التخطي إلى المحتوى

يستمتع أغلب مستخدمي التواصل الاجتماعي نكت الضفدع الأخضر كرميت 2022، والذي هو عبارة عن شخصية من برنامج أمريكي يسمى Sasame Street، ويطلق عليه اسم كرميت.. تجدر الإشارة إلى أن هذه الشخصية قد بدأت في الظهور عام 1955.

لذا من خلال موقع محتوى سنتعرف على أبرز نكات هذا الضفدع، والذي تم تقديمه باسم كامل عن طريق البرنامج المصري الشهير “افتح يا سمسم”.. والذي جسد دوره الممثل فوزي المهدي.

نكت الضفدع الأخضر

نكت الضفدع الأخضر

نكت الضفدع كرميت أصبحت شهيرة جدًا على أغلب مواقع التواصل الاجتماعي، وهذا لأن بعض الناس تقوم بوضع صورة له مع بعض الحكم، أو الأشياء الطريفة التي تجعل الناس تخرج إلى جو السعادة.. نتعرف على هذه النكت من خلال السطور التالية:

سمكة نزلت البسين عشان تعوم غرقت.

واحد رخم نزل الشارع عشان يضايق الناس، ملقاش حد يعاكسه قام واقف قدام عمود النور وقال له: “وسع السكة كدة”.

شاهد أيضا:

واحد سأل صاحبه: هتعمل إيه في الاجازة، صاحبه قال له: هنتفق أنا وصحابي على خروجة.. قال له: إيه ده انتوا بتخرجوا، قال له: لا بنتفق بس.

من حكم الضفدع خيرًا تعمل زفتًا تلقى.

سألوا مجنون: يعني إيه حب، قال لهم: ببساطة شديدة الحب مكون من حرفين، الأول “ح” ويعني حمار كذاب.. والثاني هو حرب “الباء” ويعني بقرة تصدق هذا الكذاب.

غبي حب واحدة قام متجوز أختها عشان يضمن يشوفها كل يوم.

واحد بيكلم بنت أجنبية قال لها: انتِ منين بقا، قالت له What؟ قال لها: أجدع ناس دايمًا بتبقي من وات.

رجل نام على السرير بالمقلوب، صحى لقى رجله معمصة.

راجل اشترى فرخة وملقاش حتة يحطها فيها، قام حطها في قفص صدره.

الواحد حاسس إنه مش حاسس بأي إحساس من الأحاسيس اللي كان بيحسها زمان أيام ما كان بيحس.

بقينا بنصحى بصعوبة وبنام بصعوبة، والوقت اللي بنقضيه بين الصعوبتين بقينا بنقضيه بصعوبة.

شاب بلع فوطة ريقه نشف.

لما ماما بتزعقلي بترفع صوتها على أد ما تقدر، عشان بابا ييجي يحط اللمسة الأخيرة.

واحد أول مرة ينزل القاهرة، اشتغل سواق تاكسي، بنت وقفته وركبت التاكسي.. قال لها: رايحة فين، قالت له: رايحة المهندسين.. قال لها: طب روحي بس متتأخريش.

نكت ومواقف الضفدع الأخضر

نتعرف الآن في هذه الفقرة على بعض نكت الضفدع الأخضر والمواقف المتنوعة التي حدثت له، وهذه المواقف ما هي إلا من وحي خيال المؤلفين.. وهي ما تجعل الناس يضحكون عليها، نعرض لكم تلك النكات والمواقف من خلال السطور التالية:

  • واحد شاف بنت حلوة، فقال لها: ممكن اتعرف على القمر.. البنت بصت له باحتقار وقالت له: نايل سات، الولد بسرعة طلع الموبايل وقال لها: طب ممكن التردد.
  • رجل سعودي راح مصر وأُعجب بفتاة، قام راح قال لها: شو اسمك.. قالت له: هنادي هاني، قال لها: ناديه والله ما نخاف منه.
  • صديق يقول للضفدع: الضربة اللي هتوجعلك قلبك هتكبر عقلك.. الضفدع قال له: طب مفيش حاجة تصغر مناخيري.
  • صديق سأل الضفدع: مالك؟ الضفدع قال له: هو أنا لسه هحكي قولي معلش على طول.
  • مدرس قال لطالب: حط كلمة سكر في جملة مفيدة، الطالب قال له: شربت الشاي في الصباح الباكر.. الأستاذ قال له: فين السكر، التلميذ قال: في الشاي.
  • محشش وهندي راكبين في طيارة واحدة، حدث عطل فيها والكابتن طلب إن كل واحد يفتح المظلة وينط، المحشش مات والهندي عاش.. لما سألوه ليه المحشش مات؟ الهندي قال لهم: ده راجل غريب واحنا في الجو بقوله افتح المظلة قعد يبص في السماء ويقول لي: ليه ما هو مفيش مطر.
  • سأل صديق الضفدع: هل الحب قبل الجواز أم بعده، أجاب الضفدع: هو قالك فين بالظبط.
  • سأظل أبتسم حتى يظن الحزن إن أنا معنديش دم.
  • واحد راح لبيت جدته وبيخبط عليها، قالت: مين اللي بيخبط، قال لها: أنا حفيدك.. قالت له: هتفيدني إزاي يعني مش فاهمة.
  • واحد سأل جده قال له: انت عندك كام سنة؟ جده قال له: 100.. الولد قال لجده: طب خلاص شيل الشاحن بقا Full.

فكاهة الضفدع الأخضر

نعرض لكم بعض فكاهة ونكت الضفدع الأخضر، وهذه النكت لم يقولها الضفدع في برنامج عربي أو أمريكي، وإنما هو شيء على الفيس بوك يسمى ميمز، وهو أن يأتي الشخص بصورة ويكتب عليها شيء مضحك.. من خلال النقاط التالية سنتعرف على بعض هذه النكات:

  • واحد اتجوز فتاة حولة، كل مرة ييجي يقعد معاها تفضل ساكتة، فقال لها: هو انتِ دايمًا ساكتة ليه.. قالت له: أنا مكسوفة من الناس اللي قاعدة جنبك دي.
  • رجل بيأكل الطعام بمعلقة طويلة ليه؟ عشان الدكتور قال له ابعد عن المعلقة.
  • رجل غبي ألقى هاتفه من النافذة، ولما نزل وجده مكسورًا.. قال: كيف ذلك وأنا كنت مشغله على وضع الطيران.
  • عندي مواهب مدفونة بس مش فاضي أحفر.
  • النوم هو إحساس غاوي استعباط، ييجي وقت الشغل أو الدراسة.. وبيستهبل بالليل.
  • لحد سنة 2015 كنا بندفع 6 جنيه في الغاز عشان كان قليل.. بس الحمد لله دلوقتي اكتشفنا حقول غاز كتيرة، وبقينا ندفع 160.
  • تقول الأسطورة لو عايز تعصب حد قوله أهدى.
  • صديق يقول للضفدع: ممكن ننسى اللي فات ونفتح صفحة جديدة، قال الضفدع: لا أستطيع.. صديقه: لماذا؟ الضفدع: لأنني قمت بإحراق الكتاب.
  • الضفدع مخاطبًا مديره في العمل: ممكن تصرفولنا مرتب ثاني قبل العيد، المدير: ده بدل إيه.. الضفدع: بدل ما ندعي عليكم في صلاة العيد.
  • لقد استهلكت 90% من روحك الحلوة مع ناس عايزة الحرق.
  • بمناسبة إن الجو حر جدًا، ممكن عشان تاخود أجر وثواب كبير تحط طبق مياه عشان العصافير والقطط.. وكرتونة مانجا عويسي عشان يمكن أنا كمان أعدى.
  • قعدت ساعتين بشرح لواحد صاحبي خطر الكورونا وكيفية الوقاية منها، بعد ما خلصت قام حضني وباسني وقال لي: شكرًا جدًا أنا كدة فهمت.

ميمز الضفدع الأخضر

ميمز الضفدع هي عبارة عن نكات الضفدع الأخضر موضوعة على صورة له، وهذه النكات قد تكون مواقف طريفة، أو حكم يقولها الضفدع كرميت.. وفي أغلب دول العالم تكون هذه الميمز هي الأكثر انتشارًا على حسابات الفيس بوك، ونتعرف أكثر على هذه الميمز من خلال الآتي:

يا خوفي بعد ما نوصل لمفتاح الفرج، يطلع الفرج ببصمة.

فضلت اتعامل مع كل الناس بحسن نية، لحد ما جت مدام حسنية ذات نفسها وخدتني على جنب وفهمتني غلطي.

أم الضفدع تقول له: هو انت بتشرب مخدرات، الضفدع: لا طبعًا يا ماما مين اللي قالك الكلام الغلط ده.. الأم: العصفورة اللي قالتلي، الضفدع: بتكلمي عصافير وتقوليلي أنا اللي بشرب مخدرات.

هيجوزوك هيحاولوا يقنعوك ويحبطوك ويلبسوك، خليك دايمًا جامد.. سنجل صامد عاند.

ضفدع يسأل صديقته: نفسك تروحي أنهي بلد، صديقته: استر عليا.. الضفدع: استر عليكي ازاي يعني؟ قالت له: لا هي مكتوبة كدا Australia ، الضفدع: استري انتِ عليا ومتقوليش لحد إنك تعرفيني.

قالت زوجة لزوجها: بعد ما تتعشى قوم افتح لي موبايلك، وللأسف مازال الزوج يتعشى بقاله يومين.

أمي زعلانة إني بذاكر من الصبح في نفس المادة.. أومال لو عرفت إني كل ده في الفهرس هتعمل إيه.

أمي ضربتني فضحكت، قالتلي: بتضحك ليه، قلت لها: هتلر كان ليه مقولة شهيرة أوي “إذا ضحك المنهزم أفقد المنتصر لذة الانتصار”.. قامت ضرباني تاني.

صديق يسأل الضفدع: عمرك دورت على حاجة وهي في إيدك، الضفدع: يا راجل ده أنا بقيت بقف في نص السلم بحاول أفتكر أنا كنت طالع ولا نازل.

ضفدع يسأل شخصًا: اسمك ايه؟ قام قال له: أحمد صالح مصطفى.. الضفدع: إيه ده بجد هما اتاخانقوا امتى أصلًا.

نكت الضفدع كرميت

الضفدع كرميت هو الاسم الأجنبي للضفدع الأخضر.. أما الاسم المصري فهو الضفدع كامل، ومن خلال الإنترنت تم عرض بعض النكات والمواقف على لسانه، فنعرض لكم نكت الضفدع الأخضر “كرميت” من خلال النقاط التالية:

  • اتصل الضفدع بشركة للاتصلات: ألو الشركة معايا، موظفة خدمة العملاء: أيوة يا فندم مع حضرتك إيه المشكلة.. حضرتك أنا لسه شاحن بـ 50 جنيه، ومكلمتش غير بتاع الدليفري اللي جايبلي الأكل، دلوقتي بيقولي رصيدك الآن 40 قرش، هو انتوا حاسبتوا بتاع الدليفري؟
  • في شخص كل ما بتقابله بيبقى لابس لبس معين، بيبقي الود ودك تاخده على جنب وتشرحله إن عندك غيره.
  • واحدة بتسأل الضفدع: هاي ممكن نتعرف؟ قال لها: أسف أنا مرتبط وحبيبتي مالية عينيا.. قالت له: تمام أنا أسفة، قام قال لها: بس العين التانية فاضية مفيش مشاكل.
  • يقول الضفدع لصديقه، أنا بحب المصايف والخروجات أوي، صديقه: انت بتروح فين بالظبط؟ الضفدع: لا أنا بحبهم بس.
  • في ناس من كتر ما هما كدابين، لما يقولولك صباح الخير، لازم تطلع تتأكد إن فعلًأ الشمس طالعة ولا لا.
  • الضفدع معاتبًا صديقه: يا أخي يخربيت الغربة اللي تفرق بين الحبايب والأصحاب، صديقه: أنا بقبض 10 آلاف دولار في الشهر.. يا أخي يخربيت الحبايب اللي معرفتهم سودة.
  • يوم فرحي هخلي البوفيه يبقي فيه فول وطعمية بس، عشان أعرف مين فعلًا جي عشاني.. ومين جي عشان ياكل بس.
  • واحدة بتقول لخطيبها: متضايق ليه كدا يا حبيبي؟ قال لها: حلمت بواحدة أجمل منك خدتني ومشينا.. خطيبته: متزعلش يا حبيبي ده حلم مش حقيقة، هو: ما هو ده اللي مزعلني.
  • النهاردة حلمت إني بشرب شاي، ولما قومت شربت فعلًا شاي.. بدأت أحس إن الأحلام بتتحقق.
  • إنك تبقي عارف المصايب فين وتروحلها، دي فعلًا بحد ذاتها موهبة عميقة.

حكم ومواقف الضفدع

في بعض الأحيان يحدث لهذا الضفدع بعض المواقف الطريفة، والتي في الأغلب ما يصادف هذه المواقف سوء الحظ، أو أنه يلقي علينا حكمة من حكمه.. وهذه الأشياء كلها عادة ما تقوم الناس بمشاركتها على الفيس بوك، حيث إنها تعبر كثيرًا عما بداخلهم وما يحدث لهم.. ونتعرف على حكم ومواقف ونكت الضفدع الأخضر من خلال الآتي:

  • سأل مذيع الضفدع: إيه هي وظيفة القولون؟ أجاب الضفدع: كل ما تزعل أكثر هيزعلك.
  • قال الضفدع: طريقة تحضير الإنسان العرة هي إنك تجيب إنسان عادي، تديله أكبر من حجمه.
  • سأل أحد الضفدع: عامل إيه في الرجيم؟ الضفدع: بشيل القشطة من على وش اللبن عشان متخنش لأنه كدة بيبقى منزوع الدسم.. الرجل: هايل وبعدين، الضفدع: بجيب رغيفين فينو أكل القشطة دي.
  • الضفدع: دلوقتي أنا بعتلكم الـ cv بتاعي هتردوا عليا امتى؟ الموظف: ASAP.. الضفدع: ياعم القصب حلو ولذيذ وكل حاجة بس ده ايه علاقته بالسؤال.
  • الضفدع لصديقه: أنا توقعت حياتي تكون مثيرة لما أكبر، صديقه: وبقت مثيرة؟ الضفدع: اه طبعًا بقت مثيرة للشفقة.
  • الأب يسأل الضفدع: متشيك كدة ورايح فين؟ الضفدع: رايح أعمل خير، الأب: اه افتكرت هتتسرمح مع صحابك الصيع، ما علينا إيه هو الخير.. الضفدع: هطعم مسكينة في ماكدونالز.
  • سأل صديق الضفدع: اللي متجوز على مراته وعايز يصارحها يبدأ إزاي؟ الضفدع: الشهادتين.
  • صديق الضفدع يقول له: الأطفال أحلى حاجة في الدنيا، الضفدع: انت تعرف ولاد أختي؟ الصديق: لا، الضفدع: يبقى تخرس خالص.
  • اتصل الضفدع بإحدى قنوات المسلسلات قائلًا: ألو قناة مسلسلات رمضان، أصل كنت بتفرج عادي على المسلسل وفجأة انتوا طلعتوا فاصل 3 ساعات.. أنا قلت القناة ولعت ولا حاجة.

القراء الذين اضطلعوا على هذا الموضوع قد شاهدوا أيضًا:

حكم للضفدع كرميت

نكت الضفدع الأخضر

نتعرف على أبرز حكم ونكت الضفدع الأخضر كرميت، وهذه الحكم عبارة عن عبارارت ومواقف طريفة حدثت مع هذا الضفدع، ونتعرف على هذه الحكم من خلال التالي:

  • حكمة من الضفدع: في لحظة ستصمت وتقول ما هذا الذي فعلته في حياتي، ثم ستكمل ما فعلته وكأنك لم تسأل.
  • سأل المدير الضفدع: اتأخرت النهاردة ليه عن الشغل؟ الضفدع: أصل أنا جالي ضيوف في الحلم.. والصراحة اتكسفت أقوم وأسيبهم.
  • ضفدع يسأل صديقته: تتجوزيني؟ صديقته بس احنا منعرفش بعض كويس.. الضفدع: أيوه عشان لو عرفنا بعض كويس مش هنتجوز.
  • الضفدع لصديقه: بكرة إن شاء الله لما تتخرج هتلاقي كل التعب ده راح، صديقه: يارب.. الضفدع: على الفاضي.
  • الضفدع لعمه: عمي أنا طالب إيد بنتك، العم: الصغيرة ولا الكبيرة.. الضفدع: إيه ده هو مش إيديهم أد بعض.
  • الضفدع: هو ينفع نفسي أبدل خُلقي الضيق بواحد ليكرا كدة يكون بيمط.
  • حكمة ضفدع: رجيم إيه بس أنا بقيت بجوع وأنا باكل.
  • الضفدع: كل حاجة ليها أخر إلا النكد والملل والمشاكل، عشان دول زي الباقة، بالظبط بيجددوا نفسهم تلقائي.
  • الضفدع: نحن الجيل الذي شاهد عالم الحيوان وهو صغير، وعاش فيه وهو كبير.
  • الضفدع مخاطبًا صديقه على مواقع التواصل: ممكن أتعرف بيكي، الصديقة: أنا أميرة بحجابي.. الضفدع: وأنا سعيد بقميصي.
  • بُخ قليلًا من عطر التجاهل، ستمنع أي حشرة بشرية تحاول أن تلسعك.
  • أحلى حاجة كنت في المدرسة وعملوا امتحان مفاجئ، بس أنا كنت اتصرفت صح وأول ما شفت الامتحان اتفاجئت.
  • لا تحاول أن تنشر السعادة، انشر غسيلك أولى.
  • الدنيا زي القهوجي.. إزاي؟ كل ما تلاقيني مبسوط تقول وعندك واحد مبسوط وزعله.
  • رجل يقول للضفدع: إزيك، الضفدع: الحمد لله تمام، الرجل: إيه الأخبار.. الضفدع: هو أنا ردي مقتنتعش بيه ولا إيه؟

دعابات الضفدع الأخضر

دعابات الضفدع الأخضر أصبحت مشهورة جدًا هذه الأيام، خصوصًا على مواقع التواصل الاجتماعي سواء تويتر أو الفيس بوك أو غيرها.. ومن خلال ما يلي من سطور سنتعرف على هذه الدعابات:

وأنا قاعد برسم مستقبلي بالليل، النور قطع.

فيه ناس لو ولعتلهم صوابعك العشرة شمع، هيقولوا لك: مناخيرك مش بتطلع دخان ليه؟

رجل يقول لصديقته: أنا زهقان أوي، صديقته: طب روح كلم نهى ولا شوف أي بنت من اللي بتكلمهم.. الرجل: يعني أنا سبت كل دول وجتلك ليه؟ البنت: علشان بتحبني؟ الرجل: لا طبعًا لأن كلهم ناموا.

أبو الضفدع يسأله: بتعمل ايه، الضفدع: بذاكر، الأب: والموبايل الحلو ده بيعمل ايه جنبك مش انتا بتذاكر.. الضفدع: أصلي بخاف أذاكر لوحدي.

الضفدع ممازحًا خطيبته: تعرفي أنا لو لفيت الدنيا كلها، خطيبته: أيوه، الضفدع: رجلي أكيد هتوجعني.. خطيبته: على فكرة انتا رخم، الضفدع: خلاص خلاص بهزر، تعرفي بجد لو انتي معايا؟ خطيبته: أيوة بقا هيحصل إيه لو أنا معاك؟ الضفدع: رجلك هتوجعك معايا.

الدكتور: على فكرة اللي بياكل بالليل بيتخن، الضفدع: وهي معدتي عرف منين إن احنا بالليل.

طالب يسأل صديقه: جبت كام في الامتحانات؟ صديقه: 99.9%، الطالب: إيه ده انت نسيت تسطر الورقة ولا ايه؟ صديقه: وأنت جبت كام؟ الطالب: 40%، صديقه أنت نسيت تسطر بردو؟ الطالب: لا أنا سطرت بس.

أنا لو حظي ضاع، هروح أدور عليه ولو حد سألني على شكله.. هقول لهم هو لونه أسود مخطط في أسود وفيه نقط صغيرة كدا سودة.

رجل يقول لخطيبته: أنتي فتاة أحلامي، الفتاة: ولكنني لست جميلة إلى هذه الدرجة، قال لها: نعم فأنا دائمًا ما أحلم بالكوابيس.

طرفة الضفدع كرميت

الطرفة هي عبارة عن نكتة صغيرة مبسطة، أو قصة طويلة لها مغزى، واشتهرت صور وميمز الضفدع الأخضر بتلك الطُرف، ونتعرف علي بعض القصص والمواقف من خلال الآتي:

  • خطيبة الضفدع معاتبة له: أنت بتتكلم مع بنات كتير ليه؟ الضفدع: هعرف منين يا حبيبتي إنك ست الكل، مش لازم أشوف الكل الأول.
  • واحد بيسأل صاحبه: لو معاك 5 مانجات وأختك جت عشان تاخد واحدة يتبقى معاك كام، صاحبه: 5 مانجات وجثة.
  • المشكلة مش في إن الناس بقت بوشين، المشكلة إن الوشين أنيل من بعض.
  • الوقوع في الحب ليس خيارًا بل جرجير، لأنه هيجرجرك على وشك.. وهيخليك تندم إنك وقعت من الأول.
  • سأل موظف الضفدع: ماذا ستفعل بمرتبك؟ الضفدع: هدوم للشغل، مواصلات للشغل.. أكل للشغل.
  • أوعى حد يكلمني في الحر ده، أنا دلوقتي عرفت الخليجي بيقول: إيش لونك ليه.. أنا محمص يا حبيبي وأنت.
  • مرة مدرس رياضيات خلف اتنين وقام باستنتاج الثالث.
  • مرة واحد بلع سكينة، مشاعره انجرحت.
  • مرة واحد جه يرفع قضية وقعت عليه.
  • الضفدع لصديقه: أنا زعلان منك، صديقه: اتفلق، الضفدع: احنا زعلانين منك.. الصديق: نعم؟ انتوا مين؟ الضفدع: أنت مش قولت لي اتفلق.. اتفقلت اتنين واحنا زعلانين منك.
  • الصديق مخاطبًا الضفدع: حد ياكل مكرونة بالبشاميل الفجر؟ الضفدع: فيها إيه هي بتنام بدري مثلًا.
  • الضفدع مخاطبًا صديقته: اسمك ايه، الصديقة: يارا ياسين وأنت؟ الضفدع: يا نون يا غين.
  • الضفدع: هاي ممكن نتعرف، الصديق: أنا سعيد من المغرب وأنت، الضفدع: أنا حزين من الظهر.
  • الفيتامين “ف” شاحح أوي في السوق، اللي هي ايه فيتامين ” ف”.. الفلوس.

طرائف الضفدع الأخضر

من خلال الفيس بوك استخلصنا أبرز الطرائف التي شاركها الناس للضفدع الأخضر، والتي تتميز بخفة ظلها، والفكاهة التلقائية.. ونتعرف على طرائف ونكت الضفدع الأخضر من خلال الآتي:

  • أم الضفدع تقول لابنها على الواتس: فينك كدا؟ الضفدع: مع اصحابي يا ماما.. الام: الصيع الضايعين الفاشلين؟ الضفدع مخاطبًا أصدقاؤه: ماما بتسلم عليكم يا جماعة.
  • العم مخاطبًا الضفدع: انت شغال إيه يبني؟ الضفدع: عامل يا عمي، العم: عامل إيه؟ الضفدع: الحمد لله تمام وأنت؟
  • حكمة ضفدع: في ناس كدة أول ما بتخرج من حياتك، بتحس إن كل حاجة اتحسنت، حياتك بقت أحسن والنحس بيروح.. ده حتى سرعة النت بتزيد.
  • الضفدع: أنا دخلت الامتحان ووجدت أسئلة لا أعرفها، سأكتب لها إجابة لا يعرفونها بخط لا يعلمون، وهذا تحقيقًا لمبدأين.. أولًا لأن البادئ أظلم، ثانيًا لكي لا أترك الورقة فارغة كما أمرني والداي.
  • هل تعلم أن الخميس والجمعة أحلى ساعة في الأسبوع.
  • أسمع كلامك مصدقكش، أشوف أمورك أقول برافو عليا إني مصدقتكش من الأول.
  • يوجد أناس من كثرة كدبهم سيكت الفيس بوك: “يكدب الآن”.
  • سُئل الضفدع: بتودي فلوسك فين، الضفدع: نص فلوسي رايحة على الأكل، طب والنص التاني؟ الضفدع: إيه على الشرب مبلعش يعني؟
  • لما حد يخبط عليك في الأوضة وبسالك: انت هنا؟ قوله: لا بره بس نسيت بوقي في الأوضة.

مواقف الضفدع الأخضر

مواقف الضفدع الأخضر دائمًا ما تعجب الناس، حيث إن اختيار الصورة مع اختيار الموقف.. يكون طريفًا جدًا ومضحكًا للغاية، وهذا ما يجعل شخصية الضفدع الأخضر.. أو كما يقال الضفدع كرميت شخصية مشهورة جدًا، ونتعرف على أغلب هذه المواقف من خلال السطور التالية:

  • متزعلش من المشكلة اللي أنت فيها عشان المشكلة اللي بعديها متجيش تلاقيك زعلان.
  • أوعى تظبط المنبه قبل ما تنام، لو ليك نصيب تروح الشغل بكره هتروح.
  • أنا مش محتاج امسك ايدي في المصاريف، أنا محتاج اقطعها.
  • صديق يسأل الضفدع: أنت ايه طموحاتك؟ الضفدع: اتغدى، الصديق: لا قصدي أحلامك المستقبلية.. الضفدع: أتعشى.
  • بيقولوا الجنزبيل بيخسس، ادينا حطيناه في المحشي لما نشوف.
  • احنا أه في الفلوس زيرو، بس في الصرف هيرو.
  • وهي الـ 200 جنيه بعد ما تتفك بيتقى منها ايه غير السيرة الطيبة، والسمعة الحلوة.
  • لما بحس إن حد بيلقح عليا على الفيس، بروح أعمله لايك عشان اطمنه إن التلقيح وصلني.
  • بيقولوا الجنزبيل بيخسس، ادينا حطيناه في المحشي لما نشوف.
  • احنا أه في الفلوس زيرو، بس في الصرف هيرو.
  • وهي الـ 200 جنيه بعد ما تتفك بيتبقى منها ايه غير السيرة الطيبة، والسمعة الحلوة.
  • لما بحس إن حد بيلقح عليا على الفيس، بروح أعمله لايك عشان أطمنه إن التلقيح وصلني.
  • سأل صديق الضفدع: ماذا وجدت في العزلة، الضفدع: وجدت راحة نفسية منكم ومن أشكالكم وأخباركم السودة.
  • الضفدع: ذهبت إلى مطعم فقالوا لي: مستحيل أن نطعمك، فقلت: لماذا.. قالوا: لأن من المستحيل أن تصبح أطعم من كدة.
  • سأل شخص الضفدع: نفسك تسافر فين، الضفدع: عقلي بيقولي 5 أيام في المالديف، وقلبي بيقولي 10 أيام في فرنسا.. وفلوسي بتقولي هاتلك شمامة ولم الدور أحسن.

صور للضفدع الأخضر

نعرض لكم أشكال الميمز المتاحة والمنتشرة على مواقع التواصل الاجتماعي، والتي يتم خلالها عرض طرائف ومواقف ونكت الضفدع الأخضر فيها.. ونتعرف على هذه الصور من خلال الآتي:

نكت الضفدع الأخضر

يظهر في الصورة الضفدع كرميت وهو يخاطب صديقه الذي كان يظهر في جميع الحلقات مرتديًا البدلة، وقال الضفدع لصديقه: إيه اللمة اللي هناك دي.. فأجاب صديقه: أصل مسكوا واحد مبسوط، فقال الضفدع مازحًا: يا ساتر يارب جابوه منين ده.

في الصورة الحالة النفسية التي يعيشها الناس حاليًا من حزن وضغط نفسي ومعنوي، وترمز غلى متطلبات الحياة الشاقة التي لم تجعل أحدًا سعيدًا.

نكت الضفدع الأخضر

الصورة الثانية كما هو واضح، الضفدع يخاطب صديقته ميس بيجي، هي تقول له: قولي اسم كتاب قريته حسيت إنه غير حياتك، فقال الضفدع: كتاب الفيزياء بعد ما قرأته حولت أدبي.. وهذه الميمز كانت للتوضيح والتعبير عن الشباب الذين كانوا ينوون الدخول إلى قسم العلمي في الثانوية العامة، ولكنهم عندما اصطدموا بالفيزياء أيقنوا أنهم يجب أن يحولوا إلى الأدبي.

بذلك نكون قد تعرفنا على نكت الضفدع الاخضر كرميت، وبعض المواقف والحكم له، إلى جانب عدد من الميمز التي تٌشير على مواقع التواصل الاجتماعي، كان هذا موضوعنا نرجو أن تكونوا أستفدتم مما قدمنا إليكم من معلومات.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *