التخطي إلى المحتوى

كلمات أغنية قطر الحياة أحمد مكى، أحمد مكى هو مغنى راب وممثل وموسيقار وكاتب مصرى كبير، ولد فى مدينة وهران بالجزائر يوم 19 من شهر يونيو 1980، والده من أصل جزائرى ووالدته من أصل مصرى، حصل على الجنسية المصرية مؤخرا، سافر إلى القاهرة وعاش فى حى الطالبية مع والدته، تعلم أصول الفن والموسيقى، وهو أخا للممثلة المصرية الكبيرة “إيناس مكى”.

حياة أحمد مكى الفنية

بدأ مشواره الفنى فى سن صغير، وشارك فى بعض الأعمال السينمائية مثل فيلم “ابن عز” بطولة الفنان الكبير الراحل “علاء ولى الدين” حيث قام فيه بدور صديقه”، ظهر فى ثانى فيلم سينمائى له بعنوان “مرجان أحمد مرجان” بطولة كلا من “عادل امام وميرفت أمين وبسمة”، كانت أول بطولة رسمية له فى فيلم بعنوان “إتش دبور”، وبعدها ظهر فى عدة أدوار آخرى مثل “لا تراجع ولا استسلام” مع “عزت أبو عوف والنجمة الشابة دنيا سمير غانم”.

قام بتأليف العديد من الأعمال الفنية والسينمائية مثل فيلم “الحاسة السابعة” بطولة “أحمد فاروق الفيشاوى” والذى لم يحصل على أى نجاحات، وكذذلك المسلسل المصرى الكوميدى “الكبير أوى” فى موسمه الأول والثانى والثالث والرابع والخامس مع “دنيا سمير غانم”، ظهر فى إخراج بعض المسلسلات المصرية كمسلسل “لحظات حرجة” عام 2007، أطلق أول أغنية راب له بعنوان “منطقتى”، نجح فى الظهور بالعديد من الشخصيات مثل شخصية “إتش دبور وحزلئوم وكابتن شحاتة وطويل العمر وبهيج والكبير والكبير جدا والكبير قوي وجوني وميشو وأميتاب بتشان وهيثم دبور وسوما العاشق وهالك هوجان.

مشوار أحمد مكى الغنائى

فى عام 2012 أعلن عن أول ألبوم راب غنائى بعنوان “أصله عربى”، من أروع أغانيه أغنية بعنوان “قطر الحياة” والتى من خلالها ناقش مشكلة الإدمان التى يتعرض لها معظم الشباب المصريين فى الوقت الحالى، وقام بتصويرها فيديو كليب، وكان هدفها الأول هى توعية الشباب من خطر المخدرات الذى يؤدى إلى الوفاه كما حدث له فى هذه الأغنية، له بعض أغانى الراب التى تم تقديمها بطريقة فكاهية كأغنية “فيسبوكى” وحصل من خلالها على نسبة نجاح وشعبية هائلة فى الوطن العربى.

كلمات أغنية قطر الحياة كاملة

  • ألبوم الأغنية: أصله عربى.
  • تاريخ الإصدار: عام 2012.

فى كل لفة عقرب ساعة عمرى بيتسرسب بيعدي الناس في الدنيا بتتغير حتى الحديد بيصدين وأنا الوحيد واقف مكاني ثابت فى ناس اختارت سكة صابت، ناس تانية اختارت سكة خابت احساس قاسى وصعب لما الناس تشوفك فاشل ابوك وامك واخواتك واصحابك شايفينك عاطل قوم يابنى اسعى وحاول، والله غلبت احاول ياما حاولت وقبل الجون ما ييجى يطلع فاول معنديش مهارة، وحتى كوسة ،وحوستى حوسه، ودوست بعد آخر البنزين بدوسه فى كل مقابلة شغلانة يتقال لى لف نفسك بشهادتك مدد جنب أى حيط وخدلك بوسه رجعت فلاش باك حسبت سنين عمرى تلاتين سنة لقيت حسبت تانى وتالت واتخضيت ببص فى المراية كام شعراية بيضة لقيت، وابويا هو اللى لسه بيصرف ع البيت بتعامل من عيلتى على انى عالة، وحالتى حالة ثقتى بنفسى راحت، النجاح بقى استحالة نفسى اهرب من نفسي و من حالتي ومن عيلتي ومن الدنيا نفسى القى دنيا تانية اهرب ليها لو حتى ثانية، وفى يوم قالهالى صاحبي واللى يدلك ع الطريق ميفيدش الصاحب غير صاحبه اسمع من الصديق قاللي فى قعدة ضرب حلوة بليل عاملينها سألته هاش؟ ضحك قالى بيسة، قولتله لل أدمنها!

قالى متخفش مش ممكن تدمن من أول شكة اقنعنى… بليل فعلا شكيتلى اول شكة مفصلى ساحت وارتاحت وروحى راحت بكلم نفسى من جوه برغى من بره ساكت همومى شبه تاهت والرؤية باهت فى باهت كل مشكلة كانت عندى فى الدنيا ماتت وتاهت عدت ساعات فى ثانية لقيت الصحبة قايمة دخلت بيتى وش الفجر عيلتى كانت نايمة

دفنت نفسى تحت الباطنية جسمى متلج نمت فى أقل من ثانية نومة واحد متبنج قطر الحياة بيعدي بسرعة سنة فى سنة فى سنة، وانا زى ما انا من لما كان عندى سنة هى هى الحياة هو هو انا انا زهقت طهقت من الحياة تقدر تقول مليت أنا صحيت وكنت رجعت تانى للواقع والعكننة عدى النهار بطىء كأنه كان شهر وسنة نفسى النهار يعدى بسرعة واضرب تانى ارجع ملك زمانى بعيد عن العالم اللى رمانى خلونى اضرب معاهم كل يوم وبتعزم خلاص دخلت السكة والطريق بيترسم فاجئنى صحبى فى يوم قلهالى فى وشى خف تعوم اجيب فلوس منين ليا وليك نضرب كل يوم شخشخ جيبك يا من اعدتنا دى تكون محروم من النهارده مفيش ضرب ببلاش مفهوم مفهوم روحت وتانى يوم فى ميعاد الضرب جسمى اتكهرب كرابيك فى ضهرى ومناخيرى سايلة وبتسرب عاوز اضرب منين اجيب فلوس منين اجيب فلوس بدأت استلف من كل اللى اعرفه وادوس، وحتى اخواتى خت منهم ياما فلوس دروس  كله كرهنى وبيهرب منى تقلت ع النفوس

خمسين جنيه فى خمسين فى مية فى مية بسرق يوماتى فلوس من البيت وكلو شك فيا نزلت بعت كل حاجة جتلى فى يوم هدية خلصت فلوسى لحد فى يوم ما جتلى فكرة هيا؟ هيا؟ دهب امى موبيل اختى لاب توب اخويا سرقتهم نزلت اهرب من البيت وقفنى ابويا
حاول يمنعنى مسكنى من ايدى جامد زقيته اتخبط فى الحيط و بصلى ازاى ابنه واذيته خد منى كل حاجة وتربس الباب غضب ساعتها طلبت اغرب حاجة ممكن تتطلب عاوز فلوس حالا يا اما هرتكب جريمة اتهمنى بالجنون وادانى كام شتيمة بيبان كل الاوض بتتفتح عيلتى بتتفرج لسه بيستوعبوا يمكن ده جد يمكن بيهرج سحبت بنت اختى تلت سنين ناحية شباك هاتوا الفلوس لارميها فجأة زاد الارتباك امى بكت بحرقة ادامى فوقت لثوانى رمتلى فلوس وبصوت عالى مشوفش وشك تانى امشى ملكش ام يا ابغض من شيطانى خدت الفلوس وجريت عارف مش راجع بيتى تانى قطر الحياة بيعدى بسرعة سنة فى سنة فى سنة، وانا زى ما انا من لما كان عندى سنة هى هى الحياة هو هو انا انا زهقت طهقت من الحياة تقدر تقول مليت أنا خسرت كل أهلى وصحابى بقيت وحيد، ومنين هجيب فلوس لازم القى طريق جديد

فجأة افتكرت جار من سنى ساكن لوحده طول عمره ابوه فى اعارة بره مصر وشهرى فلوس يبعتله شديته زى ما اتشديت انا لنفس الطريق
لقيت مصدر فلوس جديد وبيت ولقيت صديق نضرب سوا بفلوسه وفى بيته ملناش ظهور شقى سنين ابوه خلص كله فى اربع شهور، وفى ليلة بنضرب جاتله مكالمة مصدقهاش ابوه عرف ان ابنه بيسرقه واتنقل انعاش كل عصب فى جسمى اتوتر زودت الجرعة اكتر الجرعة المعتادة خلاص مبقتش تأثر شريط حياتى بيتعرض ادامى اخبر فى اخبر ضربت سم فى عروقى زودته اكتر واكتر نفسى افنى واخلص من الدنيا زى المية اتبخركمان زودت سنه جسمى كلو اتلون اصفر صاحبى اتفزع قام واتسرع مالك اصفر ليه يا جدع جسمك عرقان وبتترعش زى اللى من الحية اتلدع رغم انى غرقان فى العرق جسمى متلج موجوع وجع من خضتى جيت اصلب طولى جسمى ع الارض اترزع جسمى رافض لكل امر منى القوة اتهدت، والدنيا بتضلم تدريجى واحدة واحدة اسودت اخر لقطة فى حياتى شوفتها كانت مأساة صاحبى مرعوب وبيراقب فراقى للحياة قطر الحياة بيعدى بسرعة سنة فى سنة فى سنة، وانا زى ما انا من لما كان عندى سنة هى هى الحياة هو هو انا انا زهقت طهقت من الحياة تقدر تقول مليت أنا عمري بسرعه انتهي رجعت شريط حياتي ملقتش في حاجه عدله تتذكرلي عملتها حياتي راحت مني كلها ضيعتها ندمان عل كل لحظه غامقه في يوم انا عشتها يارب اديني فرصه تاني ارجع للحياه همشي في طريقي صح لحد اخر منتهاه دي حاجه صعبه فعلا انك تختفي م الدنيا، والناس مبتفتكركش بحاجه حلوه لوجه الله

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *