها إلا أن الوقت اتأخر و الساعة قربت تدق 12 وكان لازم سندريلا تهرب علشان ماحدش يشوفها باللبس القديم .

خرجت سندريلا من القصر بتجري ، فلاحظ الأمير ده وجري واراها بسرعة علشان يلحقها بس هيا قدرت تجري بسرعة وتهرب منه ، وماقدرش يلاقي منها غير فردة من الشوز اللي سندريلا كانت لابساه ، ونجحت سندريلا انها تقدر ترجع قصر والدها قبل الساعة 12 زي ما وعدت الجنية وقدرت كمان تنام الليلة ديه وهيا مبسوطة جدا علان قدرت تشوف الأمير .

في اليوم اللي بعده راح الأمير واخد فردة الشوز وقعد يدور في المملكة كلها على صاحبتها واللي هاتطلع فردة الشوز مقاسها هاتكون هيا سندريلا اكيد ، وبالفعل ذهب بها الخدم الى كل قصور البلدة ولكن لم تدخل الفردة في رجل أي بنت من البنات ، وكان اخر قصر هو قصر والد سندريلا .

فدخل خدم الأمير القصر وبدأو بتجربة الحذاء مع البنتين كاترين وجيني ولكن ولا واحدة فيهم كان الشوز مقاسها ، فسأل الخدم عن وجود أي بنت تانية في القصر علشان يقدروا يخلوها تقيس الحذاء فقالولهم ان مافيش غير الخدامة .

فطلب حرس الأمير إحضارها لتجربة الحذاء حتى ولو كانت الخدامة علشان ديه أوامر الأمير ، خرجت سندريلا لترتدي الحذاء واللي دخل في رجلها فعلا ليعلن بعد ذلك أن سندريلا هي زوجة أمير البلده الوسيم، وقدروا يعيشوا مع بعض في تبات ونبات ويخلفوا صبيان وبينات .

حدوتة قبل النوم بالعامية رومانسية

اسم سندريلا

يُحكى أنه في فترة ليست ببعيدة من الزمان كان يعيش رجل يعمل بمنهة الصيد في منزل صغير بجوار الغابة، يستيقظ كل نهار ويذهب بأدوات الصيد الى الغابة لإصطياد ما يقدر عليه من الطيور لبيعه، وذات يوم خرج الصياد الى الغابة وبدأ بتجهيز بندقيته للصيد وعندما وجه البندقية نحو هدفه إذ بفتاة تمتلك من الجمال ما لم تراه عينيه من قبل لدرجة أنه لم يستطع التحدث معها من شدة ذهوله بجمالها ورقتها، وخلال دقائق اختفت الفتاة من أمامه، فقرر أن يحضر كل يوم الى هذا المكان ليرى تلك الجميلة مرة اخرى ويتحدث اليها.

وبالفعل كان الصياد يذهب يومياً الى نفس المكان ليرى تلك الفتاة من بعيد، وذات يوم قرر أن يصارحها بحبه له، ولكن في هذا اليوم لم تأتي اليه الفتاة، حزن الصياد وظل يذهب كل يوم ويظل منتظراً تحت الشجرة أملاً في ان تظهر أمامه ولكن دون جدوى.

بدأ الصياد في البحث عن الفتاة في أنحاء البلدة يسأل عنها كل من يعرفه ولكن لم يستطع أحد أن يفيده، ثم خطرت بباله فكرة أن يرسم لها صورة من ملامحها الرقيقة التي رسخت في ذاكرته، وبالفعل رسم الصورة وقام بنشرها في جميع أنحاء البلدة، وبعد مرور أيام جاءه اتصال هاتفي، فرد الصياد ليجدها هي الفتاة، وكان أول ما قالته الفتاه هو : لماذا تبحث عني؟

فرد الصياد وهو في غاية الفرح والشوق مُعبراُ عن مشاعره بالحب اتجاهها عبر الهاتف، وفي الجهة الآخرى كانت الفتاة تستمع إليه وهي تبكي لتخبره هي الآخرى عن إعجابها به.

مرت الأيام وهما يتحدثان عبر الهاتف خلال الرقم الذي اتصلت به الفتاة، وبعد أيام قليلة أخبرها الصياد انه يريد الإلتقاء بها لمرة واحده فقط في نفس المكان الذي شهد إلتقائهم للمرة الأولى، فوافقت الفتاة.

ذهب الصياد مُبكراً الى المكان وبدأ بتحضير كل شيء إستعداداً لمنحها خاتم الخطبة. حضرت الفتاة وتفاجأت بشكل المكان المُزين لكن بمجرد أن قدم لها الشاب الصياد الخاتم حتى بدأت في البكاء. فسألها الصياد: ماذا بكِ لما هذا البكاء؟ فقالت بحزن شديد: لقد خطبني والدي لرجل غني يكبرني بالسن كثيراً وأنا لا أحبه. فذهب الصياد لوالدها وطلب يدها منه ولكن والد الفتاة اشترط عليه أن يجمع ضعف ثروة الرجل الذي خطبها له في البداية وذلك خلال أسبوع واحد فقط. فتوجه الصياد الى تاجر عقارات وقام ببيع جميع ممتلكاته، وخرج في نفس اللحظة للعمل وظل يعمل طوال هذا الأسبوع ليل ونهار، ولكن لم يحالفه الحظ فلم يستطع جمع المبلغ المطلوب خلال تلك الفترة الضيقة.

فقرر الشاب العودة الى منزل والد الفتاة ليعطيه جميع ما استطاع جمعه ويستسمحه في مد المهلة أسبوعاً آخر ، اعتذر الشاب لوالد الفتاة وهو حزين وفي قمة حرجه، ولكنه فوجيء بفتح باب الغرفة وجود أغاني وضيوف حفلة كبيرة، ظن الشاب انها حفلة خطبة الفتاة على الرجل الغني، ولكن سارع والدها بتصحيح الأمر وقال له: لن أجد أفضل منك زوجاً لأبنتي، لقد تأكدت من حبك الشديد لها ولذا فاليوم هو حفلة خطبتكما تزوج الشاب من الفتاة وأصبح لديهما طفلين وعاشا في سعادة.

حدوتة قبل النوم الشاطر حسن

كان ياما كان يا سعد يا إكرام في سالف العصر والأوان ولا يحلى الكلام إلا بذكر النبي عليه أفضل الصلاة والسلام كان فيه غراب طول اليوم يفضل طاير يدور على اكل وفي مرة كان طاير فوق الجبل بص لقى شال حرير أحمر في وسط الجبل قرب منه لقي جواه بنت جميلة رائعة الحسن مكتوب على إيديها اسمها “ست الحسن” .

شال الغراب الطفلة بمنقاره وفضل طاير طاير لحد ما وصل لشجرة كبيرة أوي أوي وحط فوقها الشال وجواه ست الحسن وفضل الغراب يربي الطفلة فوق الشجرة وكان بيطير كل يوم للسوق ويخطف لها الحليب، لحد ما كبرت البنت وبقت أحلى البنات. وفي يوم من الأيام كان الأمير ابن السلطان بيسقي حصانه من البير اللي تحت الشجرة اللي ساكناها ست الحسن .

وفجأة بدأ الحصان يتحرك بعصبية، فنظر الأمير لفوق ولقي بنت زى البدر بتبص عليه من على الشجرة، فسألها “انتي إنسية ولا انتي حورية نزلت من الجنة”، قالت له “أنا ست الحسن والجمال”. ومقدرش الأمير يقاوم جمالها فطلب منها الزواج وهي وافقت طبعا .

وأخدها على القصر الكبير وعرفها على أبوه السلطان وزوجة أبوه وعاشوا في القصر في منتهى السعادة. لحد لما السلطان مات في الحرب فراح ابنه الأمير عشان يقود الجيش، وفضلت ست الحسن في القصر منتظراه مع مرات أبوه فحبستها مرات أبوه ومنعت عنها الأكل.

وفي يوم جاعت أوي ست الحسن وتوسلت لمرات الأب إنها تديها أي لقمة فقالت لها هاتي عينيك وخدي رغيف عيش، وأخدت عينيها ! وفضلت كده، كل مرة تجوع ست الحسن تاخد منها مرات الأب حتة حتة لحد ما فضلشي غير العظم .

وساعتها رمتها مرات الأب من الشباك… وقعت ست الحسن على خاتم غريب.. وطلع خاتم سليمان، وفجأة خرج منه جني وقال لها : “شبيكي لبيكي عبدك ملك أديكي اطلبي تنولي”، قالت له : ” أول حاجة ترجعلي جمالي اللي اتسرق مني .

وتاني حاجة عاوزة قصر كبير فيه كل أنواع الفواكه صيف وشتا” وفعلا رجع لست الحسن والجمال جمالها واتبنى قصركبير قدام قصر السلطان في يوم وليلة فيه ما تشتهي النفس وتلذ الأعين.. وبعد شهور قليلة رجع الأمير منتصر من الحرب .

وأول ما وصل قابلته مرات أبوه على إنها ست الحسن، وسألها عن مرات أبوه فقالت له ماتت، لكن الأمير حس إنها متغيرة وسألها مالك، فجاوبت إنها مريضة من قلقها عليه، وإنها حامل وهتجيب له ولي العهد، وطلبت منه تفاح وعنب لأنها بتتوحم .

فرح الأمير وطلب من الحاشية إحضار التفاح والعنب لكن الفواكه دي مكانش أوانها، ففكر رجال الحاشية وقالوا له مفيش غير القصر المسحور اللي قدام قصر السلطان، فأمر الأمير حارس إنه يروح يطلب من صاحبة القصر فاكهة.

فراح الحارس ودق الباب وقال : “يا ست يا ستنا ياللي قصرك قدام قصرنا تفاحة ولا عنباية للعليلة اللي عندنا” فردت عليه ست الحسن وقالت : “يا مقص قص لسانه”، فرجع الحارس للأمير وهو اخرس فاقد النطق. .

وأرسل الأمير حارس تاني وتالت وحصل معاهم نفس اللي حصل مع الحارس الأول. فراح الأمير بنفسه للقصر المسحور ودق الباب وقال: “يا ست يا ستنا ياللي قصرك قدام قصرنا تفاحة ولا عنباية للعليلة اللي عندنا”، ردت عليه ست الحسن وقالت: “أنا العليلة وأنت الدوا”.. قال الأمير : “الصوت ده أنا عارفه مش غريب عني” وخرجت ست الحسن فاندهش الأمير من جمالها وقال لها : “انتي ست الحسن بس أجمل كمان.. أمال مين اللي في قصري هناك؟”، قالت له ست الحسن: دي مرات أبوك بعد ما سرقت جمالي ورمتني، وحكت له كل القصة من البداية. رجع الأمير القصر ومعاه ست الحسن وأمر بجمع كل الحطب اللي في المدينة وعمل محرقة كبيرة ورمى فيها مرات أبوه.. وعاش الأمير مع ست الحسن في تبات ونبات وخلفوا صبيان وبنات وتوتة توتة خلصت الحدوتة حلوة ولا ملتوتة !؟

حدوتة قبل النوم للحبيب بالعاميه

كان يا مكان كان ف زمان بنوتة زي القمركانت كل يوم تحلم بولد وسيم اوووي بس هي ولا شافته ولا تعرفه وكان دايما الحلم يتكرر معاها ايام كتير وفجأة جتلها رحلة مع صحباتها تروح معاهم مخيمات ومصيف وحاجة وااااو هناك فى الرحلة عاشت اول كام يوم حلويين وتمام وكله تمام وفجاة قالت هتنزل تشتزي حاجات ليها ذكري وكدا نزلت وهي بتشتري من المحل خبطت فى شاب بصت ليه وكانها كانت تعرفه .

” هو الشاب ده بقي كان يعرف بنات وحالته حالة ” بس زي ما يكون كان شافها قبل كدا واسمه شريف اتخانقوا جامد مع بعض هي تقوله انت اعمي وهو يقولها انتي اللي مش شايفة قدامك ولا مركزة .. لحد ما هي زهقت وراحت سابته ومشيت .. راح ماسكها من ايديها وقالها ابقي ركزي بعد كدا راحت شدت ايديها ومشيت بعد ما مشيت افتكرت الموقف افتكرت انها زي ما تكون شافته قبل كدا .

ولمسة ايديه خلت جسمها يقشعر اوووي وفاقت من تفكيرها ع صوت اصحابها هيروحوا حفلة فقالت ف نفسها ده شخص بطيخة ازاي افكر فيه المهم بقي راحت هند الحفلة مع صحباتها واتفاجئت بـ شريف هناك اتخنقت منه اول ما شافته بس بردو احساسها بيقولها انها شافته قبل كدا هو كان عاوز يقرب منها بس مش عارف يعمل ايه فقرب من زميلتها وقعد معاهم ف الحفلة يتعرف ع زميلاتها واتعرف عليها من خلال كلام زميلاتها عنها حس انه عاوز يبقي معاها ويتكلم معاها راح واعتذر عن اللي عمله معاها الصبح الاول ماكانتش قابلة .

بس بعد زنه قبلت وقعد معاها قعدوا يهزروا ويضحكوا كانوا حاسين براحة ناحية بعض كانهم يعرفوا بعض من زمان وحسوا انهم مش عاوزين يمشوا خالص وعاوزين يفضلوا مع بعض قعدوا واتكلموا ف مواضيع كتير دخلته حياتها بكلامها ودخلها حياته بكلامه خلصت الحفلة وروحوا بس محدش منهم نام كل واحد قعد يفكر ف التاني لدرجة انها حلمت نفس الحلم اللي بتحلمه بس الفرق ان وشه كان واضح وصحيت فجاة قالت معقولة ده اللي بيجيلي ف الاحلام لا مش ممكن ازاي طيب لا مش معقولة .

ابتدت ف اليوم التاني عاوزة تعرف هو فين عاوزة تقابله مش هتكلمه ولا هتنطق بس عاوزة تبصله تشبع منه قبل ما ترجع بلدها بس مش لاقيته وللاسف ورجعت بلدها من غيرماتشوفة اما هو كان لاول مرة يحس بكدا ناحية بنت شاب عرف بنات كتييير ومش عاوز يحب هو بيتسلي بس اشمعنا دي اللي حس بكدا ناحيتها وبدا عاوز يعرفلها راح مكانها علشان يشوفها ملقهاش وكل واحد فيهم راح بلده بس منساش التاني .

هي قالت مش هوقف حياتي عليه هستني اشوف ربنا كاتبلي ايه وهو بردو قال انا حاسس اني هشوفها تاني ودي هتبقي حبيبة قلبي بجد بس لازم اكمل حياتي فضلوا ع الحال ده سنتين هي نفسها تشوفه وهو هيموت ويعرفلها مكان كانت هي طول السنتين بتحلم بيه وهو كان دايما يفكر فيها ووقف لعب وتسلية بالبنات وف يوم كانت معزومة ع فرح واحدة صاحبتها فكانت عاوزة تنزل تتفرج ف المولات ع الفساتين والشوزات علشان تشتري وبالصدفة نفس اللي حصل اول مرة حصل تاني خبطوا ف بعض واول ما بصوا لبعض كانهم ما صدقوا لقوا بعض .

حضنها جامد جداااا وهي دابت بين ايديه وفضلوا كدا وقت مش قليل وبعد ما انتبهوا لحالتهم دي وسط المول راحوا مكان هادي وقعدوا يتكلموا وطول ما هم كانوا ماشيين كانوا ماسكين ف ايد بعض خايفين من انها تتساب واتفقوا ع معاد للخطوبة وحصل فعلا والاهل مكانش عندهم مانع اهم حاجة تكون بنت محترمة والواد محترم ويراعي ربنا فيها وبعد 6 شهور كان الجواز ودلوقتي هند وشريف معاهم طفلين هند وادم وهند حامل ف توأم سمى بنتوة هند حبا فى مامتها.

حدوتة قبل النوم للكبار

كان هناك بطتين وسلحفاة تعيش معهما في عين ماء، وعندما جفت عين الماء، قررت البطتان الرحيل للبحث عن مكان آخر يوجد به ماء، فأخبرتا السلحفاة برحيلهما؛ فقالت السلحفاة: “وأنا لا أستطيع العيش بدون الماء، أرجوكم خذوني معكما”، فقالت البطتان: “ولكننا نطير وأنت تزحفين فكيف ستأتي معنا؟”؛ ففكرت البطتان في فكرة وقالتا: “سنأخذك معنا ولكن بشرط ألا تتحدثين مع أحد، ولا تفتحين فمكي خلال رحلتك معنا”.

استغربت السلحفاة في بادئ الأمر ومن ثم وافقت، وقالت لهما: “كيف سأذهب معكما؟”؛ فأحضرت إحدى البطتين عودا من الخشب، وقالت للسلحفاة: “قومي بالعض على منتصفه، ونحن سوف نقوم بحمله من طرفيه بالمنقار، وهكذا سوف تأتي معنا”.

فوافقت على فكرتهما وطارت معهما؛ ولكن عندما رأوها الناس استهزؤوا بها وقالوا: “انظروا إلى عجب العجاب، سلحفاة بين بطتين تطيران بها في الهواء”، فنسيت السلحفاة كلام البطتين وردت عليهم: “رغما عن أنفكما”؛ ففتحت فمها فسقطت هاوية إلى الأرض، وأصيبت إصابة شديدة، ولم تستطع التحرك بسبب نسيانها كلام صديقتيها.

حدوتة قبل النوم بالعامية

كان ياما كان يا سادة يا كرام ولا يحلى الكلام الا بذكر النبي عليه الصلاة والسلام، كان في حطاب فقير جداً عايشه مع مامته في كوخ صغير على أدهم، وكان الناس كلها بتحب الحطاب ده لأنه راجل طيب وفي حاله.

وفي مره صحي الحطاب الصبح زي ما بيعمل كل يوم، ولبس هدومة وأخدت عدته عشان يروح الغابة يدور على حطب، ولما وصل الحطاب الطيب للغابة لاقى راجل عجوز واقف تحت شجرة، سأله الحطاب: أنت بتعمل ايه هنا لوحدك ف المكان ده؟
سكت الراجل العجوز وهو بيبص للحطاب ورد عليه وقاله: ممكن بس تجيب لي ميه أشرب!. طبعاً الحطاب الطيب اللي بيساعد كل الناس راح لحد البئر اللي موجود في وسط الغابة وملى ميه ورجع للراجل العجوز وقاله: اتفضل الميه.
اخد العجوز الميه وشرب ولما خلص شكر الحطاب واداله 3 حبات قمح، استغرب الحطاب من الهدية دي فضحك وقال للراجل العجوز: وانا هعمل ايه بالـ 3 حبات قمح دول؟ رد الراجل العجوز: ما تضحكش عليهم دي الحبة الواحده فيهم تشفي أي مرض مستعصي.
وفجأة اختفى الراجل العجوز بدون مقدمات، فأخد الحطاب الحبات ومشي لحد ما ضيع الطريق وسط الغابة، وفجأة لقى نفسه وصل لبلد غريبة ، وهو ماشي في الشوارع سمع الناس بتقول ان ان الملك أصيب بالعمى وأعلن عن مكافأة 100 جمل محملة بالدهب للي يقدر شفيه من العمى، بس اللي هيحاول ويفشل هيقتله الملك ، أول لما سمع الحطاب الكلام ده افتكر الـ 3 حبات فتوكل على الله وراح للملك، و أول لما دخل للملك وقاله انه جاي عشان يشفيه، طبعاً الملك قاله انه لو فشل هيقتله.
وافق الحطاب ومنح الملك حبة قمح من اللي معاه وفعلاً شفي الملك من العمى فأمر للحطاب بالمكافأة، ولما خرج الحطاب من القصر مشي في منطقة صحراء فشاف كلبة عمياء ومعاها أولادها، فرمى لها حبة القمح فشفيت الكلبة، كده اتفضل معاه حباية واحدة بس.
وكمل الحطاب طريقه في الصحراء وفجأة طلع عليه قطاع طرق حاولوا يسرقوا المكافأة اللي الملك منحها للحطاب، لكن الكلبة اللي عالجها الحطاب من شوية دافعت عنه هي وأولادها وفضلت معاه لحد لما وصل لأمه الفقيره، فلاقها عينه اوي وجعانه من ساعة لما مشي الحطاب وغاب عنها، فأعطاها الحطاب حبة القمح الأخيرة فشفيت وحست بالشبع وفرحت برجوعه، وتوته توته خلصت الحدوتة حلوة ولا ملتوته!
شاهد أيضا:

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *