التخطي إلى المحتوى

حصريا كلمات ألبوم الراجل رامى صبرى 2017 مكتوبة وكاملة على موقع محتوى، أعلن الفنان الشاب “رامى صبرى” عن أحدث ألبوماته الغنائية والفنية بعنوان “الراجل” من إنتاج وتوزيع شركة “مزيكا”، تضمن عدد إثنى عشرة أغنية كاملة وهى “الراجل ومحبتش وإتقابلنا ومش جاى فاكرها وخسارة عمرى ومفيش واحد بيتعلم وحب عمرى وعامل تقيل وأنا بنسي نفسي وغالى بطلى بقى وحلوة”.

نشأة رامى صبرى

رامى صبرى هو مطرب ومغنى وملحن مصرى معروف، يعتبر أحد الأوجه الصاعدة حديثا فى الوطن العربى خلال السنوات القليلة الماضية، أستطاع أن يحقق نسبة شعبية عالية على مستوى العالم الشرق الأوسط، ولد فى القاهرة عاصمة جمهورية مصر العربية يوم 15 من شهر مارس عام 1978، اسمه كاملا “رامي صبري محمود محمد”، عشق الغناء منذ الصغر، تميز بقوة صوته فى إلقاء الأغانى الكلاسيكية المصرية القديمة.

رامى صبرى

مشوار رامى صبرى الفنى

بدأ مشواره الفنى عند طريق الإلتحاق بأكاديمية الموسيقى بالقاهرة، نجح فى الإشتراك فى الحفلات الغنائية التى كانت تقام بها، بعد أن تخرج قام بتلحين العديد من الأغانى والألبومات الناجحة لألمع مطربين العالم العربى مثل “شيرين عبد الوهاب وفضل شاكر وعامر منيب”، وفى عام 2005 تعرف على المخرج الكبير “طارق العريان” الذى إستمع إلى صوته وأشاد بموهبته الرائعة وقرر التعاون معه وبالفعل تمكن من الإنضمام إلى شركته الخاصة “ستار جيت”.

رامى صبرى

أطلق أول ألبوم غنائى كامل له بعنوان “حبيبى الأولانى” بالإضافة إلى ظهوره فى ثلاثة أغانى مصورة وهى “حبيبى الأولانى ومش أنا وبحبك”، حصل من خلاله على نسبة نجاح وشعبية هائلة على مستوى العالم العربى، إتجه بعد ذلك لعمل بعض الحفلات مثل حفلات التخرج والجمعيات والمؤسسات المختلفة، تم إستضافته فى العديد من البرامج الغنائية المشهورة والمعروفة مثل برنامج “تارتاتا ونغم وسكوت حنغنى”.

رامى صبرى

عرض عليه الإشتراك فى بطولة عدد من الأفلام السينمائية ولكنه رفض وفضل الإستمرار فى مشواره الغنائى فقط، واجه عدة مشكلات فى عام 2008 لإصدار ثانى ألبوماته الفنية بسبب تعرض الألبوم للقرصنة وإنتشار أغانيه فى الأسواق قبل الموعد الرسمى لطرحه ولكنه تمكن من الإعلان عنه فى نفس العام وحقق نسبة نجاح ومبيعات عالية، ومن أشهر أغانيه أغنية “كلمة ومسألتنيش ومش فارق ومع الأيام”، غنى بعض أغانيه فى حفل زفاف المخرج “طارق العريان وأصالة نصرى”.

رامى صبرى

وقع عقد مع شركة “مزيكا” عام 2015 التى أنتجت له ثالث ألبوماته الفنية بعنوان “وأنا معاه” وتضمن عدد إثنى عشرة أغنية كاملة، قدم بعض الأعمال الدينية مثل أغنية “وجه كريم ويارب”، إشترك مع النجمة السورية “أصالة نصرى” فى دويتو غنائى بعنوان “مش فاكر ليك” وتم تصويرها فيديو كليب، أعلن عن آخر ألبوم له حتى الآن بعنوان “الراجل” عام 2017 وأحتوى على عدد 12 أغنية.

رامى صبرى

معلومات عن ألبوم الراجل

أنتشر الألبوم خلال الأيام القليلة الماضية على معظم المواقع الإلكترونية على الرغم من عدم الإعلان عنه رسميا مما أدى إلى غضب رامى صبرى الشديد وأكد أنه قد تم تسريبه من قبل بعض شركات الإتصالات المصرية المعروفة، والجدير بالذكر أنه أستغرق فى تسجيله فترة طويلة وصلت إلى سنة ونصف كاملين قضاهم فى التنقل والسفر بين مصر وتركيا.

رامى صبرى

تعاون من خلاله مع أبرز نجوم العالم العربى فى مجال التأليف والشعر مثل الشاعر القدير “تامر حسين ووائل توفيق وأمير طعيمة”، أشتمل على 12 أغنية كاملة وهى “الراجل ومحبتش وإتقابلنا ومش جاى فاكرها وخسارة عمرى ومفيش واحد بيتعلم وحب عمرى وعامل تقيل وأنا بنسي نفسي وغالى وبطلى بقى وحلوة”، أعلن عن البرومو منذ فترة بعنوان “الراجل يتكلم” وتم طرحه على حسابه الشخصى على اليوتيوب، حقق من خلاله أكثر من إثنان مليون مشاهد حتى الآن، قرر تصوير أغنية “حلوة” فيديو كليب.

رامى صبرى

كلمات أغنية الراجل كاملة

  • ألبوم الأغنية: الراجل 2017.
  • كلمات الأغنية: وائل توفيق.
  • ألحان الأغنية: رامى صبرى.
  • توزيع الموسيقى: جلال الحمداوى.

عايز أقولك حاجة اسمعي مني في اللي هيتقال لما الراجل يتكلم الست متعندش معاه متقولّوش حاضر في كلام يتقال، تاني يوم تنساه تفهم وتقدّر قيمته لو عايزة تكمل وياه ماهي لو بتعامله بطيبة وحنية وحب واخلاص تاخد عينه وتدّلع ويصونها وتتشال عالراس وقت ماتغلط تتحاسب، يسامحها على أي أساس انتي فاهمة الدنيا غلط باين متعلمتيش الراجل لما يحب بجد يحب بكل مافيه، واللي بتفهم بتريّح وبتعرف ازاي ترضيه مبيقساش غير لو حس ان الست دي مش باقية عليه، واللي تحافظ على بيتها وأسرار بيتها دي تبقى تمام، واللي بتصبر على حالها مشاكلها بتتحل اوام، واللي تقلِّب في مشاكل معروف انها أي كلام خلص الكلام اما نشوف آخرتها بعد ايه.

كلمات أغنية الراجل

كلمات أغنية محبتش كاملة

  • ألبوم الأغنية: الراجل 2017.
  • كلمات الأغنية: تامر حسين.
  • ألحان الأغنية: شادى حسن.
  • توزيع الموسيقى: طارق توكل.

محبتش اني اضيع وقتي ع الفاضي هسيبك قبل ما تسيبني وانا راضي
يقولوا الناس انا سبتك ولا تسيبني كرامتي غالية عندي ومش هموت، عادي مادام ملقتش فايدة جاية في عتابي في ايه يجبرني اكمل عمري في عذابي صبرت كتير وهعمل بس ايه تاني، وبكره تحس فرق الدنيا في غيابي، وآدي الأيام مسيرها تعدي مين قالك مبعتديش، ومش هزعل عشان عارفك محبتنيش يادوب تنساني دلوقتي ويلا سلام آدي الأيام ياعيني وهيا بتبين عيوب الناس، ومين حبك، ومين عرفك يومين وخلاص، ومين طلعت وعوده كلها أوهام متسألنيش هعيش ازاي دي سيبهالي يهمك أمري من امتى وراحة بالي بلاش انت ومتعملش اني غالي عليك لحالك روح و سيبني خلاص بقى ف حالي أبات مظلوم وعمري ف يوم ما ابات ظالم أذيتني كتير وربنا وحده كان عالم بعدّي حاجات عشان بس الحياة تمشي لقيت الحب والإحساس ده مش دايم، وآدي الأيام مسيرها تعدي مين قالك مبعتديش، ومش هزعل عشان عارفك محبتنيش يادوب تنساني دلوقتي ويلا سلام آدي الأيام
ياعيني وهيا بتبين عيوب الناس، ومين حبك، ومين عرفك يومين وخلاص، ومين طلعت وعوده كلها أوهام.

كلمات أغنية محبتش

كلمات أغنية إتقابلنا كاملة

  • ألبوم الأغنية: الراجل 2017.
  • كلمات الأغنية: تامر حسين.
  • ألحان الأغنية: رامى صبرى.
  • توزيع الموسيقى: طارق توكل.

اتقابلنا بعد عمر وكان بقالنا سنين كتير من يوم فراقنا مشوفتهاش اتقابلنا وقلبي دقّ وقال ياريتني أيام زمان مابعدت عنها، مسبتهاش لنا ذكريات افتكرناها عمري ما انساها، ومين ينسى أعزّ الناس، وآهي الأيام اللي بعدتنا تاني جمعتنا وخلتنا نحنّ قوام اتقابلنا بعد عمر وكان بقالنا سنين كتير من يوم فراقنا مشوفتهاش اتقابلنا وقلبي دقّ وقال ياريتني أيام زمان مابعدت عنها، مسبتهاش لسه زي ما هيّا حلوة مهما عدى ومهما فات على حالها زي ماسبتها شكلها عمال بيصغر، رجعتني لذكريات، وحاجات جميلة انا عشتها لنا ذكريات افتكرناها عمري ما انساها، ومين ينسى أعزّ الناس، وآهي الأيام اللي بعدتنا تاني جمعتنا وخلتنا نحنّ قوام.

كلمات أغنية مش جاى أفكرها كاملة

  • ألبوم الأغنية: الراجل 2017.
  • كلمات الأغنية: أحمد على موسي.
  • ألحان الأغنية: ياسر نور.
  • توزيع الموسيقى: محمد مصطفى.

انا مش جاي افكرها بماضي وقت عدى عليه انا عارف أكيد نسيت، وتتمسك بحبنا ليه، ومين بيعيش على ذكرى لواحد راح خلاص ونسيه، وادينا، ادينا بعدنا وطال البعد مابينّا ومرجعناش، ورضينا بحكم الدنيا علينا، خسارة مكملناش، وياريته ده كان بايدينا مين فينا بيفضل شايل جرحه ف قلبه ومبينساش، وفراقنا تعبنا شوية حقيقي لكنه مموتناش
ولقينا اللي ينسينا، وزي ما جيت انا همشي، انا مش قصدي ازعلها بكل بساطة وحشتني، وقلت اعرف ايه احوالها، واشوفها من بعيد لبعيد، واطمن قلبي على حالها، وادينا، ادينا بعدنا وطال البعد مابينّا ومرجعناش، ورضينا بحكم الدنيا علينا، خسارة مكملناش، وياريته ده كان بايدينا مين فينا بيفضل شايل جرحه ف قلبه ومبينساش، وفراقنا تعبنا شوية حقيقي لكنه مموتناش، ولقينا اللي ينسينا.

كلمات أغنية خسارة عمرى كاملة

  • ألبوم الأغنية: الراجل 2017.
  • كلمات الأغنية: أحمد على موسي.
  • ألحان الأغنية: رامى صبرى.
  • توزيع الموسيقى: فهد.

خسارة عمري ضاع على واحدة طلعت محبتنيش، وباعت قلبي كده بسهولة، نسيت وقادرة تعيش، ولا اشتاقت ولا حنّت، ولا فارق معاها كمان بكل بساطة نسيتني، ولا عملت حساب لزمان، وانا اللي فاكرها ف بعادي بتتعذب ولا بترتاح فاكرها عايشة ايامها، ما بين حيرة وندم وجراح اتاريها ولا حاسّة، وقالت عادي حب وراح خسارة عمري ضاع على واحدة ضحكت عليّا سنين يادوب انا كنت واحد عدّى ف حياتها خد له يومين، ولا طلعت ملاك يعني، ولا ويّاها شوفت انا خير في أول فرصة جت ليها باعتني قوام بدون تفكير، وانا اللي فاكرها ف بعادي بتتعذب ولا بترتاح فاكرها عايشة ايامها، ما بين حيرة وندم وجراح اتاريها ولا حاسّة، وقالت عادي حب وراح.

كلمات أغنية خسارة عمرى

كلمات أغنية مفيش واحد بيتعلم كاملة

  • ألبوم الأغنية: الراجل 2017.
  • كلمات الأغنية: أمل طائر.
  • ألحان الأغنية: رامى صبرى.
  • توزيع الموسيقى: طارق توكل.

مفيش واحد بيتعلم كده ببلاش، وانا اتعلمت انا وقلبي ومبننساش، وبكرة الدنيا هتوريك وتحتاجنا ومتلقيناش، واللي انت عملته فيّا بكرة هيترد ليك بحق دموع عينيا عمري ما هندم عليك هتعب يمكن شوية لكن هعيش بعديك، واللي انت عملته فيّا بكرة هيترد ليك بحق دموع عينيا عمري ما هندم عليك هتعب يمكن شوية لكن هعيش بعديك بلاش انت اللي تتكلم عن الإحساس، وفض السيرة دي وامشي وسيبني خلاص ياريت تسكت، ده لو خايف على شكلك قصاد الناس، ولو صدفة اتقابلنا متجيش ترمي السلام مبقاش ولا حاجة بنّا، خلصت مات الكلام، وحسابي معاك هسيبه للدنيا والأيام، ولو صدفة اتقابلنا متجيش ترمي السلام مبقاش ولا حاجة بنّا، خلصت مات الكلام، وحسابي معاك هسيبه للدنيا والأيام.

كلمات أغنية حب عمرى كاملة

  • ألبوم الأغنية: الراجل 2017.
  • كلمات الأغنية: أمير طعيمة.
  • ألحان الأغنية: رامى صبرى.
  • توزيع الموسيقى:  طارق توكل.

حب عمري انا دي عيونك علموني لو غبتي ليلة او سنة، ف ثواني يرجعوني عمري، عمري، عمري ما انسى انا حب عمري دانت حلم انا عشت عمري كله بستناه لما جيتلي، لما بعيونك ناديتلي كل حاجة فيك نادتني للي بتمناه حب عمري انا من قبل ما يوم تجيني مكتوب يا حبيبي لنا الاقيك يوم وتلاقيني عمري، عمري، عمري ما انسى انا حب عمري دانت حلم انا عشت عمري كله بستناه لما جيتلي، لما بعيونك ناديتلي كل حاجة فيك نادتني للي بتمناه عمري، عمري، عمري ما انسى انا حب عمري دانت حلم انا عشت عمري كله بستناه لما جيتلي، لما بعيونك ناديتلي كل حاجة فيك نادتني للي بتمناه.

كلمات أغنية حب عمرى

كلمات أغنية عامل تقيل كاملة

  • ألبوم الأغنية: الراجل 2017.
  • كلمات الأغنية: تامر حسين.
  • ألحان الأغنية: رامى صبرى.
  • توزيع الموسيقى: طارق توكل.

خليك كده عامل تقيل، تمام تمام، وانا مش هسلّم مستحيل اوام اوام
عمال تقول بعنيك كلام، كلام كلام باين عليك الاهتمام قالوا الصراحة راحة قول، هقول واقول قدام عينيك الحلوة دول ماليش حلول، والوقت لو هيطول يطول، يطول يطول خلينا كده على طول انا مش همّل،املّ مين، دا يوم يومين، وتحنلي وقلبك يلين، كمان يومين، واكمنّي خبرة من سنين، بشوف عينيك قدام عينيا مشتاقين افهمني ده الموضوع كبير، كبير كبير، وانا عندي ليك كلام كتير، كتير كتير، وبقيت بخاف عليك واغير، بخاف واغير ايوة بخاف عليك واغير ماليش انا في السكة دي، فاكرني ايه انا اللي احبه بداديه، واصبر عليه لكن انت لأ زودتها، بقولك ايه قصر وقول ع اللي مداريه كلمة يادوب اربع حروف، بلاش كسوف قولها كده وجرب وشوف، كفاية خوف انت اللي نفسي اعيش معاه مابين ألوف فبلاش نسيبها للظروف.

كلمات أغنية عامل تقيل

كلمات أغنية وأنا بنسي نفسي كاملة

  • ألبوم الأغنية: الراجل 2017.
  • كلمات الأغنية: أحمد على موسي.
  • ألحان الأغنية: رامى صبرى.
  • توزيع الموسيقى: طارق توكل.

انا بنسى نفسي، حبيبي انا بنسى اسمي حبيبي انا بنسى لما بكون وياك، وبلاقي نفسي حبيبى معاك، ونفسي اكمّل باقي عمري واعيشه معاك م الليلادي قلبي ليك م الليلة دي روحي فيك م الليلادي انا هشوف يا حبيبي الحياة بعنيك انا بنسى نفسي، حبيبي انا بنسى اسمي حبيبي انا بنسى لما بكون وياك، وبلاقي نفسي حبيبى معاك، ونفسي اكمّل باقي عمري واعيشه معاك انا بنسى نفسي، حبيبي انا بنسى اسمي حبيبي انا بنسى لما بكون وياك، وبلاقي نفسي حبيبى معاك، ونفسي اكمّل باقي عمري واعيشه معاك.

كلمات أغنية غالى كاملة

  • ألبوم الأغنية: الراجل 2017.
  • كلمات الأغنية: تامر حسين.
  • ألحان الأغنية: شادى حسن.
  • توزيع الموسيقى: طارق توكل.

عارفه، من قبل ما اقابله وانا عارفه من سنين وانا ف خيالي شايفه مش غريب عليا الضحكة دي والفرحة اللي ف عنيه ده حبيبي من زمان  سيرته، والله أحلى سيرة تيجي سيرته بالساعات بسرح قصادي صورته لو هعيش حياتي احب فيه، برضه قليل عليه، ولكل شئ أوان غالي حبيبي على قلبي، انا لا هداري ولا اخبي يلا متضيعش وقتنا، الدنيا ملكنا وانت حبيبي جنبي لما، قلبي شاف عيونه وسط لمّة قاللي هو ده حبيبي أيوة صوره من اللي كان في بالي ياه، ياريت اعيش معاه ف الدنيا دي ياريت فجأة الحياة احلوت ف عيني فجأة، والقدر عملهالي مفاجأة حس بيّا من أول سلام، وعنيه قالت كلام من فرحتي غنيت غالي حبيبي على قلبي، انا لا هداري ولا اخبي يلا متضيعش وقتنا، الدنيا ملكنا وانت حبيبي جنبي.

كلمات أغنية بطلى بقى كاملة

  • ألبوم الأغنية: الراجل 2017.
  • كلمات الأغنية: أمير طعيمة.
  • ألحان الأغنية: رامى صبرى.
  • توزيع الموسيقى: طارق توكل.

بطلي بقى وحياة عنيكي ايه اللي جرى يا حبيبتي ليكي، واعقلي بقى دانا روحي فيكي على كل حاجة صغيرة بنخش ف سين وجيم مع انك عارفة ان انا دوغري وماشي سليم انا نفسي افهم م النكد يا حبيبتي بتاخدي ايه سيبك بقى م الجو ده، الجو ده قديم بطلي بقى وحياة عنيكي ايه اللي جرى يا حبيبتي ليكي، واعقلي بقى دانا روحي فيكي على كل حاجة صغيرة بنخش ف حوارات كل اما نعدي بمشكلة بنقلب ف اللي فات ف ثواني الاقيكي بتزعلي يا حبيبتي من مفيش هو انتي ليه متخيلة انك مبتغلطيش بطلي بقى وحياة عنيكي ايه اللي جرى يا حبيبتي ليكي، واعقلي بقى دانا روحي فيكي على كل حاجة صغيرة بنخش ف سين وجيم مع انك عارفة ان انا دوغري وماشي سليم انا نفسي افهم م النكد يا حبيبتي بتاخدي ايه سيبك بقى م الجو ده، الجو ده قديم.

كلمات أغنية بطلى بقى

كلمات أغنية حلوة كاملة

  • ألبوم الأغنية: الراجل 2017.
  • كلمات الأغنية: أحمد على موسي.
  • ألحان الأغنية: رامى صبرى.
  • توزيع الموسيقى: تميم.

حلوة دي ولا ايه قمر وحلاوته زيادة ايه! جمالها ماشاء الله عليه قولولي طب اعمل ايه، ايه، ايه، ايه حلوة مفيش كلام، مخدتش وقت قوام قوام بضحكة يادوب كده والسلام عشقتها واعمل ايه، ايه، ايه، ايه، وماليش غيرها هيّا، ومين مجنون يرفض هدية دي فرصة عمري وبين ايديا، ومنها مفيش أكيد اتنين عمري ما هرضى بغيرها واحدة، ولا هرتاح انا يوم ولا اهدى، ومش منقول ولا خطوة واحدة، دي حلم لقيته بعد سنين حلوة دي ولا ايه؟ قمر وحلاوته زيادة ايه جمالها ماشاء الله عليه قولولي طب اعمل ايه، ايه، ايه، ايه حلوة مفيش كلام، مخدتش وقت قوام قوام بضحكة يادوب كده والسلام عشقتها واعمل ايه، ايه، ايه، ايه يعني ف كلمتين دي خطفت قلبي بضحكتين مخدتش وقت يادوب يومين، وقلبى جابت رجليه، ايه، ايه، ايه جد ومش هزار، بدون تفاصيل كده باختصار دي خلت قلبي وعقلي طار هواها مسلم ليه، ايه، ايه، ايه، وماليش غيرها هيّا، ومين مجنون يرفض هدية دي فرصة عمري وبين ايديا، ومنها مفيش أكيد اتنين عمري ما هرضى بغيرها واحدة، ولا هرتاح انا يوم ولا اهدى، ومش منقول ولا خطوة واحدة، دي حلم لقيته بعد سنين.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *