التخطي إلى المحتوى

إن نكت صعايدة مضحكة تعد من أشهر النكات على الإطلاق في جمهورية مصر العربية، وأصبح يلجأ لها العديد من الأشخاص للتسلية والضحك.. والسبب وراء هذا الأمر هو أن الصعايدة يتميزون بخفة الظل والروح المرحة.

لذلك من خلال هذا الموضوع المقدم لكم من موقع محتوى سوف نتعرف على أجمل نكت صعايدة والتي ستجعلك تضحك من قلبك.

نكت صعايدة

في حالة رغبتك في معرفة نكت جميلة للصعايدة جديدة لعام 2020.. إليك في السطور التالية مجموعة من أفضل النكات:

  • ذات يوم استيقظت امرأة من نومها فجأة فسألها زوجها الصعيدي ما الذي حدث يا عزيزتي.. فقالت له لقد حلمت بأنني أصبحت أرملة فرد عليها لا تقولي هذا إن شاء الله يحدث لي وليس لكِ.
  • راح واحد صعيدي يشارك في الحرب فأخد طلقة تحت باطه فمات من كتر الضحك.
  • مرة صعيدي غبي بيحدف لصاحبه القنبلة وصاحبه يحدفهاله فواحد تالت قالهم أنتو أغبية ولما تفرقع.. رد عليه الصعيدي قاله متقلقش معايا منها تاني.
  • مرة واحد صعيدي سافر السعودية أول ما وصل المطار سألوه أيه رأيك في فهد.. فرد عليهم وقالهم دا حيوان سريع اووي، فالحكومة مسكته وأتسجن عشر سنين، ولما خرج من السجن قرر يرجع بلده وأول ما وصل سألوا أي رأيك في مبارك فرد عليهم والله أنا بطلت أجيب سيرة أي حيوان.
  • ذهب رجل صعيدي إلى فرنسا من أجل عمل سائق سيارة أجرة.. ركبت معه فتاة شابة ترتدي ملابس فاضحة، فظل هذا الرجل ينظر لها كثيرًا.. فسألته هذه الفتاة هل هذه أول مرة ترى فتاة جميلة ومرتديه ملابس قصيرة، فرد عليها لدي فضول في معرفة من أين ستخرجين الأموال.
  • واحد صعيدي ارتبط جديد فسألته البنت انت كنت مرتبط ببنات قبل ما تعرفني فرد عليها أمال كنت بصلي في الجامع.
  • صعيدي قاعد مع صاحبه.. فصاحبه قاله لازم تتوقع أي حاجة في الدنيا دي، فالصعيدي ضربه بالقلم قاله وأنت توقعت بقا القلم دا.
  • واحد صعيدي جوز بنته.. وبعد شهرين بعتله جوز بنته رسالة مكتوب فيها “المنتج الخاص به لا يتناسب مع احتياجاتي الشخصية” فرد عليه الصعيدي قاله انتهت فترة ضمان المنتج خلاص والشركة غير مسؤولة عن سوء الاستخدام.

لا يفوتك أيضًا: نكت مصرية مضحكة

أجمل نكات صعايدة

يمكنك إلقاء نكت صعايدة عند جلوسك مع أصدقائك وأيضًا في التجمعات العائلية، حيث ستضيف جو من البهجة والمرح بالتأكيد.. لذلك من خلال ما يلي سوف نذكر بعض من هذه النكات الأجمل على الإطلاق:

شاهد أيضا:
  • واحد صعيدي غبي اشتغل في مستشفي فاكتشفوا زيادة عدد الوفيات ولما بصوا في الكاميرات لقوا أن الصعيدي بيشيل أجهزة الأوكسجين من الكهرباء عشان يشحن تليفونه.
  • مرة صعيدي دخل الجيش وكان اسمه ثابت، فالضابط في الطابور الصباحي قال ثابت فرد عليه الصعيدي قاله ايوة يا فندم، فقاله مش أنت أنا أقصد أثبتوا مكانكوا، وفي يوم الوزير جي فالضابط أدى الصعيدي إجازة ولما الوزير جه وقال ثابت فكل الصعايدة ردوا وقالوا مش هنا يا فندم هو واخد إجازة.
  • مرة واحدة بتقول لجوزها الصعيدي في رقم غريب بيرن عليا قالها البسي الطرحة بسرعة قبل ما تردي عليه.
  • واحد صعيدي راح مع مراته البحر فقالتله البحر حلو اووي، فرد عليها قالها طبعًا عاجبك عشان فيه رجالة عريانه يا قليلة الرباية.
  • ذات يوم كان يقوم رجل صعيدي بتجربة اشعال عود من الكبريت فقال له صديقه يمكن أن يكون هذا العود تالف.. فرد عليه الصعيدي لا يمكن فقد كان يعمل منذ قليل.
  • مرة واحد صعيدي ماشي بعربية محملة حمير فوقفه ضابط وسأله رايح بيهم فين.. فرد عليه الصعيدي هقدملهم في كلية الشرطة عشان يبقوا زيك كدا.
  • صعيدي غبي بيقول لمراته لو كنتي في الهند أكيد كانوا عبدوكي، فردت عليه وهي مبتسمة عشان أنا القمر فقالها لا عشان أنتي بقرة.
  • واحدة صعيدية سألت جوزها وهو جي من عند الدكتور قالتله كتبلك دوا.. فرد عليها لا كتبلي واحد بيبسي وواحدة بيتزا.
  • ولد بيسأل أبوه الصعيدي هي الحمير بتتجوز فرد عليه وقاله مفيش غيرهم اللي بيتجوزوا اليومين دول.

أجدد دعابة عن الصعايدة

من خلال السطور التالية سوف نعرض نكت حديثة عن الصعايدة.. التي اشتهرت بشكل كبير على مواقع التواصل الاجتماعي بغرض الضحك والتسلية:

  • ذات يوم توفى رجل فظل يفكر أخيه الصعيدي في كيف يخبر زوجته بهذا الأمر، فقال لها لقد تزوج زوجك امرأة أخرى، فردت عليه أدعو الله أن أراه جثة هامدة، فنادى الصعيدي بصوت عالي أدخلوا بيه البيت يا رجالة.
  • مرة واحد صعيدي شاف بنت رفيعة لابسة عباية قالها مضيقة العباية من الوسط اووي شكلك عامل زي حزمة البقدونس.
  • رجل صعيدي بخيل أعطى زوجته تفاحة وبعد قليل طلبت منه واحدة أخرى فقال لها جميعهم يمتلكون نفس الطعم.
  • واحد صعيدي قاعد بيتفرج على فيديو وبيقول أهرب يا غبي فمراته قالتله بتتفرج على فيلم أكشن، فرد عليها لا على فيديو فرحنا.
  • واحد بيسأل مراته أنتِ وديتي اللي كان في البرطمان فين، فقالتله أكلته.. فرد عليها يالهوي أكلتي الخنفسة.
  • سأل رجل شخص آخر صعيدي كيف أذهب للمستشفى سريعًا، فرد عليه الصعيدي قف في منتصف الطريق وستذهب سريعًا لها.. لا تقلق بدون أي مجهود.
  • واحد صعيدي اتصل بخطيبته قالها لما أزمرلك انزليلي فقالتله أي ده مبروك جبت عربية.. فرد عليها لا يا هبلة جبت زمارة.
  • واحد صعيدي قال لمراته عارفة أيه أحلى حاجة في الأحلام فردت عليه قالته أيه، قالها إن مفيش فواصل إعلانية خالص.
  • طالب صعيدي سأله المعلم هل الثعلب يلد أم يبيض؟ فرد عليه الطالب أن الثعلب مكار فنتوقع منه كل شيء يا معلمي.
  • واحد ربط حبل في السطح ولما نط من فوق رأسه خبطت في الأرض، ولما الشرطة حققت اكتشفت أن الشخص اللي نط راح لواحد صعيدي يشتري الحبل، فالصعيدي حب يكرمه وزودله خمسة متر.

نكت صعايدة جديدة

إذا كنت تريد الاطلاع على أجمل النكات من أجل مشاركتها مع الأصدقاء على السوشيال ميديا.. ففي النقاط التالية مجموعة متميزة من النكات:

  • مرة واحد بيقول لصاحبه الصعيدي تخيل كدا تصحى تلاقي نفسك ميت فرد عليه وقاله يااا دا أنا كنت اتشليت فيها.
  • واحد صعيدي غبي حبيبته بتسأله هتفضل تحبني كدا بعد الجواز؟.. فرد عليها طبعا يا حبيبتي لو جوزك موافق.
  • عيل صعيدي بياكلوه بإيده الشمال فأمه قالتله كدا الشيطان بياكل معاك.. فقام الولد تاني يوم حط سم في إيده الشمال.
  • واحد صعيدي راح الحج فلقوه قاعد في أوضة الستات ولما سألوه قاعد ليه هنا فرد عليهم قال أصل أنا بحج عن أمي مش ليا.
  • ذات يوم دخل رجل صعيدي الحمام وترك الباب مفتوح وعندما سألته زوجته فقال لها حتى لا ينظر عليه أحد من الثقب الموجود في الباب.
  • واحد صعيدي غبي عزم خطيبته في كافية وأول ما الجرسون حط كوباية القهوة قالها اشربي بسرعة ولما سألته ليه.. رد عليها قالها أنتي عامية ولا أي بيقولك القهوة الساخنة بـ 15 والقهوة الباردة بـ 25.
  • رجل صعيدي جاء له صندوق مليء بقطع الشوكولاتة من صديقه المسافر خارج البلاد.. بعد مرور أسبوعين أتصل الصعيدي على صديقه وقال له الصابون الذي أرسلته لا ينظف الملابس جيدًا.
  • واحد صعيدي راح لمطعم قالهم عندكوا حلقات بصل فرد عليه الجرسون قاله أه.. فقاله الصعيدي طب أنا عايز الحلقة الأخيرة.
  • واحد صعيدي عنده عربية قديمة راح راكنها عند بيت مهجور.. عشان تبقى عربية شبح.
  • رجل صعيدي يجلس مع أصدقاءه فأحدً منهم قال له البلاد الأوروبية متقدمة في العلم فقد ذهبت الولايات الأمريكية المتحدة إلى القمر قبلنا، فرد عليهم الصعيدي لا بد أن نذهب نحن للشمس قبلهم، فقال له أحد الجالسين ولكننا سنحترق.. فقال الصعيدي لا تقلقوا سوف نذهب في الليل.

نكات للصعايدة جامدة

في الفقرة التالية سوف نعرض النكت المأخوذة من الصعايدة.. الذين يتميزون بخفة الدم والتي تجعلك تضحك بالتأكيد:

  • صعيدي كان عايز ينتحر فسأله واحد أيه السبب فقاله عشان أنا واحد غبي، فالراجل قاله خلاص هسألك سؤال لو جاوبت صح يبقى أنت مش غبي.. فقاله أي الحاجة اللي ممكن نقليها وممكن نسلقها، فرد عليه قاله البيضة.

سأله الراجل سؤال تاني أيه الحاجة اللي ليها أربع أرجل وبتنونو فرد عليه الصعيدي البيضة، فالراجل انتحر.

  • اتنين صعايدة واحد منهم قال لصاحبه لو قولت أيه اللي في الكيس الأسود دا هديك منه سمكة.. فرد عليه الصعيدي معروفة أكيد بحر.
  • طالب صعيدي قال لأبيه أريد أن أدرس في الخارج.. فرد عليه والده لا يوجد مشكلة يا بني فسوف أساعدك في نقل مكتبك لغرفة الصالون.
  • واحد صعيدي جاتله رسالة ضحكته فاتصل على صاحبه وقاله ابعت النكتة دي تاني.
  • طلب معلم من الطلاب كتابة موضوع تعبير عن مباراة كرة القدم.. كان جميع الطلاب يكتبون ما عدا طالب واحد صعيدي وعندما سأله المعلم فقال له لقد تأجلت المباراة نظرًا لسوء الأحوال الجوية.
  • مرة واحدة بتقول لأبنها الصعيدي شوف صينية البطاطس وشها أحمر في الفرن ولالا.. فرد عليها أبنها ليه هو الفرن بيقولها كلام يكسفها ولا أيه.
  • اتنين صعايدة واحد قال لصاحبه عارف ليه الخشب يتيم.. فصاحبه قاله ليه.. فرد عليه عشان مقطوع من شجرة.
  • واحد صعيدي سافر فرنسا مع صاحبه.. فصاحبه سرق أربع شوكولاتات من السوبر ماركت وحطهم في جيبه.. فصاحبه قاله شفت أنا سرقت بسهولة أزاي ومحدش شافني تعرف تعمل زيي فالصعيدي قاله طبعا.. فراح عند صاحب السوبر ماركت، وقاله هاتلي 4 شوكولاتات وبعد ما أكلهم قاله افتح جيب صاحبي هتلاقيهم.

نكت مضحكة للصعايدة

إن النكات المضحكة تكون السبب في نشر الابتسامة والضحك لذلك يمكنك الاستعانة بالنكات الموجودة في السطور التالية من أجل إلقاءها على صديقك الحزين:

  • مرة واحد صعيدي سأل صاحبه عارف ليه اختاروا شكل تعبان لشعار الصيدلية؟ فصاحبه قاله لا معرفش فرد عليه الصعيدي عشان كل اللي بيروحوها تعبانين.
  • واحد صعيدي عرف من نشرة الأخبار إن في عاصفة جاية على أسيوط.. تاني يوم صحى وكتب يافطة هنا سوهاج وليس أسيوط.
  • مرة اتنين صعايدة راحوا للحلاق.. واحد منهم حلق لكن الصعيدي التاني خاتم.
  • واحد صعيدي قال لصاحبه هسألك سؤال فصاحبه رد عليه وقاله اسأل.. فالصعيدي قاله عارف ليه السمكة بتخاف أوي من شركة الاتصالات؟ فصاحبه قاله لا فرد عليه عشان هي أقوى شبكة في مصر.
  • واحد صعيدي عرف أن أبنه مسافر لإسكندرية فقاله أوعي تروح محطة الرمل ياولدي.. فأبنه قاله ليه يا بوي.. فرد عليه الراجل الصعيدي عشان رجلك متغرسش يا ولدي.
  • واحد بيسأل راجل صعيدي تعرف هو محل البقالة فاتح فرد عليه الصعيدي قاله لا غامق.
  • رجل صعيدي يقول لزوجته السيدات تنسى جميع الخلافات بمجرد سماعها لكلمات جميلة.. فقالت له زوجته والرجال أيضًا عند سماعهم لكلمات لطيفة من أي امرأة ينسون زوجاتهم.
  • واحد بيسأل صاحبه الصعيدي أنت ليه أخدت معلقة وأنت رايح عند خطيبتك فرد عليه الصعيدي عشان أحرك مشاعرها.
  • واحد صعيدي قال لأبنه هختبرك في مادة الجغرافيا فقاله قول يا بويا، فسأله الصعيدي وقاله عارف ليه اليابان معروفة بالقسوة؟ فرد عليه الولد قاله لا.. فالصعيدي قاله عشان هي موجودة في قارة آسيا.
  • واحدة ست صعيدية كبيرة في السن الباب خبط عليها فقالت مين.. رد اللي بيخبط قالها أنا حفيدك فقالتله وأنت هتفيدني في أيه بقا إن شاء الله.

نكات صعايدة محشيين قصيرة

بالتأكيد لا ننسى نكات الصعايدة السكرانين التي تجعلك تضحك بشدة بمجرد قراءتها.. ويمكنك إرسالها لأحد أصدقائك أو نشرها على مواقع التواصل الاجتماعي، ومن هذه النكات ما يلي:

  • اتنين محششين صعايدة قاعدين مع بعض فواحد منهم قال للتاني أنا حلمت أني مسافر فالتاني قاله وأنا حلمت أني أتجوزت.. فالأول رد على التاني معزمتنيش ليه يا صاحبي، فالتاني قاله ما أنا عارف أنك سافر.
  • رجل صعيدي يقول لأبنه لقد قالت لي العصفورة بأنك تشرب الحشيش فرد عليه ابنه أنت تتكلم مع العصافير وتقول لي أنني اشرب حشيش.
  • واحد صعيدي سكران كان عايز ينتحر من الدور الـ 10 راح ينط من الدور الخامس مرتين.
  • تلاتة صعايدة محششين واقفين فوق السطح ففكروا أن تحت العمارة بحر فواحد منهم نط فاتكسر ولما الناس اتجمعت فقالهم واحد من المحشيين هو بيعرف يعوم كويس متقلقوش يا جماعة.
  • مرة اتنين صعايدة محشيين ماشيين في طريق.. واحد منهم خبطته عربية فالتاني قال لصاحب العربية اخبطه تاني لسه فيه الروح.
  • واحد صعيدي محشش أكل تفاحة لقى طعمها وحش فراح مطفي النور عشان يأكل تفاحة تانية.
  • مذيع بيسأل واحد صعيدي محشش قاله أي هي أساسيات الحب فرد عليه الصعيدي حرف الباء والحاء.
  • واحد صعيدي محشش راح الجامعة وفضل يكتب ورا الدكتور وكل لما الدكتور يمسح السبورة يقوم قاطع الورقة اللي كتبها.
  • اتنين صعايدة سكرانين واحد بيسألهم أي رأيكوا في المخطط الصهيوني فرد عليه واحد من الصعايدة وقاله سمعت أنه حلو وبفكر أقدم على شقة لابني هناك.
  • رجل صعيدي سكران رأى فتاة جميلة فقال لها ما اسمك فردت عليه وقالت نايل سات فسألها قولي لي التردد سريعًا؟

لا يفوتك أيضًا: نكت الخليل كوميدي وحمادة سلطان

نكت متنوعة للصعايدة

نكت صعايدة

إذا كنت تشعر بحالة نفسية سيئة وتريد قراءة العبارات المضحكة عن الصعايدة التي ترسم الابتسامة على الوجه.. فإليك فيما يلي مجموعة متميزة من نكت صعايدة:

  • واحد صعيدي قال لأبنه عارف ليه النمر بيجري ورا العربية فأبنه قاله لا معرفش فرد عليه الصعيدي وقاله علشان يعاكس نمرة العربية.
  • صعيدي أسمه أندرو دخل كلية حاسبات ومعلومات فسمى نفسه أندرويد.
  • واحد صعيدي جاهل سأله صاحبه بتحب السوشيال ميديا وبتعرف تبعت ملصقات في الشات فرد عليه الصعيدي وقاله طبعًا دا أنا حتى بقيت اشرب شات بلبن.
  • يوما ما قام رجل صعيدي برمي زوجته من الدور الثالث وبعد قليل جاءت له وقالت ألم تكف عن هذه الحركات يا عزيزي؟
  • لقوا واحد صعيدي داخل الحمام وفي أيده كوباية قهوة ولما سألوه ليه داخل بالكوباية الحمام فقالهم علشان تبقى على الريحة.
  • ولد بيسأل أبوه الصعيدي بيقوله سمعت أنهم بيقولوا إن الحب اعمى يا بابا هو دا صحيح، فرد عليه الصعيدي شوف أمك عاملة ازاي وأنت تعرف يا ولدي.
  • واحد صعيدي راح يتقدم لبنت فأبوها قاله المهر نص مليون فرد عليه الصعيدي لييه هي بتطل على البحر.
  • واحدة بتقول لجوزها الصعيدي لما بصيت في المرايا لقيت إني قمر اربعتاشر.. تفتكر أنا كدا متكبرة فرد عليها وقالها لا أنتي كدا عامية يا حبيبتي.
  • ذات يوم ذهبت امرأة صعيدية من أجل شراء حذاء.. فقامت بإمساك حذاء وقامت بضرب أبنتها به فبكت الطفلة فقالت المرأة هذا مناسب كم ثمنه؟
  • واحد بيسأل صاحبه الصعيدي عن أبوه المتوفي فرد عليه الصعيدي زي الفل لسه في نفس التربة.
  • مدرس بيسأل طالب صعيدي واحد ضرب سبعة يساوي أيه؟ رد عليه الطالب يساوي راجل شهم يا مستر.

نكت حديثة عن الصعايدة

إن نكت الصعايدة هناك من يراها مضحكة جدًا وفي كل مرة يقرأها يضحك عليها والبعض الآخر يراها سخيفة وغير مضحكة، وإليكم في السطور التالية أجمل نكات عن الصعايدة:

  • واحد صعيدي لسه جايب تليفون جديد قعد على الكرسي افتكر أن التليفون في الجيب اللي وراء ولما سمع صوت كسر قال يا رب يبقى ضهري مش التليفون.
  • يوما ما سأل معلم طالب صعيدي فقال له من أين يأتي الشاي يا محمد؟ فرد عليه الطالب من أحد الجيران يا معلمي.
  • واحد صعيدي بيشتغل مهندس قرر يسيب الشغل راح للمدير وقاله أنا مستطيل.
  • مرة واحد صعيدي محشش راح عزا فسألهم هو مات أزاي فقالوا أخد رصاصة فوق عينه فرد عليهم الصعيدي الحمد لله أنها مجتش في عينه كان هيبقى أعمى.
  • صعيدي مسك دبانة وفضل يزن في ودانها ويقولها شفتي بتضايق إزاي.
  • واحد صعيدي سكران بيسأل صاحبه هو ليه بيرموا المسامير في الماية فرد عليه صاحبه عشان تبقي ماية معدنية يا غبي.
  • ذات مرة قام رجل صعيدي بشراء تذكرتين للقطار وعندما سأله أحد الركاب لماذا قمت بشراء تذكرتين فقال له الصعيدي عندما أفقد واحدة يكون لدي واحدة أخرى.
  • واحد صعيدي محشش كل ما صاحبه يحط الفلافل في الزيت يقعد يقوله تش.
  • صعيدي قال لصاحبه هقولك نكتة فصاحبه رد عليه وقاله قول.. فقال الصعيدي مرة قطعة أتقدم ليها عمود نور رفضته بحجة أنه أتولد في الشارع.
  • ذات مرة قام رجل صعيدي بفتح باب السيارة لزوجته فقالت له لقد أصبحت رومانسي يا عزيزي فقال لها لا بل أن باب السيارة لا يتم فتحه إلا من الخارج يا حبيبتي.
  • واحد صعيدي بيسأل شيخ هو ينفع أصلي من غير وضوء يا شيخنا فرد عليه الشيخ أكيد لا طبعًا فقاله الصعيدي أنا جربت أمبارح ونفعت عادي.

نكات للصعايدة مكتوبة

من خلال ما يلي سوف نعرض نكات صعايدة جديدة والتي تضيف جو من البهجة والمرح وخاصة عند إلقاءها في التجمعات العائلية:

  • ناس قاله لواحد صعيدي الحق مراتك بتخونك مع صاحبك في البستان فالصعيدي جرى وبعد شوية رجع قالهم دي قاعدة تحت شجرتين مش في بستان والراجل اللي معاها دا مش صاحبي أساسًا.
  • واحد صعيدي اتخانق مع أبوه فقرر يسيب البيت ولما سأله أبوه رايح فين مردش عليه.. وبعد ما طلع وقف تاكسي فالسواق سأله على فين فرد عليه الصعيدي قاله يعني أنا مردتش على أبويا وهقولك أنت أنا رايح فين.
  • واحد صعيدي سافر ألمانيا فحب يشرب ماية فمعرفش يقفل الحنفية الأتوماتيك فسابها ورجع على مصر.. وأبوه سأله ألمانيا عاملة أي يا ولدي قاله أسكت يا بوي زمانها غرقت دلوقتي.
  • مرة واحد صعيدي غبي راح المستشفى يعمل إشاعة لأول مرة في حياته، فسأل حد وقاله أدخل الاسانسير واضغط على رقم 3 ولما دخل الأسانسير فكر أن دا جهاز الإشاعة فقلع هدومه ولما الممرضة شافته عريان صرخت فقالها أي عندي سرطان.
  • جلس رجل صعيدي يلعب دومينو مع الحمار فقال له صاحبه تلعب مع الحمار يا حمدان فقال له الصعيدي لقد فاز للمرة العشرين حتى الآن.
  • صعيدي غبي راح حديقة الحيوانات فدخل راسه في قفص الأسد يتفرج عليه فالحارس قاله بتعمل أيه يا غبي، فرد عليه الصعيدي أي يا عم بتفرج عليه هو أنا هاكله.
  • طفلين صغيرين صعايدة ماشيين في الشارع فشافوا قطة واحد منهم قال للتاني هاخد القطة أربيها فالتاني قاله متنساش تغسلها الأول عشان الجراثيم، وتاني يوم جه الأول لصحابه يقوله منك لله القطة ماتت فالتاني قاله وأنت بتغسلها فرد عليه لا وأنا بعصرها ماتت.

نكت قصيرة للصعايدة مضحكة

هناك العديد من النكات القصيرة التي يمكنك إلقاءها أو إرسالها كرسالة لأصدقائك من أجل الفكاهة والتسلية، ومن أبرز نكت صعايدة القصيرة ما يلي:

  • واحد صعيدي قرر يسمي أبنه بابا على اسم أبوه.
  • اتنين صعايدة صحاب كانوا بيلعبوا شطرنج، فالملك مات مشلول.
  • واحد صعيدي غبي فكر في أنه يموت سمكة فقام حاططها في الماية عشان تموت غرقانة.
  • صعيدي دفن كنز تحت الأرض وحط يافطة مكتوب عليها “لا يوجد هنا كنز”، وبعد أسبوع رجع لقى يافطة تانية مكتوب عليها أحمد ماخدش الكنز.
  • صعيدي راح يحضر حفلة تنكرية فراح لبس وش سلندر.
  • يومًا ما ذهب رجل صعيدي لرأس الطريق فوجده أصلع.
  • واحد صعيدي متجوز واحدة قصيرة أوي كل ما يتخانقوا يحطها على التلاجة عشان يعاقبها.
  • مرة واحد صعيدي خلقه ضاق فاداه لأخوه الصغير.
  • رجل صعيدي أعجب بفتاة فذهب من أجل الزواج من أخت هذه الفتاة من أجل أن يراها كل يوم.
  • واحد صعيدي غبي ركب تاكسي مع مراته خلاها تقعد في الكرسي اللي جمب السواق عشان السواق ميشوفهاش في المراية.
  • عارفين الورقة اللي جوا جزم الصعايدة مكتوب عليها أي “قم بإدخال الأصابع في البداية”.
  • واحد صعيدي بيسأل بنت اسمك أي قالتله أسمي روز، فرد عليها قالها أنا أسمي عدس.
  • مرة واحد صعيدي راح اشترى جهاز كمبيوتر فقرر يشيل الماوس وميستخدمهاش ويستخدم بداله الجاموسة.
  • واحد صعيدي قعد على الشاي بدل ما يروح يقعد على القهوة.
  • صعيدي قال لصاحبه هقولك نكتة، فصاحبه قاله قول فالصعيدي قاله مرة اتنين قابلوا واحد بقوا تلاتة.
  • واحد بيسأل مراته الصعيدية قالها الغسيل اتنشر فردت عليه لا 14.
  • واحد سأل صعيدي عارف أي الفرق بين الكمبيوتر والحفرة، فقاله لا فرد عليه الراجل وقاله الكمبيوتر هو حاسب آلي ولكن الحفرة حاسب لتقع فيها.

لا يفوتك أيضًا: نكت بايخة وسخيفة مضحكة جدا

في هذا الموضوع قد عرضنا لكم نكت صعايدة مضحكة قصيرة والتي يحتاج إليها بعض الأشخاص من أجل إلقاءها عند التجمع مع الأصدقاء.. فهي تضيف جو من البهجة والمرح، حيث إن نكت الصعايدة تتميز بأنها مضحكة جدًا سواء كانت قديمة أو جديدة، ونتمنى أن نكون قد قدمنا لكم الإفادة المرجوة.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *