التخطي إلى المحتوى

كلمات ألبوم سهران عمرو دياب نقدمها لكم مكتوب وكامل عبر موقع muhtwa.com، يبحث الكثير من مختلف أنحاء الدول العربية عن كلمات البوم سهران 2020 الذي طرحه الفنان المصري الكبير عمرو دياب خلال الساعات القليلة الماضية، وهو ما سنقدمه لكم في السطور التالية، ونتمنى أن ينال إعجابكم.

كلمات البوم سهران كامل

طرح الفنان العظيم عمرو دياب آخر ألبوم له حتى الآن خلال الساعات القليلة الماضية عبر حساباته الرسمية والشخصية على مواقع التواصل الإجتماعي.

تضمن عدد 16 أغنية كاملة، هم “سهران، جامدة بس، جميلة، مبقاش يناسبك، روح، بالضحكة دي، مكانك في قلبي، زي ما أنتي، حلوة البدايات، يا روقانك، هيعيش يفتكرني، عم الطبيب، أول يوم فى البعد، يوم تلات، قدام مرايتها، بحبه”، وسوف ننشر لكم كلمات الألبوم كاملا في الفقرة التالية.

كلمات أغنية سهران كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: تامر حسين.
  • ألحان الأغنية: عزيز الشافعي.
  • توزيع الأغنية: طارق مدكور.

وأنا قاعد سهران سهران في مكان مع ناس حلوة

دخلت واحدة عملت قلبان كلنا قومنا قولنا مين الحلوة

وأنا قاعد سهران سهران في مكان مع ناس حلوة

دخلت واحدة عملت قلبان كلنا قومنا قولنا مين الحلوة

من لون الفستان للكحل المرسوم على العين

قلبتها جنان ياه دي جايبه جمالها منين

بتقول عيونها يا ارض اتهدي ما عليكي قدي، ودي تنفع غنوه

وأنا قاعد سهران

انا قاعد بنهار وبقول يانهار

علي حلاوتها علي بصتها

جت حلتلي اليوم ولا يمكن اقوم

دة انا حبيتها .. انا حبيتها

طب وانا اجيبها ازاي

دة انا رايح جاي

وانا بشاغلها واخدت بالها

تلات اربع مرات تبعت نظرات

وابتسمتلي وضحكتلها

من لون الفستان

للكحل المرسوم على العين

قلبتها جنان

ياه دي جايبه جمالها منين

بتقول عيونها ياارض اتهدي ما عليكي قدي

ودي تنفع غنوه

وأنا قاعد سهران

ايه ده بتقول باباي لاء تمشي ازاي

واحنا لحقنا احنا لحقنا

واستني عشان مين كلنا قايمين

واتعلقنا اتعلقنا

كلمات اغنية جامدة بس كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: تامر حسين.
  • ألحان الأغنية: عمرو مصطفى.
  • توزيع الأغنية: نادر حمدي.

حكولي عنها كتير قالو جمالها خيال، واما قابلتها خير

دي حاجة ولا عالبال لا دي جامدة جامدة جامدة بس

ايه دة كله اهدي اهدي ليه لا دي جامدة جامدة جامدة بس

بص شوف ياقلبي عامله ايه لا دي جامدة جامدة جامدة بس

ايه دة كله اهدي اهدي ليه لا دي جامدة جامدة جامدة بس

بص شوف ياقلبي عامله ايه شوفت كتير وقليل بس دي بالتحديد

عندها كدة تفاصيل خللت ناري تقيد

لا دي جامدة جامدة جامدة بس ايه دة كله ايه ده اهدي ليه

لا دي جامدة جامدة جامدة بس بص شوف ياقلبي عامله ايه

لا دي جامدة جامدة جامدة بس ايه دة كله اهدي اهدي ليه

لا دي جامدة جامدة جامدة بس بص شوف ياقلبي عامله ايه

لا دي جامدة جامدة جامدة بس ايه دة كله اهدي اهدي ليه

لا دي جامدة جامدة جامدة بس بص شوف ياقلبي عامله ايه

بص شوف ياقلبي عامله ايه.

كلمات أغنية جميلة كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: شادي نور.
  • ألحان الأغنية: بلال سرور.
  • توزيع الأغنية: جانا عمرو دياب وعمرو دياب.

ياللي عليكي العين زي القمر واحلا ياحلوة الحلوين بيكي الحياه تحلا

ياللي عليكي العين زي القمر واحلا ياحلوة الحلوين بيكي الحياه تحلا

ملامحك جميله وكلك جميله جميله جميله جميله جميله

يابخت اللي تبقي معاه جميله جميله جميله جميله

جميله ما شاء الله عيونك الغاليين بينورو الدنيا

والضحكه علي الخدين تتحب وفي ثانيه عيونك الغاليين بينورو الدنيا

والضحكه علي الخدين تتحب وفي ثانيه ملامحك جميله وكلك جميله

جميله جميله جميله جميله يابخت اللي تبقي معاه

جميله جميله جميله جميله جميله ما شاء الله

ملامحك جميله وكلك جميله جميله جميله جميله جميله

يابخت اللي تبقي معاه جميله جميله جميله جميله جميله ما شاء الله.

كلمات أغنية مبقاش يناسبك كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: أيمن بهجت قمر.

مبقاش يناسبك ازعل واحاسبك ايه اللي غاصبك علي العيشه دي

واللي بقينا فيه متشيلش همي موجود مرمي ما تفوق يا عم انا همشي اقول في الشارع هيه

انا هعمل مهرجان مهرجان، وخلاص هنسي اللي كان مهما كان

وحكايتي معاك كان يا ما كان هتعيشها عليا ليه

انت اللي زيك بجد حله بدل ده كله السكه اهي وادي الباب مفتوح

روح بالسلامه لا عليك ملامه، ولا ليك علامه والسهل زيي مبيطيقهوش

انا هعمل مهرجان مهرجان، وخلاص هنسي اللي كان مهما كان

وحكايتي معاك كان يا ما كان هتعيشها عليا ليه.

كلمات أغنية روح كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: أحمد زغلول.
  • ألحان الأغنية: أحمد زغلول.

جرح الهوى لو من الحبايب ملوش دوا آه ولا قلب دايب

انسى اللي كان انا قدرت انسى كل اللي بينا هنعيشه ذكرى

روح روح ابعد عني روح روح ياللي تاعبني

دانا قلبي سامحك وجرحي سامحك الله يسامحك

ياخسارة ياخسارة يا خسارة على الأيام

هاتقولي ايه بعد الي قولته أنا حبي ليك من قلب شيلته

مبقاش على واحد خسرني جاي بعد ايه جاي تفتكرني

مبقاش على واحد خسرني جاي بعد ايه جاي تفتكرني

روح روح روح وأبعد عني روحي يا اللي تاعبني

دا انا قلبي سامحك وجارحي سامحك الله يسامحك

يا خسارة يا خسارة يا خسارة على الأيام.

كلمات أغنية بالضحكة دي كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: عزيز الشافعي.
  • ألحان الأغنية: عزيز الشافعي.

بالضحكة دي قلبي متعلق

دي صورتها في دماغي بتعلق لو اقول دي احلي ما في الدنيا

مين بعد الجمال ده يعلق بالماشيه دي كله يتعلم

اهي دي اللي علي الكل هتعلم لو اقول دي احلي ما في الدنيا

مين بعد الجمال ده يتكلم مظبوطه ظبطه مفيهاش غلطه

مفيهاش تلت التلاته كام مش بجاملها ولا بجملها

دي حاجه مش محتاجه كلام، والنظرة دي فيا بتأثر

وده حلم عمري بيتفسر لو اقول دي احلي ما في الدنيا

مين ده اللي يعارضني هنهزر مرسومه رسمه وعليها بسمه

تتفتح قصادها البيبان رقتها دة كله الا ده

انا مش قد دلعها كمان، والنظرة دي فيا بتأثر

وده حلم عمري بيتفسر لو اقول دي احلي ما في الدنيا

مين ده اللي يعارضني هنهزر.

كلمات اغنية مكانك في قلبي كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: تامر حسين.
  • ألحان الأغنية: شريف بدر.
  • توزيع الأغنية: طارق مدكور.

مكانك في قلبي مهما كنت بعيد عليه، ومش كل يوم بنقابل حبايب جداد

صوتك واحشني وضحكتك يا حبيبي ليه ياما نفسي اشوفك تاني في اقرب معاد

مقدرتش انساك واليالي كل ما تفوت ليالي كل ما اشتاق يا حبيبي واقول

ايامنا وحشاك ولا ناسي ياللي انت من غيرك بقاسي

ياللي عمري اعيش عمري معاك علي طول مقدرتش انساك واليالي

كل ما تفوت ليالي كل ما اشتاق يا حبيبي واقول

ايامنا وحشاك ولا ناسي ياللي انت من غيرك بقاسي

ياللي عمري اعيش عمري معاك علي طول محدش هيعرف يملي اي مكان تسيبه

وعايش حياتي في بعدك علي الذكريات في حد في الدنيا دي بيعوض حبيبه

انا اللي بايدي صحيت في قلبي حكايات مقدرتش انساك واليالي

كل ما تفوت اليالي كل ما اشتاق يا حبيبي واقول

ايامنا وحشاك ولا ناسي ياللي انت من غيرك بقاسي

ياللي نفسي عمري اعيش عمري معاك علي طول

مقدرتش انساك واليالي كل ما تفوت ليالي

كل ما اشتاق يا حبيبي واقول ايامنا وحشاك ولا ناسي

ياللي انت من غيرك بقاسي ماكنتش متخيل فراقنا يطول

مقدرتش انساك واليالي كل ما تفوت اليالي

كل ما اشتاق يا حبيبي واقول ايامنا وحشاك ولا ناسي

ياللي انت من غيرك بقاسي ياللي نفسي عمري اعيش عمري معاك علي طول

مقدرتش انساك واليالي كل ما تفوت اليالي

كل ما اشتاق يا حبيبي واقول ايامنا وحشاك ولا ناسي

ياللي انت من غيرك بقاسي ياللي نفسي عمري اعيش عمري معاك علي طول.

كلمات أغنية زي ما أنتي كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: عزيز الشافعي.
  • ألحان الأغنية: عزيز الشافعي.
  • توزيع الأغنية: أسامة الهندي.

انتى لسه زي ما انتي قمر في عيني احلى عُمر ده اللى كان بينك وبيني

واما تيجي في الكلام سيرتك بقول دي حبيبتي الغالية دي بنت الأصول

مستحيل اقبل في حقك أي كلمة انتي اعلى منهم فوق انتي نجمة

واللى بيسأل عليكي بقول دي نعمة مستحيل اوصف جمالك مهما أقول

زي ما انتي انتي عندي زي ما انتي الغلاوة هي هي والمشاعر مدارية

ده انتي سايبه جوه قلبى ذكري حلوة لسه صوتك بسمعه في وداني غنوة

الحقيقة ان الحياة بعدك ما تسوي حبي ليكي في البعد يقوي

سيبك انتي عاملة ايه وازيك انتي دي الغلاوة هي هي والمشاعر مدارية

زي ما انتي انتي عندي زي ما انتي الغلاوة هي هي والمشاعر مدارية

زي ما انتي انتي عندي زي ما انتي الغلاوة هي هي والمشاعر مدارية.

كلمات أغنية حلوة البدايات كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: خالد تاج الدين.
  • ألحان الأغنية: عمرو مصطفى.
  • توزيع الأغنية: نادر حمدي.

حلوة البدايات كلها حكايات بسهر وياك ونتكلم ونحكي بالساعات

جنني هواك للصبح معاك نفرح ونعيش نعوض عمري قبلك فات

شوقي ليك بيحلي ايامي تملي ايه اللى حصلي حبك غير فيا حاجات

حلوة البدايات كلها حكايات بسهر وياك ونتكلم ونحكي بالساعات

يا قمرنا سهرنا واشغلنا هو مستني موعدنا وكلامنا ونعيش اجمل اوقات

انا وانت وتالتنا فرحتنا والحياة حلوة عيشينا حبيناه وهي بجد الحكايات.

كلمات أغنية يا روقانك كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: أحمد المالكي.
  • ألحان الأغنية: محمد يحيى.
  • توزيع الأغنية: طارق مدكور.

يا روقانِك يا روقانِك شقية وحلوة في جنانك

يا روقانِك يا روقانِك  يا نجمة وعالية في مكانك

هي هي هي هي العيون ديا دي محيرة قلبي اللي اشتاق

عليكي شياكة خطفتني، ومشية عارضة أزياء

هي هي هي هي العيون ديا دي محيرة قلبي اللي اشتاق

عليكي شياكة خطفتني، ومشية عارضة أزياء

يا روقانِك يا روقانِك شقية وحلوة في جنانك

يا روقانِك يا روقانِك يا نجمة وعالية في مكانك

يا روقانِك يا روقانِك شقية وحلوة في جنانك

يا روقانِك يا روقانِك يا نجمة وعالية في مكانك

هي هي هي هي العيون ديا بتخليني الف وادور

ملامحك هاديه بتطمن، وطالع منهال سحر ونور

هي هي هي هي العيون ديا بتخليني الف وادور

ملامحك هاديه بتطمن، وطالع منهال سحر ونور

يا روقانِك يا روقانِك شقية وحلوة في جنانك

يا روقانِك يا روقانِك يا نجمة وعالية في مكانك

يا روقانِك يا روقانِك شقية وحلوة في جنانك

يا روقانِك يا روقانِك يا نجمة وعالية في مكانك.

كلمات اغنية هيعيش يفتكرني كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: تامر حسين.
  • ألحان الأغنية: عمرو مصطفى.
  • توزيع الأغنية: نادر حمدي.

أنا قلت أللى محدش قاله، وعملت اللى محدش عمله

يفارقنى أنا راضى وماله بكرة هيعرف غلطة عمره

هيعيش يفتكرنى، وكل ما يقابل فى بعدى هيفتكرنى

بتمنى بس انه يقابلنى هيعيش يفتكرني

وكل ما يقابل في بعدي هيفتكرني بتمني بس انه يقابلني

خليه يشوف بقي مين ابقاله ده انا ياما عملت حساب زعلو

انا بعد كلامه وافعاله ده لا يمكن حاجة هتشفعلو

هيعيش يفتكرني، وكل ما يقابل في بعدي هيفتكرني

بتمني بس انه يقابلني هيعيش يفتكرني

وكل ما يقابل في بعدي هيفتكرني بتمني بس انه يقابلني

هيعيش يفتكرني، وكل ما يقابل في بعدي هيفتكرني

بتمني بس انه يقابلني.

كلمات أغنية عم الطبيب كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: صابر كمال.
  • ألحان الأغنية: عمرو دياب.
  • توزيع الأغنية: رامي سمير.

عم الطبيب جنبى الشمال ده بتجيله شكة

من حالي طول الليل بتشكي عرى وكشف شاف الهموم

بص بأسف وقالي قوم متروحش يابني لطبيب يطبك

انت علاجك حبيب يحبك متروحش يابني لطبيب يطبك انت علاجك حبيب

يحبك عم الطبيب جنبي الشمال ده بتجيله شكة

من حالي طول الليل بتشكي عرى وكشف شاف الهموم

بصّ بأسف وقاللي قوم ما تروحش يابني لطبيب ييطبك أنت علاجك حبيب يحبك

ما تروحش يابني لطبيب ييطبك أنت علاجك حبيب يحبك

عم العطار اعملي من عندك تحبيشة أحلي بيها مرار العيشة

بص وسأل فين يوجعك فرح وزعل مين يسمعك

أنا قلت بلوتي في الكتمان قاللي دواها صحاب جدعان

أنا قلت بلوتي في الكتمان قاللي دواها صحاب جدعان

شيخ العرب اديلي مده دايخ مدوخ

هات الخلاصة أنا وضعي بوخ قالي دواك وبلاش تقاطع

عند العجيب أبو سر باتع قالي دواك وبلاش تقاطع

عند العجيب أبو سر باتع أنا قلت أيه قاللي يا متعوس

كل العلل دواها الفلوس أنا قلت أيه قاللي يا متعوس

كل العلل دواها الفلوس يا طول غلبي يا طول توهتي

يا آهة جديدة على آهتي دواك لاذذ ونفسي أدوق

لكن عازز ومش في السوق.

كلمات أغنية أول يوم فى البعد كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: أحمد المالكي.
  • ألحان الأغنية: محمدي.
  • توزيع الأغنية: أسامة الهندي.

أول يوم في البعد يوم بيعدي سنين

عمر ما بين عمرين ماشي لوحدك تسأل نفسك هو انا رايح فين.

اول يوم في البعد لما تبات مجروح، والأحلام بتروح احساسك وحبيبك سايبك زي طلوع الروح

اول يوم في البعد يوم بيعدي سنين عمر ما بين عمرين ماشي لوحدك تسال نفسك هو انا رايح فين

اول يوم في البعد لما تبات مجروح

والاحلام بتروح إحساسك وحبيبك سايبك زي طلوع الروح

اول يوم من يوم ما عرفتك قلبي يموت اول مرة بفكر عمري بعيش انا ليه..بقي معقول مش هقدر تاني اسمعلك صوت

بعد ما كنت بنام ياحبيبي وبصحي عليك اول يوم من يوم ما عرفتك قلبي يموت..اول مره بفكر عمري بعيش انا ليه

بقي معقول مش هقدر تاني اسمعلك صوت بعد ما كنت بنام ياحبيبي وبصحي عليك..لينا حياه مع بعض هنعوضها منين ونعوضها بمين

اصعب حاجة تهد في ثانية اللي انت بانيه في سنين اول يوم في البعد ده اللي بفكر فيه هعمل ايه بعديه

ده اللي يفارق اغلي حبايبه ياعيني الله يقويه اول يوم من يوم ما عرفتك قلبي يموت..اول مره بفكر عمري بعيش انا ليه

بقي معقول مش هقدر تاني اسمعلك صوت بعد ما كنت بنام ياحبيبي وبصحي عليك اول يوم من يوم ما عرفتك قلبي يموت

اول مره بفكر عمري بعيش انا ليه بقي معقول مش هقدر تاني اسمعلك صوت بعد ما كنت بنام ياحبيبي وبصحي عليك.

كلمات أغنية يوم تلات كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: تامر حسين.
  • ألحان الأغنية: عزيز الشافعي.
  • توزيع الأغنية: أسامة الهندي.

يوم تلات تلات بنات نادهوني ع البساط بصات يا ناس عجبوني

قعده وانبساط غدا وعزموني فتفتوا الفتافيت وفتنوني شكلها مؤامره اعشق السمرا

ولا اعشق البيضا ام الخدود حمرا الحياه حلوه ويا ام روح حلوه كلهم حلوين جننوني

كل ما اجي اقوم اقول خليني منتهى الجمال جمال علي عيني

امشي م المكان ده ايه يمشيني لمة الحلوين بتغريني شعرهم حرير يطير قدامي

صعب اشوف ده غير غير في احلامي سحرهم خطير يوصف ايه كلامي يوم تلات وبكل ايامي

كل عود وعود احلى م التاني قلبي لم يعود ليا من تاني كان في ايدي عود قولت بيه اغاني والصباح رباح ياللي عجباني

كلمه كلمتين الليل قوام ليل عشنا يوم جميل احلى ما اتخيل

واحده واحده عليا بتميل لو هعيش عمري هنا قليل يوم تلات تلات بنات نادهوني

ع البساط بصات يا ناس عجبوني قعده وانبساط غدا وعزموني فتفتوا الفتافيت وفتنوني.

كلمات اغنية قدام مرايتها كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: تامر حسين.
  • ألحان الأغنية: عزيز الشافعي.
  • توزيع الأغنية: طارق مدكور.

قدام مرايتها عادي بتدلع براحتها بستناها وبستعجلها تضحكلي وابصلها

تختار ألوانها تسأل عن رأيي في فستاها طب هختار ازاي وجمالها بيحلي الدنيا بحالها

قدام مرايتها عادي بتدلع براحتها بستناها وبستعجلها تضحكلي وابصلها

تختار ألوانها تسأل عن رأيي في فستانها طب هختار ازاي وجمالها بيحلي الدنيا بحالها

دي عيوني شايفها احلى الحلوين تتقل على كيفها مين زيها مين

مش عايز غيرها ولا شايف غيرها دي في نن العين

قدام مرايتها عادي بتدلع براحتها بستناها وبستعجلها تضحكلي وابصلها

تختار ألوانها تسأل عن رأيي في فستانها طب هختار ازاي وجمالها بيحلي الدنيا بحالها

بضعف قدامها طب هعمل ايه ده كفاية كلامها مقدرش عليه

مش عايز غيرها ولا شايف غيرها قمر انما ايه

قدام مرايتها عادي بتدلع براحتها بستناها وبستعجلها تضحكلي وابصلها

تختار ألوانها تسأل عن رأيي في فستانها طب هختار ازاي وجمالها بيحلي الدنيا بحالها.

كلمات أغنية بحبه كاملة

  • غناء: عمرو دياب.
  • ألبوم الأغنية: سهران 2020.
  • كلمات الأغنية: أيمن بهجت قمر.
  • ألحان الأغنية: محمد يحيى.
  • توزيع الأغنية: أسامة الهندي.

بحبه في دلعه وتقله بحبه في قلة عقله

بحبه في غيرته عليا ولما بيتهيأله أنا متعود علي طبعه

أنا حافظه وخدت عليه لا في زيه ولا هلاقي ربعه

بحبه وهعمل أيه أنا متعود علي طبعه

أنا حافظه وخدت عليه في زعلنا بعدي وأطاوعه

بحبه وهعمل أيه نااار نااار، حبه ليا

نااار نااار، بعده عني نااار نااار، شاغلني ليل ونهار

بحبه، وأحب عينيه تلاحقني يجنني ويقلقني

بحبه وأنا بحلفله وعمره ماصدقني بحبه حبيبي في كل حالاته

في سوء ظنه وحكاياته هيعقل أمتى حبيبي، وأنا واخد كل أهتماماته.

متى بدأ عمرو دياب مشواره الفنى

عمرو دياب هو واحدا من أعظم الأصوات المتواجدة في الوطن العربي في الوقت الحالي، وأقدمهم على الإطلاق.

حصل على تشجيع كبير من قبل والدة الذي رأي فيه مشروع نجم جديد، وقام باصطحابه معه إلى أحد المهرجانات التي أقيمت في بورسعيد عندما بلغ سن السادسة من عمره، وقدم من خلال النشيد الوطني “بلادي بلادي” بصوته.

كيف حصل عمرو دياب على شهرته الحالية

قرر الذهاب إلى القاهرة عام 1982 من أجل الإلتحاق بالمعهد العالي للموسيقى العربية، وفي عام 1983، أطلق أول أغنية سينجل خاصة به بعنوان الزمن، ثم أصدر أول ألبوم في نفس العام بعنوان يا طريق، حقق شهرة عالية عقب تعاونه مع الموزع حميد الشاعري في ألبوم ميال.

أعلن عن آخر ألبوم له بعد غياب أكثر من موسم كامل عن إصدار الألبومات بعنوان سهران، تضمن عدد 16 أغنية كاملة، هم “سهران، جامدة بس، جميلة، مبقاش يناسبك، روح، بالضحكة دي، مكانك في قلبي، زي ما أنتي، حلوة البدايات، يا روقانك، هيعيش يفتكرني، عم الطبيب، أول يوم فى البعد، يوم تلات، قدام مرايتها، بحبه”.

كم عدد ألبومات عمرو دياب

في رصيده الفني 31 ألبوم غنائي كامل، قام بطرحهم رسميا في الأسواق بين عامي 1983 و 2020، حققت معظمهم نسب مبيعات مذهلة على مستوى العالم بأكمله مثل:

  • راجعين.
  • تملى معاك.
  • الليلادي.
  • ليلي نهاري.
  • وياه.
  • أصلها بتفرق.
  • أحلى وأحلى.
  • معدي الناس.
  • كل حياتي.
  • سهران 2020.

ما هي أشهر أغاني عمرو دياب

أصدر العديد من الأغاني الرائعة والناجحة منذ ظهوره على الشاشات للمرة الأولى حتى الآن، تم ترجمة معظمها إلى الكثير من لغات العالم، وحقق من خلالها ملايين المشاهدات عبر قناته الرسمية والشخصية على موقع اليوتيوب، إليكم أشهر أغانيه على الإطلاق:

  1. بحبك نفسي أقولهالك.
  2. سلمتلك.
  3. اللي بيني وبينك.
  4. لو قادر.
  5. مش كل واحد.
  6. دوام الحال.
  7. ورضيت.

تعرف على تفاصيل ألبوم سهران

بعد غياب ما يقرب من عام ونصف عن إصدار الألبومات، قام الفنان الكبير عمرو دياب بطرح آخر ألبوم له حتى الآن بعنوان سهران، وذلك بعد أن قدم عدد من الأغاني السينجل خلال الفترة القليلة الماضية، من بينهم أغنية أنا غير.

تعاون الهضبة في هذا الألبوم مع باقة من ألمع شعراء الوطن العربي مثل تامر حسين وأحمد المالكي وأيمن بهجت قمر وخالد تاج الدين، وبعض الملحنين والموزعين، على رأسهم كلا من عمرو مصطفى وعزيز الشافعي ومحمد يحيى ونادر حمدي ورامي سمير وطارق مدكور وأسامة الهندي، بالإضافة إلى قيام عمرو دياب بتلحين أغنية وحيدة فقط، وهي عم الطبيب.

أغاني ألبوم سهران

يعتبر ألبوم سهران من أكثر الألبومات التي احتوت على عدد كبير من الأغاني مقارنة بالألبومات التي أطلقها الهضبة طوال تاريخه الفنى، حيث تضمن عدد 12 أغنية كاملة.

وهذا بالإضافة إلى قيامه بضم أربعة أغاني أخرى إلى الألبوم كان قد قدمها للجمهور في فترات مختلفة خلال الأشهر الماضية ليصبح إجمالي عدد أغاني الألبوم 16 أغنية كاملة، هم:

  • سهران.
  • جامدة بس.
  • جميلة.
  • مبقاش يناسبك.
  • روح.
  • بالضحكة دي.
  • مكانك في قلبي.
  • زي ما أنتي.
  • حلوة البدايات.
  • يا روقانك.
  • هيعيش يفتكرني.
  • عم الطبيب.
  • أول يوم فى البعد.
  • يوم تلات.
  • قدام مرايتها.
  • بحبه.

اخر اخبار عمرو دياب

انتشرت صورة للفنان عمرو دياب بصحبة الطيار أشرف أبو اليسر عبر مواقع التواصل الإجتماعي خلال الساعات القليلة الماضية في الطيارة الخاصة بالهضبة ودينا الشربيني، ولم يتم التأكيد من أن هذه الصورة كانت قبل أزمة محمد رمضان المعروفة أم بعدها.

ومن جانبه، لم يقوم عمرو دياب بالتعليق على هذه الصورة، أو توضيح أية معلومة خاصة بها، يذكر أنه طرح ألبومه الأخير حتى الآن بعنوان سهران، حقق من خلاله نسب نجاح ساحقة على مستوى الشرق الأوسط بأكمله.

وبعد أن عرضنا لكم كلمات ألبوم سهران كاملا، ما هي الأغنية التي نالت إعجابكم، وتعتبر بمثابة أفضل أغنية في الألبوم؟، ولماذا؟، شاركونا بآرائكم المختلفة في تعليقات اسفل الشاشة.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *