كلمات اشهر اغاني احمد مكي

أ / محمود عبادي عبدالمجيد

يعد الفنان المصري الكبير “أحمد مكي”من أشهر وأروع الاصوات التى ظهرت فى مجال غناء الراب خلال السنوات القليلة الماضية، حققت معظم أغانيه ملايين المشاهدات عبر قناته الرسمية على موقع “اليوتيوب”، نترككم مع كلمات بعضا منها.

كلمات اشهر اغاني احمد مكي

نستعرض لكم كلمات أغنية “فيس بوكي وقطر الحياة ومنطقتي وأغلي من الياقوت”مكتوبة وكاملة، نتمنى أن تنال إعجابكم.

كلمات أغنية فيس بوكي كاملة

  • غناء: أحمد مكي.

انا ماليش اكونت على الفيس بوك اسمع من مكى خلو بالكو م اللى بيعمل فيس بوكه انه فيس بوكى

حاول تحلقلو تنفضله فكك منه او فكى مهما قالك و حلفلك و بعاتلك سكه او سوكى

نازل م البيت بليل اجيب فول بيض ذبادى وفينو العشا الرسمى ف مصر طبعا كلنا عرفينه

قابلت واد فاقد من الحته وفقرى واسمه نينو معاه ميه ودخان وبيهزي يخرب بيت سنينه

قالى ينفع يا مكى على الفيس بوك اعملك اد انا و احمد معتز و طارق و بك بك وعماد

وانت تنفضلنا التنفيضة السوده دى خد ياض اعملنااااااا اد اعملناااااااااا اد مش مهم معتز و طارق المهم انا و عماد

قالتلو يابنى انت بتهزى ولا بتتكلم جاد انا من زمان بينى و بين الفيس بوك ميت سد وسد

اخرى كان الهاى فايف يمكن و الـicq هاتقولى عندك فيس بوك هقولك داااااام يو

خدنى من ايدى البيت يقولى اصل الموضوع ام فاتح الفيس بوك فلقيت 30 اكونت مصنوع

حطين صورتى و كاتبين اسمى و عاملين نفسهم انا، وكل واحد فيهم بيكلم الاف ف السنة

هموت و اعرف بيقولو ايه الناس على لسانى دي حاجة تخوف ترعب حط نفسك مكانى

لسة مفوفتش من الصدمة ام نينو ورانى حاجة تانى فاتحلى ع الفيس بوك فان بيج مية الف فانز

كاتبين كلام جميل خلى قلبى مرفرف فرحان شكر لكل الي كتب ان كان ليدى او مان

ملحقتش افرح راحت الفرحة بقيت قاعد غضبان اصل لاحظت ان اللى عمل الصفحة عيل كتيان

متقمصنى و بيتكم زى دبور فى فيلم مرجان كبر جيهك روق ديهك اخبط ديى يا مان سلاطتك بابا غنوجك و اضربلك خابور كمان

ركزت انا في كل اللى كتبه الواد ده لقته هباب دخلت فى لحظة كتبت في كل الصفحة ده واد نصاب

مسح اللى كتبتة بسرعة رد وقال هو الكداب فجاة الكل افش كشر كان ناقص يرمونى قبقاب

وبعتلى شتيمة وعملى بلوك و طردنى طرد كلاب يقطع النت على النتيت على ع ينتتوا عليه

دورت اكتر و لقيت صفحات على النت باسمي كتيره كل لما افتح صفحة القيها مليانه فتاوى كبيرة

اخبار حصرى على لسانى ميت كاسلوا ادانا التاشيرة، وعلاقتى بالناس زى دي زي علاقة الدولارات باليرة

معرفش عنهم حاجة ولا حتى بتجمعنا الجيرة ربنا يشفيهم دول ناس عيانه مش ناس شريرة

كل ساعة بتصريح متفبرك ليا وكله حماسة ايشى فن وايشي اخبار شخصية و فتى ف دين و سياسة

الاغرب انى بلاقى ناس عقلة كبيرة وبتصدق، وبتاخد كل اخبارى المكذوبة منهم وبتفرق

والفتية بتفضل تكبر تنتشر تتخن تترستق تتذوق تتروق وتترقى لاشاعة و تتصدق تانى يوم بلاقيها تتاكد اخبار فنية اتشل

فاوقفت مع نفسى واقفة طويلة ولقيت الحل قررت اعلن ف اغنية انى مليش اكونت او سايت

لو قابلك اي مكى على النت قوله جود نايت انا ماليش اكونت على الفيس بوك اسمع من مكى

خلو بالكو م اللى بيعمل فيس بوكه انه فيس بوكى حاول تحلقلو تنفضله فكك منه او فكى مهما قالك و حلفلك و بعاتلك سكه او سوكي

الويب سايت الوحيد اللى فعلا بتاعي mekky4real اى حاجه تانية عالنت حماده بالجنزبيل مكييييييي

بويستي بوي ايه اللي جابك هو انت فعلا هتعمل فيلم اسمه ثعبان البحر اللى هو بالانجليزى سيس

ايه ده انت جبته مني فيييييس بوك الله يخرب بيتك على بيت الفيس بوك

طيب ياعم ما تزعلش ممكن اغني الكورس اتنيل جو شاري الشبكشي جو شاري برده الشبكشي

شبكشي، وبعدين الكورس ده مش بتاعى دا بتاع Fifty Cent فيفتي سنت اه صحيح تصدق معاك حق

طب خد دي انا ماليش اكونت على الفيس بوك اسمع من مكىخلو بالكو م اللى بيعمل فيس بوكه انه فيس بوكى

حاول تحلقلو تنفضله فكك منه او فكى مهما قالك و حلفلك و بعاتلك سكه او سوكي.

اقرأ أيضًا: كلمات اغنية الحلم احمد مكي

كلمات أغنية قطر الحياة كاملة

  • غناء: أحمد مكي.

في كل لفه عقرب ساعه عمري بيتسرسب بيعدى الناس والدنيا بتتغير

حتى الحديد بيصدى وأنا الوحيد واقف مكانى ثابت في ناس اختارت سكة صابت ناس تانية اختارت سكة خابت

احساس قاسي وصعب لما الناس تشوفك فاشل ابوك وامك واخواتك وصحابك شايفينك عاطل

قوم يابنى اسعى وحاول والله غلبت احاول ياما حاولت و قبل ما الجون ما ييجي يطلع فاول

معنديش مهارة وحتى كوسة وحوستى حوسة، ودوست بعد اخر البنزين بدوسة
في كل مقابلة شغلانة يتقالى لف نفسك شهادتك ماتت بجنب اي حيط وخدلك بوسة

رجعت فلاش باك حسبت سنين عمري 30 سنة لقيت حسبت تانى وتالت واتخضيت

ببص في المراية كم شعراية بيضة لقيت، وابويا هو الى لسة بيصرف ع البيت

بتعامل من عيلتى على انى عالة، وحالتى حالة ثقتى بنفسي راحت النجاح بقى استحالة

نفسي اهرب من نفسي ومن حالتى و من عيلتى ومن الدنيا نفسي القى دنيا تانية اهرب ليها ولا حتى ثانية

وفي يوم قالهالى صاحبي والى يدلك عالطريق ميفدش صاحب غير صاحبو اسمع من الصديق

قالى في قعدة ضرب حلوة باليل عاملينها سالته هاش ضحك وقالى بيسةقولتله لا منها

قالى متخافش مش ممكن تدمن من اول شكة اقنعنى بالليل فعلا شكيت اول شكة

مفاصلي ساحت وارتاحت وروحى راحت بكلم نفسي من جوة وبرغي من برة ساكت

همومي شبه تاهت والرؤية بهات في باهت كل مشكلة كانت عندى في الدنيا ماتت وتاهت

عدت ساعات في ثانية لقيت الصحبة قايمة دخلت بيتى وش الفجر عيلتى كانت نايمة

دفنت نفسي تحت البطانية جسمى مثلج نمت في اقل من ثانية نومت واحد مبنج

قطر الحياة بيعدى بسرعة.سنة فـ سنة فـ سنة، وانا زى ماانا من لما كان عندى سنة

هيا هيا الحياة هوا هوا ده انا زهقت طهقت من الحياة تقدر تقول مليت انا

صحيت وفقت رجعت تانى للواقع والعكننة عده النهار بطيئ كأنة كام شهر وسنة

نفسى النهار يعدى بسرعة وأضرب تانى ارجع ملك زمانى بعيد عن العالم الى رمانى

خلونى أضرب معاهم كل يوم وبتعزم خلاص دخلت السكة والطريق بيترسم

فجأنى صحبى فى يوم قلهالى فى وشى خف تعوم أجيب فلوس ليا وليك نضرب كل يوم

شخشخ جيبك ياأما من قعدتنا دى تكون محروم من انهاردة مفيش ضرب ببلاش مفهوم مفهوم

روحت وتانى يوم فى معاد الضرب جسمى اتكهرب كرابيج فى ظهرى ومنخيرى سايلة وبتسرب عاوز أضرب

منين اجيب فلوس منين اجيب فلوس بدأت استلف فلوس من كل الى اعرفة وأدوس

وحتى أخواتى خدت منهم ياما فلوس دروس كلة كرهنى وبيهرب منى تقلت عنة فلوس

خمسين جنية فى خمسين فى مية في مية بسرق يوماتى من البيت و ملة شك فيا

نزلت بعت كل حاجة جاتلى فى يوم هدية خلصت فلوسى لحد فى يوم ماجتلى فكرة هيا هيا

دهب امى موبايل اختى لاب توب اخويا سرقتهم نزلت اهرب من البيت وقفني ابويا

حاول يمنعنى مسكنى من أيدى جامد زقيتة أتخبط فى الحيط وبصلى ازاى ابني وأزيتة

خد منى كل حاجة وتربس الباب غضب سعتها طلبت اغرب حاجة ممكن تتطلب

عاوز فلوس حالاّ يأما هرتكب جريمة أتهمنى بالجنون وأدانى كام شتيم

بيبان كل الأوض بتتفتح عيلتى بتتفرج لسة بيتوعبو يمكن دا جد يمكن بنهرج

سحبت بنت اختى 3 سنين نحيت شباك هاتو الفلوس لرميها فجأة زاد الأرتباك

أمى بكت بحرقة قدامى فقت لثوانى رميتلى فلوس وبصوت عالى مشوفش وشك تانى

أمشى ملكش أم يأبغض من شيطانى خدت الفلوس و جريت عارف مش راجع بيتى تانى

قطر الحياة بيعدى بسرعة.سنة فـ سنة فـ سنة، وانا زى ماانا من لما كان عندى سنة

هيا هيا الحياة هوا هوا دا انا زهقت طهقت من الحياة تقدر تقول مليت انا

خذلت كل اهلى وأصحابى بقيت وحيد، ومنين هجيب فلوس لازم ألاقى طريق جديد

فجأة افتكرت جار من سنى ساكن لوحدة طول عمرة أبوة فى أعارة برة مصرى وشهرى فلوس يبعتله

شديته زى ما اتشديت انا لنفس الطريق لقيت مصدر فلوس جديد وبيت و لقيت صديق

نضرب سوا بفلوسة و في بيتة ملناش زهوء شقى سنين أبوة خلص كلة فى أربع شهور

وفى ليلة بنضرب جاتلة مكالمة مصدقهاش أبوة عرف ان ابنة بيسرقة أتنقل انعاش

كل عصب فى جسمى اتوتر زودت الجرعة اكتر الجرعة المعتادة خلاص مبقتش تأثر

شريط حياتى كلة بيتعرض قدامى أخبر فى اخبر ضربت السم فى عروقى وزودتة اكتر و اكتر

نفسى افنى وأخلص من الدنيا زى المية اتبخر كمان زودت سنه جسمى لون أصفر

صحبى أتفزع قام واتسرع مالك أصفر لية ياجدع جسمك عرقان وبتترعش زى الى من الحيا اتلدع

رغم انى غرقان فى العرق جسمى متلج موجوع وجع من خضتى جيت أصلب طولى جسمى على الأرض اترزع

جسمى رافض لكل أمر منى لقوة اتهد والدنيا بتضلم تديرجى واحدة واحدة أسودت

أخر لقطة فى حياتى شفتها كانت مأساة صحبى مرعوب وبيراقب فراقى للحياة

قطر الحياة بيعدى بسرعة.سنة فـ سنة فـ سنة، وانا زى ماانا من لما كان عندى سنة

هيا هيا الحياة هوا هوا دا انا زهقت طهقت من الحياة تقدر تقول مليت انا

عمرى بسرعة انتهى رجعت شريط حياتى ملقتش فى حاجة عدلة تتذكر من اني عملتها

حياتى راحت منى كلها ضيعتها ندمان على كل لحظة غمقة فى يوم انا عشتها

يارب أدينى فرصة تانى أرجع للحياة همشى فى طريق صح لحد اخر منتها

دى حاجة صعبة فعلا انك تختفى من الدنيا، والناس متفتكركش بحاجة حلوة لوجة الله.

لمزيد من أغاني مكي: كلمات اغنية اغلى من الياقوت احمد مكي

كلمات أغنية منطقتي كاملة

  • غناء: أحمد مكي.

منطقتى دي حياتي، وفيها اجمل ذكرياتي اكبر مدرسة متعلم فيها الدنيا وواخد خبراتي

دي اصحابي فيها، وجيراني فيها، وحبايبي فيها مافيه غيرها جيها تتحامى فينا نتحامى فيها ما احنا اللى ليها منطقتى

منطقتى هي الطلبية اول صحاب وحب وعدية كت فيها هي

اكبر غواي حمام شربت منهم اصل الغية فوق كل سطح فى الطلبية مية فوق طبلية

رويت غزار وبرك، وشقلباظ عبس والرية حمامها غطى شمس فى السما فى المغربية

احلى عصير قصب يروى عروقك ساعة الظهرية ما فيه في حلاوة طعمه ولو لفيت الدنيا ديا

قالوا عليها منطقة عوق وناس مؤذية اه فيها ناس ناشفة تاكل زلط وبلطجية

وناس قلوبها بيضة وطيبة ومية مية كل انواع البشر تلقى منها جوه الطلبية

سألت نفسي في يوم سؤال ليه كنا بنتخانق وندافع عنها ضد الغرب حتى واحنا عيال

من غير تفكير نسخن نغير ننزل نتخانق ما يهمناش لو فيه سلاح او حتى دم سال

بالنسبالي مش بس منطقة دي مدرسة اتعلمنا يا ما ندوس فى الدنيا طلعنا هندسة

حبي ليها مالوش سبب حاسسها حتة مني لو طلعت من منطقتي منطقتى مش طالعة مني

منطقتي منطقتي دي حياتي وفيها اجمل ذكرياتي اكبر مدرسه متعلم فيها الدنيا وواخد خبراتي

دي اصحابي فيها وجيراني فيها وحبايبي فيها مافيه غيرها جيها تتحامى فينا نتحامى فيها ما احنا اللى ليها منطقتى

منطقتى سر حبي ليها ارتباطى بالمكان، ولا اني عيشت فيها احلى ذكريات زمان

ايام ما كانت الحالة مايلة، والايد مش طايلة بس الناس كانت لبعض والحب فى قلوبها شايله

عيشة ابسط م البساطة فى الحر تستمتع بشغب تمر وفى البرد تاكل بطاطة

لو حد عنده مشكلة تبقى مشكلة الكل لو حد عنده فرحة تبقى ليلة الحتة فل

عيشنا ياما ايام محدش فينا شايل هم مهما كانت مشكلتك كله بيساعدك عشان تتلم

كانت احلى قاعدة هي فوق السطح جنب الغية ريحة الرحان مالية المكان زرعته فى الارضية

اشرب حجر كومباجو قهوة سكريبتو مش مغلية افكر واسرح والسما فى لحظة غروب سحرية

كل ركن في حتتى له ذكرى ما انسهاش، وعارف كل الناس اطفال شباب او ع المعاش

مهما قالوا عنها او مهما زموا فيها كتير هتفضل حتتى وليها فى قلبي اكبر تقدير

منطقتي منطقتي دي حياتي وفيها اجمل ذكرياتي اكبر مدرسه متعلم فيها الدنيا وواخد خبراتي ..

دي اصحابي فيها وجيراني فيها وحبايبي فيها مافيه غيرها جيها تتحامى فينا نتحامى فيها ما احنا اللى ليها  منطقتى.

كلمات أغنية أغلي من الياقوت كاملة

  • غناء: أحمد مكي.

يوم ميلادك يوم ما للدنيا إنت جيت أول علاقتي بيك صوتك ما بيني و بينك حيط

سمعت صوتك إستغربت إتلخبطت إتشديت قلبى إتنفض ما بين ضلوعي و م الفرحة بكيت

أول ما شفتك الدنيا لفت بيا، ربى حبنى و وهب ليا من عنده هدية

سرحت فيك ساعات فيك منى كتير حاجات، يا رب تاخد مني بس الحلو فى الصفات

وفي وسط زحمة فرحتي فجأة هجم سكات مخلوط صور أبيض فى أسود من إلى عشته و من إلى فات

يمكن عشان الضلمة فى طفولتي كانت أكتر من نور، عيل صغير قال بسم الله وقام يعدي فى بجور

مش شايف شط أو ميناء لآخر البصر مافيش أمل كان نفسي فى حد يعلمني و ينصحني و يبقالي المثل

ربك حماني و إتولاني برحمته مافيش جدل بعد ما كل سكة إتسدت و إسودت و الباب قفل

يا رب يا كريم إهديني وقويني و وفقني لسكة تربيته على الشىء السليم

عارف إني مش مثالي بس طمعان فى كرمك تخلى حاله أحسن من حالي

وانا أوعدك يا رب هحاول أبقى أحسن أب و أديه إلى ما شفته فى نهر طفولتى إلى نضب

كل يوم بيعدى و أشوفك فيه بتكبر بتفاجىء إن صفاتى بتظهر فيك أكتر وأكتر

إبتسامتي وضحكتي والمشي وحتى تكشيرتي حتى نومتك رجل فوق رجل دى نسخة من نومتي

قبل وجودك الدنيا ماكنتش فارقة معايا، قلبى ده كان خلاص قلب حجر دى مش كناية

جلدي تخن من قسوة الدنيا ومُر الحكاية بقيت زعلان على الشخص إلى شايفه فى المراية

لحد ما إنت جيت غيرتني و كنت الهداية، فتحت بإيدك كل أبواب الرحمة جوايا

لما بحضنك و أحس دقة قلبى جنب قلبك مية فى المية ما حبتش فى الدنيا قبلك

لما بحضر أول مرة ليك فى أى حاجة قلبي بيرفرف وأحس بألف حاجة وحاجة

إحساس غريب جزأ مني إتحول إنسان بيزعل وبيفرح وبيزرع جوايا الحنان خايف عليك من الدنيا يا إبني مالهاش أمان

وبدعي ربنا يحميك ويصونك هو الرحمن كتبت رسالة ليك عشان لو قدري وقته حان ومش مكتوب ليا أكون جنبك لآخر الإمتحان

عاوزك تكون صاحب عزيمة فولاذ حديد مهما الدنيا تحبطك صمم خليك عنيد خليك واثق فى نفسك عن حلمك إياك تحيد

مهما إسود الليل وطال هيطلع فجر جديد، عاوزك لربك شاكر وجهد الناس تقدر وإوعى تظلم مهما كنت قادر ربك أقدر

إوعى تفضح عيب إنسان لو ربك ستر، كما تدين تدان ما تضمنشى القدر لو قلت كلمة حق والناس قامت عليك كأنهم قالولك مبروك تسلم إيديك

عشان الكلب الميت ضربه مش مطلوب لكن لو كان شجر مثمر بيتحدف بالطوب لو يوم ذنوبك تقلت إرجع لربك توب

ربك لو حبك هيحبب فيك كل القلوب ساعات بسرح و بسأل نفسى والدماغ تفكر يا ترى حتبقى فعلا ضهري لما أكبر

لما العجز يبدأ ينهش فيا ويجور عليا فى عز إحساسى بضعفى هيكون قلبك عليا

لما اللسان يتقل والكلام يصبح بطىء وأعيد نفس الكلام أكتر من مرة، أرجوك تطيق يا ما طلبت منى أعيد حكى الحدوتة كتير

وفى كل مرة أعيدلك قلبى كان بيطير، لما تلاقيني قدمت ومش مواكب عقل جيلك ما تركنيش لجهلي علمني من غير ما أجيلك

خليك عنيا نورلي طريقي لمنتهاه وإفتكر إني من علمك معنى الحياة

لما أبطّل أمشى لوحدي خطوتين لما أكون أضعف إنى أشرب من غير مُعين لما تموت الذاكرة و بالعافية أعرف إنت مين

وجودك جنبي كفاية لحد ما يجيلى اليقين

كلمتين هقولهم عندي “أغلى من الياقوت” كنت معاك يوم ولادتك عايزك جنبي يوم ما أموت.

شاهد أيضًا: كلمات أغنية قطر الحياة أحمد مكى

مشوار أحمد مكي الفنى

أحمد مكي هو ممثل ومخرج وكاتب ومغني راب مصري من أصل جزائري معروف، يعد واحدا من أشهر النجوم التى ظهرت فى الوطن العربى خلال الخمسة عشر عام الماضية، بدأ مشواره الفنى عام 2005 عن طريق إخراج فيلم “ الحاسة السابعة ”بطولة “أحمد فاروق الفيشاوي”، ولكنه لم يلقى أية نجاحا نهائيا، ظهر فى أول فيلم له مع الراحل “علاء ولي الدين”بعنوان “إبن عز”، وجسد من خلاله شخصية صديقه الروش.

كلمات اشهر اغاني احمد مكي

قاد أول بطولة خاصة به من خلال فيلم “ إتش دبور “، نجح فى مجال الراب، وأصدر عدد من الأغاني التي حققت نجاح مذهل على مستوى الشرق الأوسط مثل أغنية “فيس بوكي وقطر الحياة ومنطقتي وأغلي من الياقوت”، قام بإخراج مسلسل “ لحظات حرجة ”عام 2007، قدم العديد من الشخصيات المشهورة كشخصية “H دبور وحزلئوم”.

أحمد مكي الأفلام والمسلسلات

قاد بطولة عدد من الأفلام والمسلسلات، جسد من خلالهم بعض الشخصيات الناجحة والكوميدية، تعاون فيهم مع باقة من أروع النجوم، من بين أفلامه ومسلسلاته:

  • فيلم “لا تراجع ولا إستسلام”.
  • فيلم “سمير أبو النيل”.
  • فيلم “طير إنت”.
  • مسلسل “تامر وشوقية”الجزء الأول والثانى.
  • مسلسل “الكبير أوي”في أجزاؤه الخمسة الأولى.

لا يفوتكم: كلمات أغنية وقفة ناصية زمان أحمد مكى

أحمد مكي الأغاني

إشتهر فى مجال غناء الراب، وله العديد من الأغاني الناجحة، والتى لاقت إعجاب جمهوره العريق، وحققت ملايين المشاهدات على قناته الرسمية على موقع “اليوتيوب”، من بينهم أغنية اسمها:

  • وقفة ناصية زمان.
  • الحلم ديو مع “دنيا سمير غانم”.
  • آخرة الشقاوة ديو مع “محمود الليثي”.
  • فيس بوكي.
  • منطقتي.
  • قطر الحياة.
  • أغلي من الياقوت.

آخر أخبار أحمد مكي

يستعد الفنان المصري الكبير “أحمد مكي”من أجل كتابة مسلسله الجديد “الكبير أوي”الموسم السادس، والذى من المقرر أن يتم عرضه للمرة الأولى على الشاشات فى شهر “رمضان”القادم لعام 2019، ويحاول “مكي”خلال هذه الأيام الإنتهاء من كتابة سيناريو المسلسل كاملا على أن يكون جاهزا في نهاية شهر يناير الجاري، والجدير بالذكر أن الموسم الأول منه تم عرضه عام 2010 بالتعاون مع الممثلة الجميلة “دنيا سمير غانم”.

أقرأ أيضًا: كلمات اغنية شكرا يا ماما احمد مكي 

أ / محمود عبادي عبدالمجيد

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *