التخطي إلى المحتوى

إن الشعب المصري يحب تبادل نكت محششين مضحكة بينهم بعض البعض.. نظرًا لتميزهم بخفة الظل، بالإضافة إلى أنها تساعد على تحسين الحالة المزاجية السيئة نتيجة مرور الشخص بضغوطات في العمل أو حدوث له موقف صعب، لذلك من خلال هذا الموضوع المقدم لكم من موقع محتوى سوف نعرض نكات حديثة للسكرانين.

نكت محششين مضحكة

نكت محششين 

من أكثر النكات المضحكة هي النكات الخاصة بالمحششين.. لذلك من خلال السطور التالية سوف نعرض مجموعة نكات للمسطولين:

مرة محشش راح يعزي فسألهم مات أزاي قالوله أخد رصاصة فوق عين.. فرد عليهم ربنا ستر ومجتش جوة عينه.

اتنين محششين قاعدين مع بعض فواحد منهم قالوا أنا عايز أطلب إيد البت علا، فالتاني قاله طب أقعد أسبوع متنامش.

أشتغل محشش في المستشفى، ومن يومها وزاد عدد الوفيات في المستشفى.. ولما بصوا في الكاميرات لقوا أنه كان بيفصل عن المرضى أجهزة الإنعاش علشان يشحن موبايله.

شاهد أيضا:

في مرة كان 3 محششين في السجن قرروا أنهم يهربوا، واتفقوا أنهم يقتلوا الحارس علشان يعرفوا يهربوا.. ولما نزلوا ملقوش الحارس، فقال واحد منهم للأسف الخطة فشلت وهنستنى مرة تانية لما الحارس يكون موجود.

في مرة واحد محشش ماشي مع صاحبه المحشش فقالوا بص هناك الاتنين دول سكرانين وبيصطادوا من أرض الشارع.. قالوا سيبك منهم يا صاحبي ويلا قدف معايا.

مرة واحد محشش راح علشان يطلب إيد واحدة طويلة فطلب أهل العروسة مهر مليون جنيه.. فسألهم ليه أنتوا حسبتولي المتر بكام؟

ذات مرة كان يقود محشش العجلة واصطدم بعمود.. فقال له لماذا جئت هنا.

كان في محشش قاعد بيحاول يولع عود الكبريت ويحاول أكتر من مرة فصاحبة سأله ارميه يمكن بايظ.. فرد عليه بايظ ازاي انا لسه كنت مولعه امبارح.

سألوا محشش هتسمي ابنك أي بعد ما مراته ولدت.. فرد عليهم هسمية على اسم أبويا الله يرحمه (بابا).

ذات مرة كان يجلس محشش ليشاهد مباراة، وسمع المعلق وهو يقول فاول لصالح ميسي، فقال للجالسون معه أول مرة أعرف أن صالح هو الاسم الأول لميسي.

مرة واحد مسطول قاعد في مطعم وسأله الجرسون عايز طاولة ولا تيك أواي.. قاله حطلي من دا ودا.

أجدد دعابة محششين

أكدت الدراسات والأبحاث إن النكات تحسن من الحالة المزاجية للشخص وتمنحه طاقة إيجابية.. لذا من خلال ما يلي سنذكر نكت محششين:

  • في مرة ماشي محشش في الشارع ولقى عشرة جنيه ففي الأراض راح واخدها وحط مكانها خمستين.
  • في مرة كان ماسك المحشش مكعب تلج في إيده.. وهيتجن ويعرف الماية بتنقط منين.
  • اتنين محششين قاعدين مع بعض فواحد منهم جي يأكل فبيقول بسم الله الرحمن الرحيم فالتاني قاله ياعم أنت ناسي أنني كفار.. فرد عليه وقال أستغفر الله العظيم.. أيوة صح أنا كنت ناسي خالص.
  • مرة محشش بيقول لصاحبه عارف ليه الرمان زعلان فقاله ليه.. فرد عليه علشان كل الناس بتفرط فيه.
  • اتنين محششين ماشين في الشارع واحد بص للسما في الليل وقاله بص النجم الكبير دا فالتاني قاله يا عم دي شمس، فوقفه محشش تالت وسأله دي أي يا باشا نجم ولا شمس فرد عليهم والله يا شباب أنا مش ساكن في المنطقة مش عارف.
  • اتنين محششين قاعدين قدام مرايا.. فواحد منهم قال للتاني عيب منقومش نسلم على الناس دي.. وهما بيقوموا فقاله صاحبه التاني اقعد دول قاموا يسلموا علينا أهو.
  • سأل محشش صديقه هل تعرف لماذا يكون النمل باللون الأسود؟ فقال له لا أعرف.. فرد عليه لأن كل ست ثواني لديهم عزا.
  • اتنين صحاب محششين ماشيين مع بعض في الطريق.. فواحد منهم وقع داخل البلاعة، فراح التاني وقف عند الحنفية مستنيه يطلع.
  • ذات مرة كان يسأل محشش فتاة عن اسمها، فقالت له أسماء، فرد عليها أليس لديك اسم معين؟!
  • قرر محشش أن يقوم بكتابة قصة تاريخية عن شخصيات مهمة فكتب كان يجلس أبو جهل ويتناول السينابون في مطعم متواجد في بني قينقاع.. ثم جاءت له رسالة أثارت غضبه، وتقول بعض الكتب أنه لم يقم بتسديد ثمن الفاتورة.

نكت مضحة للمحششين

يتسم الشعب المصري بأنهم يحبون الكوميديا وخفة الدم.. وذلك الأمر يظهر على شخصيتهم المرحة، لذا من خلال ما يلي سوف نتعرف على مجموعة من أفضل النكات:

قام محشش بالاتصال على شركة الطيران وسأل موظف خدمة العملاء كم الوقت المستغرق للرحلة من القاهرة حتى الولايات المتحدة الأمريكية؟ فقال له الموظف ثانية واحد.. فرد عليه شكرًا وأغلق المكالمة.

واحد محشش دخل البيت فأمه بتقوله أنت شارب حاجة، فرد عليها يخربيت أم العصفور اللي بتحب تفضحني.

في مرة اتنين طلبة بيذاكروا مع بعض فالنور قطع فواحد منهم ولع شمعة فالتاني قاله ولع المروحة الجو حر أوي.. فقاله صاحبه أنت أهبل أنا لو شغلت المروحة الشمعة هتطفي وهنقعد في الضلمة.

اتنين محششين قاعدين مع بعض فواحد منهم قاله أنا بردان من التكيف فالتالني رد عليه وأنا عبد الرحمن من الكويت.

راح المحشش علشان يقدم على وظيفة فسأل هيقبض كام فقالوه ألف ونص وبعد سنة هتاخد 4000، فرد عليهم طب تمام هجيلكوا بعد سنة بقا.

سمع المحشش أن الجلد موضة.. قام مشي في الشارع عريان من غير هدوم خالص.

واحدة سألت محشش أعمل أي علشان أخلي حبيبي يجري ورايا زي المجنون.. فرد عليها خدي تليفونه وأجري، وهو هيجري وراكي.

واحد مسطول قاعد في الفصل كل لما المدرس يمسح السبورة يقوم يقطع الورقة اللي كتبها.

واحد مسطول صايم في رمضان، وكان جعان فاتصل على الراديو.. ولما سأله تحب تسمع أي؟ قالهم عايز اسمع آذان المغرب.

واحد محشش راكب عربية فلقى واحد راكب مركب على الأسفلت وبيقدف.. فقاله المحشش أهو اللي زيك مودي البلد في داهية ولو بعرف أعوم كنت نزلتك يا غبي في حد بيسوق كدا.

نكات حديثة للمحششين 2022

إن النكتة تتكون من قصة قصيرة جدًا، وتوضح قصة شخص تعاطي الحشيش ووقع في مواقف مضحكة، لذلك سوف نقدم من خلال التالي أحدث نكات سكرانين:

في مرة دخل حرامي على بيت محشش، فالحرامي هدده هتجيب الفلوس والدهب ولا أقتل ابنك.. بس المحشش قعد يضحك فالحرامي قتل ابنه فعلا، وبعد كدا قاله هتديني اللي أنا عاوزه ولا اقتل مراتك فضل المحشش يضحك والحرامي قعد يضحك برضو، فسأله الحرامي أنت بتضحك ليه؟ قاله فين الكاميرا يا إبراهيم نصر.

اتنين سكرانين راكبين هيلوكوبتر فواحد منهم قال للتاني يا عم الجو حر طفي المروحة.

سكران قاعد زهقان.. فقام موقف تاكسي، وقاله فاضي؟ فسواق التاكسي رد عليه قاله أيوة.. فقاله السكران طب أنزل نتمشى شوية.

واحد مسطول ماشي مع أخوه في الشارع فأخوه قاله أبويا أبويا.. فرد عليه المحشش متقلقش قوله أني أخوك.

واحد مسطول النت عنده قاطع.. فاتصل بالشركة، وبيسأله موظف خدمة العملاء بيقوله كام لمبة منورة؟ فرد عليه المحشش لمبة الحمام والصالة.

مسطول بيشتكي للدكتور أن كل يوم بيشوف لاعبين كورة في الحلم.. فقاله الدكتور طب متنامش النهاردة، قاله مينفعش يا دكتور والله؛ لأن في مباراة مهمة النهاردة.

اتنين محششين قاعدين مع بعض.. وواحد منهم بيقول للتاني تفتكر عمرو دياب وتامر حسني أخوات؟ فرد عليه التاني يا عم لا دا مجرد تشابه أسماء فقط.

أشترى مسطول عصفورين لأمه، فلاحظت أمه أن عصفور منهم يغرد والتاني لا.. فسألته هو التاني ماله صامت كدا يا بني، قالها يا ماما دا الملحن.

سأل واحد صاحبه المحشش أخواتك اسمهم أيه يا صاحبي؟.. فرد عليه كلهم اسمهم أحمد ما عدا أخويا عبد الرحمن الوحيد اللي اسمه محمد.

نكت محششين جديدة

في حالة رغبتك في شيء جديد يكسر الملل الذي تشعر به.. فإليك في السطور التالية مجموعة من نكت محششين مضحكة جدًا:

واحد مسطول فبيقول لمراته في رمضان فين السحور؟ قالتله ليه أنت صايم.. فرد عليها يعني ولا سحور ولا صيام أي هنكفر ولا أية.

مدرس رياضة سأل سكران واحد ضرب عشرة يبقى أي؟ فرد عليه يبقي راجل ابن راجل يا مستر.

اتصل واحد سكران بالبوليس وقالهم الحقوني أنا خايف في أسلحة ويجي 50 واحد ميت قدامي.. فقالوله المكان فين، فرد عليهم على قناة أم بي سي 2 يا باشا.

في مرة واحد بيسأل محشش رأيك أيه في الزواج المبكر؟ فقاله يا تري دا بيكون الساعة كام؟

واحد بيسأل محشش عن اسم شارع راح فين، فقاله المحشش والله من ساعة ما عرفت الشارع دا وهو مكانه مرحش في حتة.

سأل مسطول أخوه أعمل أي علشان أتعرف على بنات؟ قاله بص يا معلم هما بيجوا بالسياسة كدا.. فراح المسطول غمز لبنت.. وقالها تعرفي أي عن ثورة يناير يا موزة.

مرة واحد بيقول لصاحبه السكران خلي عندك أمل لبكرة.. فرد عليه المحشش لا يا باشا مينفعش، خليها عندك أنت.. أنا أبويا لو شافها هيقتلني.

واحد سأل صاحبه أي أخبار الصيام معاك؟ فرد عليه وقاله والله لولا الوضوء كان زماني ميت من العطش.

كان يرتدي المحشش جذمة واحدة باللون الأسود والأخرى باللون الأحمر.. وأثناء سيره في الشارع قابل صديقه المحشش وقال له جذمتك غاية في الروعة، فرد المحشش بكل ثقة وغرور لدي مثلهما في المنزل.

واحد سكران بيقرا صفحة الوفيات في الجرنان.. وقاعد يدعي يا رب اسمي ميبقاش موجود معاهم.

ذات مرة جاءت الشرطة لبيت شخص مسطول، وسأله الظابط هل أنت من أهل البيت؟ فرد عليه المحشش لا انا أتبع أهل قريش.

أجمل نكات للمحششين

إن كانت حالتك المزاجية سيئة فعليك قراءة النكات التي ستدخل عليك السرور والفرح، ومن أهم تلك النكات الآتي:

  • كان يمشي محشش مع والدته في السوق وعندما لم يجدها، فذهب لرجل يسأله ألم ترى سيدة وأنا أسير بجانبها؟
  • ذات مرة كان يجلس شخص محشش، ويضع شريط تسجيل فارغ فقال له صديقه المحشش عندما تنتهي من الاستماع للشريط قم بتسجيله لي.
  • واحد مسطول زعلان من حبيبته، وحب يأنب ضميرها علشان تيجي تصالحه.. فبعتلها رسالة كتب فيها أديني عملت حادثة ومت ارتحتي دلوقتي.
  • في مرة كان محشش بيشتغل في محل بيبع غرف نوم.. فجت له واحدة تخينة أووي قالتله عايزة سرير كبير ينفع فردين.. فرد عليها جبيلي موافقة الفرد التاني الأول.
  • محشش بيسأل مراته أحنا عندنا سمنة قالتله أة، فسألها طب عندنا لبن قالتله أة فيه، فسألها تالت طب عندنا تمر فردت عليه أة، فقالها لما كله موجود مش بتعمللنا برجر ليه.
  • قام المحشش يفتح التلاجة فلقى أن الجيلي بيتهز.. فقاله يا عم متخافش أنا جاي أخد ماية بس.
  • في مرة راح محشش عند محل يبيع الفراخ والبط والأرانب فقال سعر القرد بكام، فقاله الراجل ياعم دي أرانب مش قرود.. فرد عليه قاله أنت مالك أنا بسأل الأرانب.
  • حكم على واحد محشش كسلان بالدفن في حفرة.. فسأله نفسك في حاجة قبل ما تموت؟ فرد عليهم عايز أشرب مايه فقالوا طب قوم.. فقالهم وهو أنا لسه هقوم ما كدا كدا ميت ياعم اردم أسهل.
  • كان يجلس مسطول أمام التلفاز وكان يضحك.. وعندما سأله قال لهم عندما أغمض عيني يتحول التلفاز إلى راديو.
  • واحد سكران شاف نتيجته ولقى أنه سقط، فراح لأمه وقالها أنتي طول السنة بتلعبي وجاية تدعيلي آخر أسبوع.

القراء الذين اضطلعوا على هذا الموضوع قد شاهدوا أيضًا:

نكات محششين باللغة العامية

نكت محششين 

كل يوم نمر بالضغوطات سواء في الحياة المهنية أو الحياة الشخصية، ونمر بالكثير من المشاكل؛ لذلك نحتاج إلى ما يخفف علينا ذلك ويشعرنا بالسعادة، لذا سنعرض لكم مجموعة نكت جديدة للمحششين:

  • واحد محشش قال لصاحبه أنا عندي بيتين قاعد في واحد منهم والتاني احتياطي، فسأله صاحبه الاحتياطي دا ليه؟ فرد عليه علشان لو حد قالي يخربيتك فاروح اسكن في البيت التاني.
  • واحد سكران كان راكب طيارة فخبط على كتف المضيفة، وقالها هو الحمام فين؟ فردت عليه الناحية التانية.. فراح خبط على كتفها التاني وقالها الحمام فين.
  • محشش أتجوز، تاني يوم قال لأمه ينفع تخلي البنت اللي نايمة جوا تنام عندنا على طول.
  • واحد سكران صاحبه بيسأله أعمل أي علشان ابقى حريف كورة، فرد عليه السكران وقاله خد الكورة على صدرك وبعد كدا طلعها من مناخيرك براحة.
  • واحد محشش بينصح صاحبه أنه يحط الساعة في الدولاب أو الدرج لما يجي ينام فصاحبه قاله ليه.. فرد عليه علشان عقاربها متلذغكش.
  • كان في حفرة كبيرة في قرية، وكل يوم حد يقع فيها ويموت أو يلحقوه ويوده المستشفى.. فاتجمع أهل القرية علشان يلاقوا حل.. فقال لهم واحد مسطول أحنا ندفن الحفرة، ونحفر واحدة تانية جنب المستشفى، أو أننا نبني مستشفى جنب الحفرة.
  • واحد مسطول وقف واحد في الشارع وقاله أنت اتغيرت أوي يا أحمد شكلك وجسمك وعينك وكله.. فرد عليه الراجل أنا اسمي مش أحمد، فرد عليه وكمان غيرت اسمك.

أجمل دعابة للمسطولين

يتسم المصري بالحس الفكاهي وحبه لإلقاء النكات المضحكة التي تشعره بالسعادة والفرح، لذا من خلال من خلال العناصر التالية سوف نعرض نكت محشيين:

واحد محشش قاعد مع صاحبه فواحد منهم قال للتاني هنفضل فاشلين كدا؟ فرد عليه أي رأيك نذاكر مع الشيطان أصل سمعت أنه شاطر.

مرة واحد محشش راح لصاحب البقالة بيسأله عندك سكر فالراجل رد عليه أيوة، فالمحشش قاله الله يشفيك.

واحد محشش مغطي العربية وهو ماشي علشان العربية باسم أمه.

اتنين محششين راكبين تاكسي وعدوا على كمين بوليس، فالظابط قالهم بطاقتكوا فقام سواق التاكسي يفتح المحفظة فواحد من المحششين قاله لا والله المرادي عليا.. أنا اللي هدفع الحساب.

واحد مسطول قاعد يقول الحمد لله أني مش من الصين فسأله صاحبه ليه قاعد تحمد ربنا أنك مش صيني، فرد عليه أنت بتهزر يا بني أنا معرفش ولا كلمة صيني.

مرة واحد محشش أشترى عربية جديدة.. جي يركبها ملقاش الدركسيون، فاتصل على البوليس، وقالهم الحقوني الدركسيون بتاع عربيتي اتسرق.. فجه صاحبه وقاله أنت أية اللي قعدك في الكنبه اللي وراه علشان تسوق لازم تقعد قدام.

محشش قلع قميصه على الشماعة، وبعدها القميص وقع.. فقام قايل الحمد لله أني مش جوا القميص.

واحد مسطول حب يدرس في الخارج قام نط من فوق سور المدرسة.

مسطول كان بيدهن الحيطة فجة واحد تاني قاله ابقى حط جرايد تحتك، فرد عليه قاله لا مش محتاجه أنا طايل الحيطة.

نكات مصرية للمحششين

أثبتت الأبحاث أن الضحك يحمي الشخص من الأمراض النفسية.. لذلك عليك قراءة النكات من حين لآخر، ومن خلال السطور الآتية سنذكر مجموعة جميلة من نكت محششين مضحكة:

مرة مسطول ماشي في الشارع فخبط في عامود نور، قال الله يخربيت شركة المايه كان لازم تحط عمود شبكة التليفون هنا.

واحد مسطول قال أنه عايز يطور الهليكوبتر قام شال المروحة وحط مكانها تكييف.

اتنين سكرانين ماشين في الشارع فلقوا عربية إسعاف واقفه عند المخبر، فواحد منهم سأله تفتكر العربية واقفة هنا ليه؟ فرد عليه التاني أكيد في رغيف عيش اتحرق.

واحد مسطول راحل محطة الرمل فرجلة غرزت في الرملة.

محشش كان عايز يقتل مراته فراح حطلها المسدس في الأكل.

واحد بيسأل أبوه المحشش هو صحيح الحب أعمى يا بابا؟ فرد عليه الأب بص على أمك وأنت تعرف.

تلاتة مسطولين قاعدين مع بعض قرروا أن أول واحد هيعدي من قدامهم هيقطعوا رأسه ويلعبوا بيها كورة، فقابله واحد محشش زيهم ولما عرف خططهم قالهم دا انا أخرمها قبل ما تلعبوا بيها.

واحد مسطول داخل البيت في وقت متأخر وأول ما فتحتله أخته قام ضربها بالقلم وقالها جاية متأخر ليه يا صايعة.

واحد قاعد بيحشش مع مراته فجي حد خبط على الباب فقالت مراته يا لهوي جوزي! فقام جوزها نط من الشباك علشان يهرب.

واحد محشش قال لأمه اعمليلي قهوة وهشربها في الحمام.. فقالتله اشمعنا الحمام قالها علشان تبقى على الريحة.

اتنين مسطولين واحد قال للتاني تخيل أن في الصين كل 60 ثانية في عيل بيتولد.. فالتاني رد عليه قاله شايف التطور مش عندنا بيتولدوا بعد 9 شهور.

واحد مسطول ضرسه وجعه فراح لدكتور الأسنان وقاله شيل كل الضروس وخلي الضرس دا لوحده زي الكلب.

نكت محششين قصيرة

من خلال ما يلي سوف نعرض نكت محششين باللغة العربية الفصحى، وأيضًا المكتوبة باللغة العامية:

  • اتنين محششين قاعدين مع بعض فواحد منهم قال للتاني تعرف اصطاد أرنب أزاي.. فرد عليه وقاله اقف ورا الشجرة وقلد صوت الجزرة والأرانب هتجيلك.
  • ذات مرة كان محشش يسير في الشارع فوجد كنز فقال لنفسه إذًا تبقى الخريطة.
  • واحد مسطول بيسأل أخوه أنت أتولدت فين؟ فرد عليه وقاله المستشفى.. فقاله المحشش ليه مالك كنت مريض ولا أية.
  • شخص سكران سأل صديقه كم الساعة الآن؟ فقال له صديقه إنها الساعة العاشرة وعشر، فرد عليه السكران وقال ولما لا تقل أنها عشرين.
  • مرة محشش أتحرش ببنت فقالته إلهي ما تكسب.. فقالها ليه أنتي عليكي سحب ولا أية.
  • واحد مسطول بيسأل صاحبه المسطول هو النهاردة الحد ولا الأربع؟ فصاحبه قاله يا أهبل النهاردة الاتنين.. فرد عليه صاحبه يا جدع الاتنين مع بعض.
  • محشش ماشي في الشارع فداس على رجل أمه فقالته للدرجادي مشوفتنيش، فرد عليها لا أنا حاسس أني شفتك قبل كدا بس مش فاكرك.
  • واحد محشش رأى واحد من الصين فقال هذا الشخص نام كثيرًا.
  • واحد مسطول حب يعمل تجربة وبحث علمي على ضفدعة فقطع لها رجل واحدة، فقالها نطي فنطت عادي، وقطع رجليها التانية وقالها نطي فنطت، فبعد كدا قطع رجليها التالتة وقالها نطي فنطت، قام قطع رجليها الرابع وقالها نطي فمنطتش.. فكتب في الورقة أنه استنتج أن الضفدعة لما بتفقد رجليها الأربعة بتفقد حاسة السمع.
  • اتنين مسطولين قاعدين مع بعض فواحد قاله الشمس شرقت فالتاني رد عليه وقاله طب قوم جبلها ماية.
  • قال شخص محشش لصديقه المحشش بالي مشغول، فرد عليه صديقه بالطبع السماعة مرفوعة.
  • كان في واحد اسمه حنفي طول ما هو ماشي بينقط مايه.

في هذا الموضوع قد عرضنا لكم مجموعة من نكت محششين 2022 تموت من الضحك، والتي تجعلك تشعر بالسعادة فورا قراءتها، ويمكنك إرسالها للأقارب والأصدقاء أو مشاركتها على مواقع التواصل الاجتماعي، ونتمنى أن نكون قد قدمنا لكم الإفادة المرجوة.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *