التخطي إلى المحتوى

كلمات ألبوم فارق معاك رامي صبري نقدمه لكم مكتوب وكامل على موقع محتوى، طرح الفنان المصري الكبير “رامي صبري” آخر وأحدث ألبوماته الفنية حتى الآن خلال الساعات القليلة الماضية بعنوان “فارق معاك”، حقق من خلاله نسبة نجاح عالية، إليكم كلمات أغاني الألبوم كاملا.

كلمات ألبوم فارق معاك كامل

ضم ألبوم “فارق معاك” 12 أغنية كاملة، هم “فارق معاك وقولت اللي عندي وصعبان عليا ووعجبي عليك يا زمان وبتاع بنات ووبقابل ناس وبتهتمي وهو في كده وحكاية حبنا وأنا بعترفلك وحاول تنساني وأنا بابا”، نترككم مع كلمات هذه الأغاني، ونتمنى أن تنال إعجابكم.

كلمات أغنية فارق معاك كاملة

  • غناء: رامي صبري.
  • ألبوم الأغنية: فارق معاك 2019.

من إمتى كان فارق معاك كلام وبيأثر، وقولى أعمل تاني إيه وإمتى هتقدر

خسارة فيك حتى العتاب شكراً كده كفاية إنت اللى زيك يتنسى بسرعة مش أكتر

لو اتسألت عليك هقول حكاية ونسيتها، ووقت ضاع من عمري راح وفترة عدتها

من قلبي بحمد ربنا على إنها خلصت أيامى جنبك كلها ولا عمري حبيتها

كان عقلي فين وإزاي خدعت عيوني فيك شوفتك ملاك وماكنش عمره يبان عليك

إنك بتكدب والحقيقة إنك أنانى، واللى يحبك عادى بتبيعه بإيديك

كان عقلي فين وإزاي خدعت عيوني فيك شوفتك ملاك وماكنش عمره يبان عليك

إنك بتكدب والحقيقة إنك أنانى، واللى يحبك عادى بتبيعه بإيديك.

كلمات أغنية قولت اللي عندي كاملة

  • غناء: رامي صبري.
  • ألبوم الأغنية: فارق معاك 2019.

قولت اللى عندى كله ليك من غير كسوف أجمل منك حبيبى مستحيل أشوف مفيش غيرك جوه قلبى وليه أخبى

إنت إنت اللى زيك إنت خلصوا من سنين هو القمر فى مِنه تانى مرتين باين قلبى خطفته منى ومين يلومنى

ليه أنا بفكر فيك كده ليه آه لو تعرف اللى أنا فيه تعالى قولي عملتلى إيه

فين حبيبى تهرب منى لفين، ومين قدى يحبك مين تعالى هنا مفيناش بعدين

قولت اللى عندي كله أعمل إيه معاك مش كل يوم هقابل يعنى فيه ملاك عليك ضحكة مجننانى مخليانى

شوفتك أول ماشوفتك للأمانة عقلي طار ملحقتش حتى أفكر ولا أخد قرار لقيت قلبى معاك وسابنى وشوقى جابنى

ليه أنا بفكر فيك كده ليه آه لو تعرف اللى أنا فيه تعالى قولي عملتلى إيه.

كلمات أغنية صعبان عليا كاملة

  • غناء: رامي صبري.
  • ألبوم الأغنية: فارق معاك 2019.

أنا مش ممكن أتخيل حياتي وإنت مش موجود أكيد مش هقدر أتحمل فراقك عنى ممكن أموت

هتفضل دنيتى واقفة عليك والوقت مش هيفوت

صعبان عليا من الفراق فكر شوية فى حالى لما أشتاق

صعبان عليا أيام زمان في يوم وليلة ننساها هى كمان

أنا معرفش لما تغيب هعيش بعديك لمين ولإيه، ولو كان الفراق موضوع بتقدر عادى يعنى عليه

ياريت تعمل حساب قلبي وبلاش إنت اللي تجرح فيه

أنا معرفش لما تغيب هعيش بعديك لمين ولإيه، ولو كان الفراق موضوع بتقدر عادى يعنى عليه

ياريت تعمل حساب قلبي وبلاش إنت اللي تجرح فيه.

كلمات أغنية وعجبي عليك يا زمان كاملة

  • غناء: رامي صبري.
  • ألبوم الأغنية: فارق معاك 2019.

وعجبى عليك يا زمان ع اللى راحوا من زمان رجعوا لما كبر مقامنا وبان علينا الخير

عجبى ع اللى إحنا فيه جم فى إيه وماشيين فى إيه

ده اللى سابنا في وقت محنة مالوش علينا جميل

شربنا من الجرح كاس وقفلنا السكة دى خلاص ياما ناس ارتاحوا لما سابوا أقرب ناس

مش إنتوا نسيتوا اللى كان ضحيتوا بليالينا زمان كل حد يروح لحاله كفاينا كلام

وعجبى عليك يا زمان ناس كتير بتقول كلام، وأما ساعة الجد تيجى يتنسى اللى اتقال

عجبى على اللى إحنا فيه ليه بننسى العشرة ليه إحنا مالنا إيه جرالنا كل يوم ليه فى حال

شربنا من الجرح كاس وقفلنا السكة دى خلاص ياما ناس ارتاحوا لما سابوا أقرب ناس.

كلمات أغنية بتاع بنات كاملة

  • غناء: رامي صبري.
  • ألبوم الأغنية: فارق معاك 2019.

إشاعات وحكايات هتسمعي عني كتير حاجات، وهيقولوا إني بتاع بنات وبعد يومين مش هتلاقيه

ده يقولك سيبيه ودي تقولك فيه اللي فيه كلام للصبح هتسمعيه وذنبي في كل ده بس إيه

وقالوا ياما في كلام عليا يسيب ديا يروح لديا لكنك بالنسبة ليا مش عادية مش عادية

أنا بحبك وافهميني أنا هعيشلك طول سنيني مفيش غيرك يملا عيني يملا عيني

ناس منك تغير وناس مش عايزين لينا خير، وعندي أنا بس طلب أخير حبيبتي ياريت ماتركزيش

على إيه كل ده وهعمل ليه أصلا كده ده أجمل عمر بيكي ابتدا وأنا من غيرك مش هعيش

وقالوا ياما في كلام عليا يسيب ديا يروح لديا لكنك بالنسبة ليا مش عادية مش عادية

أنا بحبك وافهميني أنا هعيشلك طول سنيني مفيش غيرك يملا عيني يملا عيني.

كلمات أغنية وبقابل ناس كاملة

  • غناء: رامي صبري.
  • ألبوم الأغنية: فارق معاك 2019.

وبقابل ناس وبحاول أحب غيرها، وسنين هتفوت وهعيش وهموت فاكرها

وأنساها إزاي ودي كتر ألف خيرها سيبالي ليالي جميلة وذكرى في كل مكان

وبقابل ناس وبحاول أحب غيرها، وسنين هتفوت وهعيش وهموت فاكرها

وأنساها إزاي ودي كتر ألف خيرها سيبالي ليالي جميلة وذكرى في كل مكان

ليالي عمري وكل اللي يوم عشناه كل حلم في ليلة سوا حلمناه

هوانا عايش مين قال في يوم نسيناه كان الفراق قسمة ونصيب وأدي الحياة

ليالي عمري وكل اللي يوم عشناه كل حلم في ليلة سوا حلمناه

هوانا عايش مين قال في يوم نسيناه كان الفراق قسمة ونصيب وأدي الحياة

صعبة الأيام من وقت غيابها عني الاسم بعيش وأنا روحي خدوها مني

وياريتها تكون زيي وبتفتكرني، وبتضحك لما تفكر يوم في ليالي زمان

صعبة الأيام من وقت غيابها عني الاسم بعيش وأنا روحي خدوها مني

وياريتها تكون زيي وبتفتكرني، وبتضحك لما تفكر يوم في ليالي زمان.

كلمات أغنية بتهتمي كاملة

  • غناء: رامي صبري.
  • ألبوم الأغنية: فارق معاك 2019.

بتهتمىي في وقت ما ببقي أنا سايبك عشان منساش ما أنا عارفك تموتى فى اللى ينساكي، وميهتمش فاتهتمى وده طبعك

وعيب ولا عمره يتصلح تعبت أشرح تعبت أنصح أعيش إزاي أنا معاكي نا غيرك، ومش شبهك

ياريتك واحدة مضطرة وعايزة تعيش ياريتك حتى في بعادي بتنسى النوم

أراهن إن ده كله عشان ما أمشيش لو أرجعلك هتنسينى فى نفس اليوم

ياريتك واحدة مضطرة وعايزة تعيش ياريتك حتى في بعادي بتنسى النوم

أراهن إن ده كله عشان ما أمشيش لو أرجعلك هتنسينى فى نفس اليوم

أنا راحتى مع واحدة تشيل اسمي قيمتها تبقى من قيمتي مشفتش كل ده فيكى، ولا في قربى ولا فى غيبتى

وحذرتك بدل المرة يجي مية، وقلت كفاية أنانية أنا مش لعبة فى إيديكي خسرتينى ولا خسرتك

ياريتك واحدة مضطرة وعايزة تعيش ياريتك حتى في بعادي بتنسى النوم

أراهن إن ده كله عشان ما أمشيش لو أرجعلك هتنسينى فى نفس اليوم.

كلمات أغنية هو في كده كاملة

  • غناء: رامي صبري.
  • ألبوم الأغنية: فارق معاك 2019.

هو في كده يعنى معقول احلى م القمر حلو على طول خد تعالى هنا ما انت مسئول ع اللي واصل ليه

عاملة مشكلة لون عينيك دول قلبي حبها بيها مشغول نظرة منها ليها مفعول سحر حاسس بيه

بناديك ومتعلق بيك من اول يوم وانا ملك ايديك، وعليك انا عيني عليك ومسلم ليك ومنايا ارضيك

هو في كدة لا كدا مفيش فرصة م السما تاني متجيش حن على حالي وارضالي اعيش طول حياتي معاك

بص شوف بقى هو ده كلام اعمل ايه انا لا كده حرام انت على بالي مش عارف انام مش عارف انسى

بناديك ومتعلق بيك من اول يوم وانا ملك ايديك، وعليك انا عيني عليك ومسلم ليك ومنايا ارضيك.

كلمات أغنية حكاية حبنا كاملة

  • غناء: رامي صبري.
  • ألبوم الأغنية: فارق معاك 2019.

حكاية حبنا أنا لسه بحكيها يا فرحة خدتني في الآخر لجرح كبير

ويوم البعد أول مرة أموت فيها لكن يا حبيبي من بعديها مت كتير

حكاية حبنا أنا لسه بحكيها يا فرحة خدتني في الآخر لجرح كبير

ويوم البعد أول مرة أموت فيها لكن يا حبيبي من بعديها مت كتير

بموت لحظة ما أروح لمكان فى يوم روحناه، ولما يعيدوا فيلم أنا وإنت يوم شوفناه

ولما أسمع في يوم غنوة كانت عجباك

مشاهد كل يوم قدامي أنا بتتعاد بموت من فكرة إن إحنا بقينا بعاد

وإن الحل لعذابي إن أنا أنساك

بقول اسمك تملي حبيبي في كلامي، وصوتك لسه أنا سامعه مفارقنيش

ما بتسيبنيش وبتجيلي في أحلامي حبيبي الوقت في بعادك ما بيعديش

بموت لما الشتا ييجي بليالي طوال، وجرينا فى المطر وكإننا أطفال

وكل دقيقة عشت أنا فيها يوم وياك مشاهد كل يوم قدامى أنا بتتعاد

بموت من فكرة إن إحنا بقينا بعاد، وإن الحل لعذابي إن أنا انساك.

كلمات أغنية أنا بعترفلك كاملة

  • غناء: رامي صبري.
  • ألبوم الأغنية: فارق معاك 2019.

أنا بعترفلك عجباني بعد الكلام ده هقول تاني جابني الجمال ده ووداني والضحكة دى مفيش بعديها

وكلام ما بينك وما بيني عمالة تحلوي فى عيني بعينيكي دول علقتيني والنظرة ديا بموت فيها

قوليلي يلا إيه الجمال ده كله قوليلي يلا إيه الدلال ده كله ده اللي زيك في الزمن ده قلوا

قوليلي يلا إيه الجمال ده كله قوليلي يلا إيه الدلال ده كله ده اللي زيك في الزمن ده قلوا

ليلى ليلى ليل يا عيني عيني يا ليل ليلى ليلى عينى عيني يا ليل ليلى ليلى ليل

استني خليكي معايا ده أنا سيبت كل اللي ورايا أنا فى الجمال شايفك آية، ومفيش كده فى الدنيا دى

وعليكي والله طريقة علقتي قلبي أنا في دقيقة أنا مش بجاملك دي حقيقة حتى القمر جنبك عادى

قوليلي يلا إيه الجمال ده كله قوليلي يلا إيه الدلال ده كله ده اللي زيك في الزمن ده قلوا

قوليلي يلا إيه الجمال ده كله قوليلي يلا إيه الدلال ده كله ده اللي زيك في الزمن ده قلوا.

كلمات أغنية حاول تنساني كاملة

  • غناء: رامي صبري.
  • ألبوم الأغنية: فارق معاك 2019.

ماتعاتبنيش وفر اعذارك ده اللى عملته معايا كتير، و انا ياما حاولت انساك قلبى ماريحنيش

و متسالنيش عن ايام بينا لو ايامك فيها الخير انا كنت انسى و اصفالك بس ماتنفعنيش

حاول تنسانى ماتحنش تانى انا بعد فراقك ماستنتش و عشت حياتى

حاول تنسانى ماتحنش تانى انت اللى طلبت البعد و هنت عليك في ثوانى

طبعا تلاقيك فاكر فتقولى هترجع اقولك اهلا بيك ف لاقيت انك مش فارق و مابندمش عليك

يا سلام يا سلام دلوقتى بقيت شايف ايامى دى احلى ايام ده انا لسه هتعرف قيمتى لما تشوف قدام

حاول تنسانى ماتحنش تانى انا بعد فراقك ماستنتش و عشت حياتى

حاول تنسانى ماتحنش تانى انت اللى طلبت البعد وهنت عليك في ثوانى.

كلمات أغنية أنا بابا كاملة

  • غناء: رامي صبري.
  • ألبوم الأغنية: فارق معاك 2019.

من اول تكة ما بينا قوام على غلطة اتلككتي سيبتيني و قلبك طاوعك قولتي انا ماشية و مش راجعة

و قدرتي و خدتي في وشك روحتي لا جيتي ولا سالتي

فاكراني ان انا هستنى تحني و في عنيا الدمعة يا ماما لا يا ماما لا يا ماما بطلي تعيشي في دراما

اللي قدامك رجولة و الرجولة يعني كرامة الكلام دة ع الغلابة مش عليا انا بابا

من نفسك راجعة تقولي انك غلطانة اما بعدتي عايزاني اسامحك تاني و درس و منه اتعلمتي

انا مش فاتح مدرسة ولا جامعة و اسف مش قادر الفرصة كانت في ايديكي خلاص اللي ذاكر ذاكر

يا ماما لا يا ماما لا يا ماما بطلي تعيشي في دراما اللي قدامك رجولة و الرجولة يعني كرامة

الكلام دة ع الغلابة مش عليا انا بابا.

من هو رامي صبري

رامي صبري هو مغني وملحن مصري معروف، يعتبر واحدا من أجمل وأروع الأصوات المصرية المتواجدة على الساحة الفنية فى الوقت الحالى، ولد فى محافظة “القاهرة” يوم 15 مارس عام 1978، اسمه كاملا “رامي صبري محمود محمد”، عرف عنه حبه الشديد للموسيقى منذ الصغر، وبناءا على ذلك، قرر الإنضمام إلى أكاديمية الموسيقى بالقاهرة، وتخرج منها.

متى بدأ رامي صبري مشواره الفنى

كانت أمنيته منذ السنوات الأولى من عمره أن يصبح فنانا مشهورا ومعروفا على مستوى العالم بأكمله، بدأ مشواره الفنى عن طريق الدخول إلى مجال التلحين، حيث تمكن من تلحين عدد من أغاني بعض المطربين مثل الراحل “عامر منيب”، و”شيرين عبد الوهاب وفضل شاكر”، ومع نجاح هذه الأغاني، انتشر اسمه فى الوسط الفنى.

التقى بعد ذلك بالمنتج والمخرج “طارق العريان” عام 2005، والذى أشاد بموهبته الحقيقية، وقرر أن يتعاون معه، فقام بطرح أول ألبوم غنائي كامل خاص به بعنوان “حبيبي الأولاني”، تضمن عدد عشرة أغاني كاملة، صور فيهم ثلاثة أغاني على هيئة فيديو كليب، شارك فى العديد من الحفلات الغنائية الضخمة.

كيف حصل رامي صبري على شهرته

حقق شهرة عالية وانتشارا واسعا على مستوى الشرق الأوسط عقب إصداره لألبوم بعنوان “غمضت عيني”، تم استضافته فى العديد من البرامج الغنائية المعروفة مثل برنامج “تاراتاتا ونغم وسكوت حنغني”، عرضت عليه بعض شركات الإنتاج خوض مجال التمثيل، إلا أنه رفض، وفضل الإستمرار فى مجال الغناء.

حصد بعض الجوائز منذ ظهوره على الشاشات للمرة الأولى حتى الآن مثل جائزة “الدير جيست كأفضل مطرب فى الوطن العربى لعام 2008″، أطلق أحدث ألبوم غنائي له خلال الساعات القليلة الماضية بعنوان “فارق معاك”، تضمن عدد 12 أغنية، هم “فارق معاك وقولت اللي عندي وصعبان عليا ووعجبي عليك يا زمان وبتاع بنات وووبقابل ناس وبتهتمي وهو في كده وحكاية حبنا وأنا بعترفلك وحاول تنساني وأنا بابا”.

كم عدد ألبومات رامي صبري

فى رصيده الفنى ستة ألبومات غنائية كاملة، قام بطرحهم فى الأسواق بين عامي 2006 و 2019، حققت معظمهم نسب مبيعات مذهلة على مستوى الوطن العربى، وهم:

  1. حبيبي الأولاني.
  2. غمضت عيني.
  3. وأنا معاه.
  4. أجمل ليالي عمري.
  5. الراجل.
  6. فارق معاك.

ما هي أشهر أغاني رامي صبري

أصدر باقة من الأغاني الرائعة والناجحة طوال مشواره الفنى حتى الآن، حققت معظمهم ملايين المشاهدات عبر قناته الرسمية على موقع الفيديوهات الشهير “اليوتيوب”، إليكم أشهر أغانيه على الإطلاق:

  • مبروك علينا.
  • أهد الدنيا.
  • الحكم العدل.
  • الناس بتبان فى الشدة.
  • انا بنسي نفسي.
  • خسارة عمري.
  • عايشين تتر مسلسل “الخروج”.

تفاصيل ألبوم فارق معاك

طرح النجم القدير “رامي صبري” ألبومه الجديد خلال الساعات القليلة الماضية عبر حسابه الرسمى على موقع “أي تونز” بعنوان “فارق معاك”، وهو من إنتاج وتوزيع شركة “نجوم ريكوردز”، تعاون فيه مع باقة من ألمع الشعراء والملحنين والموزعين على مستوى الشرق الأوسط مثل “أمير طعيمة وأحمد على موسى ومدين وطارق توكل”، قام بتوزيع وتلحين أربعة أغاني بنفسه.

أغاني ألبوم فارق معاك

تضمن ألبوم “فارق معاك” 12 أغنية كاملة ومتنوعة بين اللون الرومانسي والحزين، حقق من خلاله نسب نجاح عالية منذ الإعلان عنه فى الساعات الأولى، وأغانيه هي:

  • فارق معاك.
  • قولت اللي عندي.
  • صعبان عليا.
  • وعجبي عليك يا زمان.
  • بتاع بنات.
  • بقابل ناس.
  • بتهتمي.
  • هو في كده.
  • حكاية حبنا.
  • أنا بعترفلك.
  • حاول تنساني.
  • أنا بابا.

انتظروا المزيد من الألبومات الغنائية الجديدة فقط وحصريا على موقع “محتوى”، تابعونا.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *