التخطي إلى المحتوى
حواديت اطفال قبل النوم باللهجة المصرية
قصص اطفال باللغه العامية

حواديت اطفال قبل النوم باللهجة المصرية عبر موقع محتوى, نقدم لكم اليوم من خلال مقالتنا التالية من ضمن مجموعة حواديت اطفال قبل النوم، قصة الاخوات الثلاثة باللغة العامية ليسهل على الاطفال والأمهات قرائتها، وبأسلوب بسيط مشوق.

قصة الاخوات الثلاثة

في بلدة ريفية كان بيعيش اهلها في حب وتعاون وكان من بين اهلها لونا و والدتها واخوتها الصغار لولا ولي لي، التلات بنات اتعرفوا بالجمال الصارخ اللي مالوش مثيل، كانوا بيشتغلوا في مطعمهم الصغير المعروف بانه اشهر مطعم في القرية في تقديم ألذ الوجبات.

وفي يوم من الأيام طلبت الام من البنت الكبيرة لونا انها تروح للسوق عشان تشتري خضار وفاكهة للمطعم، لبت لونا طلب والدتها اللي نصحتها انها ما تتأخرش عن الساعه ستة، ودعت لونا مامتها وخرجت من البيت للسوق.

اشترت لونا كل الطلبات بسرعة، وفي طريقها للبيت اكتشفت انها اتأخرت جداً، ففكرت انها تمشي من طريق مختصر، بس للأسف تاهت لونا واتفاجأت انها واقفه وسط غابة كبيرة، بدأت تجري وسط الغابة لما حست بالضياع وفجأة، وقف قدامها دب عملاق، صرخت لونا من شدة خوفها، اقترب الدب منها وقال لها: ماتخافيش مش هأذيكي، أنا بس محتاج مساعدتك.

قالت لونا بخوف: عاوز ايه مني؟

فأجاب الدب: ممكن أعرف اسمك ايه؟

قالت: لونا.

قال لها الدب: اسمك جميل جداً ، عندك اخوات تانين؟

قالت لونا: أيوه.

الدب قال: لولا ولي لي ..صح؟

ردت لونا في استغراب: انت عرفت ازاي، وعاوز مني ايه؟

قصص اطفال باللغه العامية

قال الدب للونا: اخواتك عندي، هما كانوا بيدوروا عليكي ولما مالقوكيش دخلوا يدوروا عليكي في الغابة، وانا لاقيتهم واخدتهم عندي، ولو عاوزه تشوفيهم تعالي معايا.

مشيت لونا مع الدب جوا الغابة ووصلوا لحديقة سرية، وهناك شافت اخواتها جوا كوخ قديم، اطمئنت لونا على أخواتها وبصت للدب وقالت له بشدة : انت عاوز مننا ايه؟

رد الدب: عاوز تلات خصلات من شعركم انتوا التلاته.

قالت لونا: هتعمل بهم ايه؟

قالها الدب: ده مش اختصاصك، عاوز الخصلات بسرعه ومن غير كلام.

قصص اطفال بالعامية

قصت الثلاث بنات ثلاث خصلات من شعرهن، وقال الدب: مطلوب من كل واحده فيكم دلوقتي تحط كل خصلة من الخصلات الثلاثة في الثلاث جبال الشمالي والشرقي والجنوبي في سبعة أيام، وممنوع انكم تتاخروا عن السبع أيام.

قالت لونا: وازاي هتتأكد اني روحت للثلاث جبال.

قال الدب: حياة اخواتك بين ايدي.

قالت لونا: حاضر هروح بس بشرط توعدني انك تحافظ على اخواتي وتسيبهم بعد 7 أيام مهما حصل.

قالت لولا الاخت الوسطى: أنا اللي هروح.

قالت لونا: لا انتوا لازم ترجعوا لماما عشان ناخدوا بالكم منها، أنا الكبيرة وهتصرف.

قالت لولا: خلاص نكتب اسمائنا في ورق ونحطها في جرة والدب هو اللي يختار.

وبالفعل الدب اختار ورقه طلع فيها اسم لي لي، صرخت لونا وقالت: لألأ، لي لي صغيرة ومش هتقدر تروح ولا هتعرف تتصرف، أنا اللي هروح لان انا اللي غلطت لما دخلت الغابة.

مشيت لونا وسابت اخواتها، و وصلت للجبل الاول خلال 3 ايام وحطت الخصلة الاولى، وهناك بدأت تحس بالتعب وقالت لنفسها ان الموضوع ده لام ياخد اكتر من 7 ايام، بس انا لازم اتحرك اسرع من كده عشان اخواتي، استمرت لونا في الجري عشان توصل للجبلين التانين في الموعد.

حواديت قبل النوم للاطفال

وبالفعل قدرت لونا انها توصل للتلات جبال قبل السبع ايام مايخلصوا، ورجعت تاني للحديقه اللي فيها اخواتها مع الدب، بس هناك لاقت الصدمة اللي ماكنتش متوقعاها.

لونا رجعت لاقت الكوخ اللي فيه اخواتها والدب فاضي، فرجعت جري لبيتها وهناك لاقت خيول ملكية وحراس كتير قدام البيت،  دخلت لونا بسرعه لاقت مامتها واخواتها، راحت عليهم وسألتهم عن اللي حصل، فقالت لي لي: احنا كويسين، مش هتصدقي اللي حصل، الدب طلع هو الاميرة يالس اللي كانت مختفيه، والملك دلوقتي طلبنا في قصره.

راحت الثلاث اخوات للقصر، وهناك دخلت الاميرة سالي شكرتهم وامتنت لهم بحياتها؛ فسألت لونا: ممكن أعرف ايه اللي كان حصلك؟، قالت الاميرة: لما كنت بتتوج عشان اكون اميرة المدينة، الساحرة الشريرة قالت عليا تعويذه انتقاماً لوالدتي، وكان لازم عشان يتفك السحر ده 3 خصلات من 3 بنات اخوات، ومافيش في المدينة تلاته اخوات غيركم.

ولأن والدي واخواتي زعلوا عليا لما اتحولت لدب، قررت اني اسيب القصر لحد ما اقدر أحل المشكلة دي، هناك لاقيت لي لي ولولا وهما بيتكلموا عنك وفهمت انكم 3 اخوات وهو ده اللي كنت بدور عليه.

قال الملكة للونا: دينك ده مستحيل انساه ولازم اوفيه، واصدر فرمان ملكي بزواج الثلاث اخوات بالثلاث أمراء أخوات الاميرة سالي، وفرحت المدينة كلها برجوع الاميرة سالي وفرح الامراء.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *